5 nai kuĩ butuawẽ Senhor Deus ma butua hanu haki nukuti tari hiwe hawẽ beputi bebũ nishũ Arão inũ Miriã hatu kena ha dabe beabu
hanua Senhor Deusũ Moisés yuikĩ: —Uiã. Nai kuĩ matũ mae anu butetã ha meranua nũ hãtxanameaya minabũ nĩkatã hau mĩ hãtxa ikũwãkubaĩshanũbũ hanua ẽ mibe hãtxai kashanaii— iwanã
hanua nai kuĩwẽ Senhor Deus bututã Moisésbe nitã ha bebũ daĩbaĩkĩ Moisés hui kushipawẽ hawẽ kena kayabis yuikĩ: —Earã, Senhor Deus Hamebi Hiwemis ẽ eaki! Ẽ nuikipa pepa inũ ẽ hĩ hĩma inũ ẽ txanitxakaisma inũ ẽ nuikipa itamamaki.
hanua nai kuĩwẽ Senhor Deus bututã Moisésbe hãtxai menetã hanushũ ha Yushĩ Moisés inaĩma haya pashkatã ha 70 shanẽ ibubuki inãbaunaya ha Yushĩ hatu merã hikikĩ hatu atxia Deusũ hãtxa yuishunikabu keska hatu hãtxamatã ana haska hatu hãtxamama inikiaki.
