Provérbios 16:5 - Kaxinawá Bíblia (BR)

⁵ Ibubis kẽkubaĩmisbu Senhor Deusũ betxipaiama hatu kupikinã, betsabu hawaira kupikĩ inũ betsabu manakubaĩkĩ hatu kupimiski, hatũ txakabu binumamarã.

Provérbios 16:5 교차 참조

Jó 40:12

Tsuabura ibubis keĩ hãtxamisbu hatu uĩ bestikĩ di akawakĩ hatu beshtewe. Hanira hunibu txakabu mĩ hatuki nukuairã, hatu txusha keska wakĩ dake wakĩ hatu beshtewe.

Êxodo 20:7

Ha inũ, betsarã, earã, ẽ matũ mekenika Senhor Deusũ kenaki meseama hamẽ shabakabi yuiyamakubaĩshãkãwẽ. Hakia meseama ẽ kena hamẽ yuibaunaibu hawa hatu hakimama ẽ hatu kupishanaii.

Provérbios 11:21

Txanima kayabi huni txakabubu hanu hatu kupiaitiã hani pashatirubumahairaki. Hakia pepabu hawa hatu kupiama hawama kaĩbaini pashashãkanikiki.

Provérbios 16:4

Haska betxipaiai txibãkĩ Senhor Deusũ dasibi dami betsa betsapa wakĩ keyuniki, huni txakabubũ nĩkaisbumari hanu hatu kupiaitiã hatu kupikubaĩti wakinã.

Provérbios 16:6

Hamapai txakabu tibi yura betsabuna hakimairã, Senhor Deusũ nuikipaiwẽ txanima atiki. Senhor Deus duawakinã, txakabu tibi mĩ heneakeakekubainaii.

Provérbios 6:29

Habiaskariai huni betsã aĩ beneyabiakẽ habe txutanamemisrã, txanima hawẽ kupiti bishanikiki, txi dekẽ ikua keskairã.

Provérbios 8:13

Senhor Deuski datekĩ duawakubaĩkinã, txakabu danaĩ mĩ haki sinatatiruki. Eanã, nati txakabu ẽ danãmiski: ibubis keaĩbu inũ, ha: ‘Ẽ eã besti hamapai unã keyuaii’, imisbu inũ, hiwe txakakubaĩmisbu inũ, txanitxakakubaĩmisbu eã ẽ hatu danãhairamiski.

Santiago 4:6

Hakia hamapai tibi nũ akairã, hawẽ pepawẽ nuku merabewakĩ binumaikiki. Haska hawẽ hãtxa yuishunikatũ kenekĩ: “Tsuabũra yuikĩ: ‘Hamapai betsa betsapa emebi ẽ atiruki’, ikĩ keaĩburã, Deusũ hatu beshtemiski. Hamẽ tsuabura babutã yuikĩ: ‘Deusũ besti ea merabewaya hawara txakabu hawẽ pepawẽ besti ẽ daĩbaĩtiruki’, ikaibu duawakĩ habu merabewakubaĩmiski”, iniki.