Provérbios 14:21 - Kaxinawá Bíblia (BR)

²¹ Hatu dapi hiweabu tsuãra merabewama danãkinã, Deusũ yusiã txibãma txakabuwaikiki. Hakia tsuara nuitapaibuwẽ nuikĩ merabewai benimakũkaĩmiski.

Provérbios 14:21 교차 참조

Salmos 22:24

Senhor Deusũnã, nuitapaibu hatuki dakekĩ hatu danaĩsmaki. Hanua ea akabu hawa huneama hatuki dakei hatuki petxismaki, Hawara yukabu nĩkatã hatu merabewamiski.

Provérbios 11:12

Pe shinaĩsbumã hatũ haibuaibuki hãtxa txakabumisbuki. Hakia unanepaburã, haska shinaĩ hãtxaisbumaki. Pes bestikubaĩmisbuki.

Provérbios 14:31

Tsuãra nuitapaibu bika tenemakĩ itxakawakinã, hatũ damiwani Deus danaĩ haki sinatamamisbuki. Hakia tsuara nuitapaibuwẽ nuikĩ hatũ damiwani Deus duawakĩ benimawakubaĩmisbuki.

Provérbios 17:5

Hawa hayama nuitapaibuki kashekĩ Deusũ hatũ hatu dami wani sinatamamisbuki. Tsuara nuitapabiai txakabuwai benimakubaĩmisburã, hawẽ hatu kupishanai haska washũ binutirubumaki.

Provérbios 18:3

Hamapai txakabuwairã, ha besti kaka tashniama dake paeyabi kaĩmiski. Kẽmisbu beaibũ hatuki dakei hatuki hãtxa txakabumisbuki.

Provérbios 19:17

Nuitapaibu merabewakĩ hau hawẽ dayanũ mã hatu pei inãyumisrã, Senhor Deus mã inãyua keskaki. Nuitapai pewaima keska wakĩ Senhor Deusũ manakukĩ ana inãshanikiki.

Provérbios 21:10

Tsuãra hatu txakabuwanũ, iwanã, huni txakabubũ shinãkubaĩmisbuki, ha dikabi ha dapi hiweabu hatu uĩbiakĩ ana hatu duawatikiri shinã pewamarã.

Provérbios 22:9

Tsuãra nuitapaibu uĩkĩ hatuwẽ nuikĩ hawẽ piti hatu pashkashũkĩ hatu inãkubaĩmiswẽ taeshũ Deusũ haburi uĩkĩ hatu duawashanikiki.

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Lucas 18:9

hanua itxapa mapushũ nĩkaibukiri habu hatiri ibubis kẽkĩ xinaĩ beparamei: “Ea besti ẽ pepaki. Hakia betsaburã, haskaisbumaki”, ikĩ hatu danãmisbu Jesusũ ana miyui betsawẽ hatu yusĩkĩ hatu dabĩwãkĩ yuikĩ:

Hechos 20:35

Haska inũ, nukũ Shanẽ Ibu Jesusũ nuku yusĩkĩ yuikĩ: “Tsuara nuitapakĩ hawara bi benimamisbuki. Hakia tsuãra nuitapaibu merabewakĩ inaĩ benimatxakayamamisbuki”, hatu wani xinaĩ: “Txikixama dayakĩ nuitapaibu merabewakubaĩshãkãwẽ”, akĩ ẽ matu yusĩkũbaĩmiski— iwanã,

Hebreus 6:12

Ha inũ, Jesus txibaĩ txikixi hau mã punu nukayamanũbũ Jesus ikũwãkubaĩkĩ hawẽ unãnuma hiweti Deus yubakani bikubainaibu keska wakĩ hatu txibãkĩ pepa besti wakubaĩkãwẽ, hanu mã mawaitianã.