Mateus 7:21 - Kaxinawá Bíblia (BR)

²¹ —Ha inũ, tsuabũra hatũ kesha bestiwẽ ea kenakĩ: “Shanẽ Ibuũ, Shanẽ Ibuũ”, ea wabiakĩ haska xinaĩsbumarã, habũ ẽ Epã hãtxa txibãma nai anu nukube hiweama ishãkanikiki. Hakia ẽ Epa nai anuatũ hawara yununi inũ abuai txibãkĩ akubaĩmisbu besti nukube hiweshãkanikiki.

Kashinawa : Diosun Jesúswen taexun yuba bena yiniki

²¹ —Ja inun, tsuabunda jatun kexa bestiwen ea kenakin: “Xanen Ibuun, Xanen Ibuun”, ea wabiakin jaska shinainsbumadan, jabun en Epan jancha chibanma nai anu nukube jiweama ixankanikiki. Jakia en Epa nai anuatun jawada yununi inun bechipaiai chibankin akubainmisbu besti nukube jiwexankanikiki.

Mateus 7:21 교차 참조

Mateus 12:50

Ha inũ, Deusũ hãtxa tsuabũra nĩkatã ikũwãkĩ ashũmisburã, habiabu ẽ betsabu inũ ẽ puibu inũ ẽ ewaburiki— hatu waniki.

Mateus 16:17

Jesusũ yuikĩ: —Simão Barjonasĩ bakeẽ, ẽ hakẽ huni betsã mia yuiamabia ẽ Epa nai anuatũ mia unãmakĩ mia duawaikiki. Benimariwe.

Mateus 18:10

ana nuku yusĩkĩ: —Na bakeixtã ea ikũwaĩ keskabu hawa keĩsbumarã, Deusũ nai tsumabũ hatu mekei ẽ Epabe beisinaĩ habe hãtxakĩ hatu merabewamisbuwẽ taeshũ hawa hatu itxakawakĩ danãyamakubaĩkãwẽ— iwanã,

Mateus 18:19

Ha inũ, ikũwaĩbu dabe kasmai dabe inũ besti itxabu ẽ kenawẽ hãtxakĩ yukaibu ẽ kuxipawẽ ẽ hatube naxui ika ikũkaĩshanaii. Habiaskari wakĩ matu dabetũri habias xinãkĩ hawara pepas Deus mã ea aka matu ashũshanikiki— nuku waya

Mateus 18:3

nuku yuikĩ: —Ikũ ẽ matu yuiaii. Bake mixtĩbũ hawa dateama ea ikũwaĩ txĩtũkatsi ikama ea txibãkubaĩtirubuki. Tsuabura haska keskariakĩ hawa keãma ea ikũwãkĩ txibãmarã, nai anu mã ebe hiwei shanẽ ibutirumahairaki.

Mateus 18:35

Matu mã haska keskariai ikũwaĩ betsã mia txakabuwa hawẽ nuikĩ hau ewẽ nuinũ, iwanã, mia yuibiakẽ miari hawẽ nuiama mĩ hakimamakẽ ha shanẽ ibu keskai ẽ Epa Deus nai anua matuwẽri nuiama ishanikiki, matũ txakabu buamarã— nuku aniki.

Mateus 25:10

ha unaismapabũ bĩ hene bi hamakiri buabũ hatumaki hatũ haibũ bene huai ha txipax unãnepabũ itani hua habe nawai hikiabũ hanushũ beputi ma bepuabũ

Mateus 25:21

hawẽ shanẽ ibũ yuikĩ: “Mĩ ẽ tsuma pehaira kaneismaki. Eskarabes ẽ mia yunubiabaini inãnanãkĩ hawa benuama mĩ pe mekekĩ kaneama ixiãwẽ taeshũ ana daya itxapa ẽ mia yunushanaii. Haskawẽ taea natiã ebe benimatxakayamariwe”, akaya

Mateus 26:39

hanua kai txaima ka beuwa maiki beti ishũ Deus yukakĩ: —Ẽ Epa Deusuũ, hamapai dasibi mĩ atiru ẽ unaiĩ. Hau ea tenãyamanũbũ mĩ hatu nematirubia haska ẽ xinaĩwẽ akama mĩ xinã bestiwẽ ea ashãwẽ— atã

Mateus 26:42

ana Deusbe hãtxai kashũ yuikĩ: —Ẽ Epa Deusuũ, ẽ yumãyamanũ ea unãti wakĩ mĩ henekatsi ikamarã, peki. Mĩ xinãnẽ besti ea ashãwẽ— atã

Marcos 3:35

Ha inũ, Deusũ hãtxa tsuabũra nĩkatã ikũwãkĩ habũ txibãbaĩkĩ ashuaĩburã, habiabu ẽ betsabu inũ, ẽ puibu inũ, ẽ ewaburiki— hatu anikiaki.

