Provérbios 16:28 - Kaxinawá Bíblia (BR)

²⁸ Huni atimapa hawẽ hãtxa txakabuwẽ ha imisbuki. Txani yui yuananãkĩ hatu sinatamamisbuki, hawẽ haibube hatu sinatanamemakinã.

Provérbios 16:28 교차 참조

Provérbios 15:18

Hawaira sinatai hãtxakĩ hatu pubẽmamisbuki. Hakia tsuabũra pe shinaĩ hawaira sinatama hawẽ hãtxa pewẽ hatu nemamisbuki.

Provérbios 16:27

Huni txakabubũ hãtxarã, txi here hi ikai keskakĩ hawẽ hãtxawẽ txakabu tibi tashnimamisbuki.

Provérbios 16:29

Hawaira detenamekatsi imistũ hawẽ haibu ha dapi hiweabu parãkĩ haska hawẽ haibũ shinãmabiakẽ hatu yunu txakakubaĩmiski.

Provérbios 17:17

Hawẽ haibu kayabitũ hawa heneama betxipaimisbuki. Hawẽ betsa kayabi keska wakĩ hanu bika teneaitiã merabewakubaĩmisbuki.

Provérbios 17:9

Hawẽ haibũ kanebiashĩkẽ hakiri yuibaunama huneshũkĩ hawẽ haibu betxipaimamiski. Hakia hawẽ haibũ kaneshina huneshunama txanikaũkĩ hawẽ haibu danãmakĩ putamamiski.

Provérbios 18:6

Ha unaĩsmapa hiwe betsa anu kashũ txakabu hatu tueshũmisbuki, hau hawẽ taea ha iki detenamenũbunã. Hatu haskamamiswẽ taeshũ ha huni kusha kusha atirubu peki.

Provérbios 18:8

Matxupã txani yuibaũkinã, misi batapabu pimisbu keska wakĩ hatu nĩkamabaũmisbuki, hatũ shinã uke merã hatu mistukĩ txakabuwakinã.

Provérbios 6:14

Hatũ shinã txakabuwẽ taea shinã txakabuwakĩ haska shinãkubaĩmisbuki, hau detenamenũbũ hawara huni betsã hakiri txakabu yuishu hatuki txanikĩ hatu sinatamairã.

Provérbios 6:19

huni betsã txakabuwashu hatũ hawa uiãmabia txanitxakai shanẽ ibuki txanimisbu inũ, betsabu hau sinatanamenũbũ hatu txaniwẽ parãmisbu habu dasibirã, hatuki sinatakĩ Senhor Deusũ hatu kupishanikiki.

Romanos 1:29

Eska tibi matawaibuwẽ taeshunã, hawẽ atimapaiburã, txutanametxakaiburã, yauxiaiburã, ha pewẽ hiweama txakabuwẽ hiweairã, betsabu hatũ hawara hayawẽ hatuki sinataiburã, yura betsa tenaĩburã, detenameaiburã, txani txakabaunaiburã, beparameaiburã, yuãnanaĩburã, haskai hiweabuki.

2 Coríntios 12:20

Ha inũ, tsuabũra ẽ hãtxa mã habũ danaĩ mã haskarara ẽ matu uĩ kashanai inũ, matũri haskarara mã ea uĩshanai matuwẽ ẽ dateaii, eska mã hiweamẽkaĩ ikarã, mã danãnanãbukuaĩwẽ inũ, huni betsa ikaiwẽ uĩ mã hatuki sinatamiswẽ inũ, mã pubeaĩwẽ inũ, mã ibubis keĩ binũnãnaĩwẽ inũ, hune mã yuãnanaĩwẽ inũ, mã shabakabi txitenamemiswẽ inũ, “Eã besti ẽ hatu binuaki”, mã ikaiwẽ inũ, mã merabenameismawenã.

1 Samuel 24:9

Saul yuikĩ: —Tsuãra ea mia txakabuwamanũ ishũ mĩ shanẽ ibu mia yuiabu mĩ hatu nĩkamismẽ?