Números 23:19 - Kaxinawá Bíblia (BR)

¹⁹ Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

Números 23:19 교차 참조

Gênesis 28:15

Mibe putanameama hanira mĩ kaya merabewakĩ ẽ mia mekekubaĩshanaii. Na mai pakea anu mĩ ana hiweshanũ ẽ mia ana nenu iweshanaii, txĩtũwãkinã. Ẽ mia yuishu ẽ mia ashũriama hakimama ẽ mia heneama ipakeshanaii— aka

Salmos 110:4

Senhor Deus mikiri hãtxai yubakaniwẽ taearã, Senhor Deusunã, hawa shinã betsa wama ipakeshanikiki, eska hãtxaniwẽ taearã: “Miarã, minabu ebe hãtxashunika niti ikama mĩ ipakeshanaii, Melquisedeque ipauni keskairã.”

Isaías 31:2

Hakia ha Deusrã, unanepahairaki. Hamapai tibi atiruki. Txakabu watiru unaĩkiki. Hawara yuitã maewakĩ ana shinã betsa waismaki. Huni txakabubu hatuki sinatakĩ hatu kupishanikiki. Habũ txakabuwaibu tsuãra hatu merabewamisbu hatuki sinatariamiski.

Isaías 40:8

Basi txushiaya hua utsi shanamiski. Hakia nukũ Deusũ hãtxarã, ha besti hawa betsama mestẽ ipakenũbarikiki”, ikĩ

Isaías 46:11

Bari huaikiria huni betsa ẽ ma kenaniki. Txaihairakea nawa tete keska hushũ haska ẽ yununi hatũ ea ashũshanikiki. Haska ẽ yubakani ẽ hãtxa menekĩ ẽ haska yuini dasibi hatũ ea ashũshanikiki.

Isaías 55:11

Habiaska keskariai ẽ hãtxawẽ ẽ hatu hãtxa wa hawa wariama ea anu hamẽ ana txĩtũtirumaki. Hakia haska ẽ uĩkĩ betxipaiai keska ẽ hatu yunua habũ akĩ menemisbuki.

Daniel 4:28

Shanẽ ibuhaira Nabucodonosor Danielĩ banabimaima keska akĩ habias Deusũ kupikubainikiaki, hawa kaneamarã.

Miquéias 7:20

Haska nukũ shenipabu Abraão inũ Jacóbe mĩ yubakani keska wakĩ, Senhor Deusuũ, merabewakĩ nukuwẽ nuikĩ mĩ yubakani hãtxa nuku hakimawayamakubaĩshãwẽ.

Habacuque 2:3

Haska nama keskawẽ ẽ mia unãmai hawaira huamabiakẽ hanu huai katutã ẽ yunua txanima hushanikiki. Hakia hawa niti ikama hushanaiwẽ taea manayukubaĩshãwẽ.

Malaquias 3:6

“Ea ẽ Senhor Deus maei ẽ hawa betsaismaki. Mã Jacó enabuwẽ taeshũ ẽ matu yamawakatsi ismaki.

Números 14:35

Txanima ea Senhor Deus ẽ hãtxa kayabiaii. Na yurabu txakabu eki dasibia sinataiburã, ẽ hatu haska washanaii. Nenu hanu tsua hiweabuma anu hatũ hiwea benushãkanikiki, mawakinã.

Números 23:18

ha nawabu haskashanaibu Balaãonẽ Balaque hãtxashũkĩ: “Ziporĩ bake Balaqueẽ, pes shũ ea nĩkawe.

Lucas 21:33

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

Romanos 9:6

Haska Deus Israelbu hatu yubanirã, Deusũ hawa betsa wama hawẽ hãtxa kuxipa hawa benuamaki. Haskabia Deusũ hatu yubani ikũwãkĩ ha Israelĩ baba itxapabũ txibãbumawẽ taea habu Israelbu kayabi itirubumaki.

2 Timóteo 2:13

Hamẽ nukubu nũ xinã betsa betsapa wai txĩtũbiamiskẽ hatunã, hawa xinã betsa betsapa waisma ikũkaĩnũbarikiki, haskatã hamebi ibubis txani txakatirumarã.

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Hebreus 6:18

Haska Deus yubakamis yubanametã maewai txani txakaismawẽ taea hawẽ nukuwẽ nuishanai nũ haki irushanũbũ ha ikũwãkĩ manakanãkãwẽ, nuku ashũshanikikirã, hawẽ taea yubakaniwenã.

Hebreus 7:21

Hamẽ nukũ Shanẽ Ibu katukinã, hawẽ yuba kanetima waniki. Hakiri tana yubakaikiri Davi hakiri hãtxakĩ kenekĩ: “Deusũ hawẽ bake katukĩ hakiri yuikĩ: ‘Miarã, ebe minabu hãtxashunika mĩ ipakeshanaii, niti ikamarã’, akĩ yubakĩ Deusũ ma yui hãtxashu ana hawẽ xinã betsa wama ishanikiki”, akĩ nuku keneshuniki.

Santiago 1:17

Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.

Santiago 4:5

Matu xinãmakatsi ikĩ Deusũ hãtxa hakiri kenekĩ yuikĩ: “Deusũ Yushĩ Pepa nuku merã hiwemanitũ nuku yauxikĩ mekekubaĩmiski”, iwanã, yuikĩ hamẽ hakiri keneama iniki.

1 Samuel 15:29

Txanima Deusũ hawẽ kushipawẽ Israelĩ enabu hatu duawakubaĩmis txanitxakaisma inũ hawẽ shinã betsa waismaki, huni betsa betsapabũ hatũ shinã betsa wamisbu keskamarã— aka

1 Samuel 3:12

Hawenabukiri haska ẽ Eli yuima hawa binumama na habia shaba betsatiã ẽ hatu bika tenemashanaii.