Lucas 11:28

Jesusũ aĩbu yuikĩ: —Txanima habiaskaki. Hakia tsuabũra Deusũ hãtxa nĩkakĩ txibãmisbũ ẽ ewa binui ana benimahairakanikiki— hatu waya

Lucas 13:25

Eskaki, matu yuinũ nĩkairakãwẽ. Ikis ẽ hãtxa ikũwãkĩ mã ea txibãtiruki. Hakia ẽ Epã mae hikiti shui ma ẽ bepukẽ tsuabura hikinũ, iwanã, kene petxiuri nishũ kenakĩ yuikĩ: “Shanẽ Ibuũ, nuku bepẽshũwẽ”, mã wa matu nemakĩ yuikĩ: “Mã hania ikimẽkaĩ? Ẽ matu unãmabĩ!” matu wa

Lucas 6:46

Jesusũ hatu yusĩkubaĩkĩ yuikĩ: —Shanẽ Ibuũ, Shanẽ Ibuũ, akĩ mã ea kenabiamis haskakĩ ẽ matu yusĩa mã aismamẽ?

João 14:7

Haska inũ, mã ea unãti wakubainairã, ẽ Epa Deusri mã unãkubainaii. Natiã ea tapĩkubaĩkĩ Epa Deusri mã uĩriakubainaii— nuku waya

João 15:23

Haska inũ, ea danãkinã, ẽ Epa Deusri danãriakanikiki.

João 3:5

hanushũ Jesusũ yuikĩ: —Haskamaki. Txanima ẽ mia yuiai nĩkawe. Yura kayabi meranua kaĩyãnã, yura kayabi ikubaĩmisbuki. Ha inũ, Yushĩ Pepatũ kaĩ benamatã hatuki hikitã hatu yauxikĩ mekekubaĩmiski. Ha inũ, hene inũ Yushĩ Pepawẽ naxiabumarã, Deus shanẽ ibuaiki mã nukutirubumaki. Hakia ha dabewẽ pepakubainaibu haki mã dasitirubuki.

João 5:17

hatũ hãtxa nĩkatã Jesusũ hatu yuikĩ: —Ẽ Epa Deusũ hatu merabewai dayakũkaĩmiski. Eari habiaskariai ẽ dayariakũkainaii— hatu wa

João 6:40

Dasibibũ Deusũ bake xinãkubaĩkĩ ikũwaĩ hiwekuĩa ma hayabuwẽ taeshũ hawẽ heneai shabatiã ẽ hatu bestẽwãshanaii, haska ẽ Epã xinaĩ yubakani keska meneshũkinã— hatu wakĩ

João 7:17

Tsuabũra Deusũ xinã akatsi ikinã ẽ akai unãtã haska txanimamẽkaĩ ikĩ na ẽ yusĩaĩ: “Deus anua huimẽkaĩ, ẽ ibubis ẽ xinãnẽ ikimẽkaĩ”, mã unãtirubuki.

Hechos 14:22

mae tibi anushũ hau habũ hatu yusĩshanũbũ ikũwaĩbu yusĩkĩ hatu mestẽwãkĩ yuikĩ: —Eskaki, nĩkakãwẽ. Deus shanẽ ibuaiki nũ dasishanaibu nuku itxakawakubaĩshãkanikiki. Habiaskaki. Habiaskabiakẽ hawa datei txĩtuãma Jesus ikũwãpakeshãkãwẽ— akĩ menetã

Romanos 12:2

Haska habũ ikũwãbuma natiã mai anu hiwe bestishũ hamapai tibi akĩ xinãmisbu keskakĩ ana xinãma hakia xinã betsa watã haska Deusũ matu hiwemakatsi ikai haska abuai besti tapĩkubaĩkãwẽ. Eska hiweirã, haska Deusũ abumis mã tapĩkubaĩshanaii, pepakinã, Deus benimawai kemutapakinã, kanei hawa txĩtuãmarã.

