Provérbios 13:19 - Kaxinawá Bíblia (BR)

¹⁹ Hawara haska betxipaiai akĩ menetanã, hawẽ benimamisbuki. Hakia unaĩsmapabunã, shinã betsa watã hatũ txakabu henekatsi isbumaki.

Provérbios 13:19 교차 참조

1 Reis 1:48

hatu yuikĩ: “Ẽ bake kayabi shanẽ ibuhairai shanẽ ibuhairatũ tsauti anu ma tsaua ẽ beruwẽ ẽ uiaĩwẽ taeshũ Israelĩ enabu mekenika Senhor Deus benimawakĩ duawakĩ hau kẽwãkubaĩshanũbũwẽ”, akai nĩkashũ ea yuikãshuki— akĩ Jônatasã Adonias yuia

Salmos 34:14

Txakabu betsa betsapa danãkĩ pe besti akubaĩkãwẽ. Haratura hawẽ unanuma kati bai betxitã ha txibãkubaĩkãwẽ.

Salmos 37:27

Txakabu betsa betsapa henetã pepa besti akubaĩwẽ. Tsuara haska hiweairã, hawẽ hiwea pepa ma hayaki, hanu ipashanairã.

Provérbios 13:12

Hawara akatsi shinãbiaya hamapai betsawẽ taea tea atiruma unaĩ huĩti nishmamisbuki. Hakia haska uĩkatsis ikĩ shinãkĩ manakamis tashniaya benimamisbuki.

Provérbios 13:18

Hawẽ merabewati yusĩti hãtxa tsuãra danãmisrã, yumaĩ dakekubaĩshãkanikiki. Hakia merabewati yusĩti hãtxa tsuãra nĩkamisbu yurabũ hatu kẽwãshãkanikiki.

Provérbios 13:20

Unanepabube haibunãtanã, hawẽ unanepa hãtxa mĩ tapĩkubaĩshanaii. Hakia unaĩsmapabube haibunãkinã, hatũ txakabu tapĩkĩ matũ beya pepa mã putashanaii.

Provérbios 16:17

Huni pepabu hiwei pekaĩkinã, txakabu tibi ana akama henekubaĩmiski. Haskakĩ hatũ hiwea mekekĩ hatũ yura ibubis pe mekeriakubaĩmisbuki.

Provérbios 16:6

Hamapai txakabu tibi yura betsabuna hakimairã, Senhor Deusũ nuikipaiwẽ txanima atiki. Senhor Deus duawakinã, txakabu tibi mĩ heneakeakekubainaii.

Provérbios 3:7

Ibubis keĩ: “Ẽ unanepahairaki”, iwanã, shinãyamakubaĩshãwẽ. Hakia Senhor Deuski besti datekĩ ha besti duawai txakabu tibi hene keyutã ana meyamakubaĩshãwẽ.

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.