Romanos 2:13

Ha inũ, tsuabũra hawẽ hãtxa nĩka bestikĩ Deus benimawatirubumaki, hawa txibãmarã. Hakia tsuabũra hawẽ hãtxa yununi nĩkatã habias txibãkubaĩmisbu hatuwẽ benimakĩ hatũ txakabu ana xinãma Deusũ hatukiri pe xinãshanikiki.

Efésios 6:6

Haskakẽ matũ tsuma pe dayashũkĩ duawairã, hatũ berubi uĩaĩ bestiwẽma hakia uĩyamarikẽ pe dayashũkubaĩkãwẽ, Cristõ dayarukĩ hawara hawẽ Epa Deusũ abumis haska xinaĩ ashũkinã.

Colosenses 4:12

Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã.

1 Tesalonicenses 4:3

Haskakẽ Deusũ matu pepa besti wanũ, iwanã, matu yunukĩ: “Aĩbu mĩ aĩmawẽ kemuama inũ, huni mĩ benemawẽ kemuama haska ha dabe mã haya hatũ aĩbe besti hau txutanamekubainũbũwẽ”, iwanã, xinãmiski, Deusunã.

1 Tesalonicenses 5:18

Hawara tibi mã haya inũ mã hayama haska Deusũ matu unaĩwẽ taeshũ ha besti kẽwãkubaĩkãwẽ, mã haskaibu Deusũ matu abuikiki, mã Jesus Cristo ikũwaĩbuwẽ taeshunã.

Tito 1:16

Haskawẽ taeshũ habũ yuikĩ: “Deus ẽ ikũwaiĩ”, ibiakĩ hamapai txakabu betsa betsapa akĩ Deusũ haska abumis akama danãmisbuki. Habunã, eska tibi wakinã, hatuki sinatakĩ tsua abuama inũ, huĩti kuxi sinarãwã hawa hatũ xinã pepamawẽ taeshũ hawara pepa wakĩ Deus ashũtirubumaki.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

Hebreus 4:6

Habu dukũ nukũ shenipabũ hawẽ hãtxa pepa nĩkabiatã danaĩ mai pepa huĩrukũti anu hikiama inibuki. Hakia betsabu hikinibuki. Natiã ha yubani hãtxarã, betsa wariamaki. Haskawẽ taea ha huĩrukũti pepa anu tsuabũra ikũwaĩ nũ hikishanaii.

Santiago 1:22

Deusũ hãtxa Cristokiri kakaperã, bemakis besti nĩka bestiama haska hãtxa mã nĩkai keska ha hãtxa nĩkatã akubaĩkãwẽ. Hamẽ haska mã hãtxa txibãmarã, nĩkabiai ibubis mã parananã bestitirubuki.

1 Pedro 2:15

Eska Deusũ matukiri abukĩ xinaĩkiki. Mã pe besti wai hatu uĩmakubaĩkãwẽ, habũ matu yuaĩbu inũ hãtxa unãmabia unaĩsmapai matukiri sinatai hãtxa txakabumisbu hau beshtekei ana matukiri hãtxayamanũbunã.

1 Pedro 4:2

Hatishũ matũ kemu na mai anushũ henetã hatishũra matũ hiweawẽ besti haska Deusũ xinãkĩ abuai matũ hiweawẽ dayashuni hiweyukãwẽ.

Apocalipse 2:27

Haska ẽ Epã ea yunua ẽ habe shanẽ ibumis keska wakĩ shanẽ ibukĩ ea txibãkubaĩmisbũ hatu mekebiabu ẽ hãtxa nĩkaisbuma mane mestẽti tsumashũ mã hatu yamawashanaii, haska mai kẽti wamistũ hawẽ kẽti txakabu pusamis keska wakinã.

Apocalipse 22:14

Uĩwẽ. Tsuabura benimati hayarã, hatũ tari patsa keska wakĩ habũ xinã kayabiwẽ Jesus ikũwãkĩ txakabu Deus buamakubaĩmisbu hawẽ mae bena anu hikitã habu besti pekĩ hawẽ benimai hiweti hi bimi pikubaĩshãkanikiki.

Apocalipse 3:5

Tsuabũra ea danãma habũ maemakĩ binumisburã, tari hushupa saweshãkanikiki. Ha dikabi hatũ kena Deusũ hiwemati una anua ẽ tere akama ishanaii. Hanushũ ẽ Epa inũ hawẽ nai tsumabu bebũ hatu nitxĩtã ẽ habu hatu unãmashanaii.