Josué 4:9 - Kaxinawá Bíblia (BR)

⁹ hanushũ ana hene namakis anuri Senhor Deus hatube yubakani hãtxa aruni bau ia mapukãshu anuri 12 mishki ewapa Josué hatu mãtxĩmarianikiaki. Hene merã hikibaĩ ha mishki mãtxinibu mania tsuabũra uĩriatirubuki.

Josué 4:9 교차 참조

Gênesis 26:33

hanushũ Isaque ha ũpash kini kenakĩ “Sebaki”, anikiaki. Haskawẽ taeshũ ha mae kenakĩ “Bersebaki”, ani habiaskiri heneama kenamisbuki.

Gênesis 28:18

ana ushashini bestẽtã penamahaira benikauã mishki tũku haki teratameshinai bishũ ha unãti wanũ ishũ ha mishki dabekĩ benitã Deus kẽwãkĩ sheniwẽ hawẽ beya txibãkĩ mishki dashu anikiaki.

1 Reis 18:31

Jacó, Senhor Deusũ kena betsa wakĩ Israel wani, Jacó huni bakebũ enabu shukuati 12 keska mishki ewapabu katutã pewanikiaki.

Êxodo 24:12

hanushũ Senhor Deusũ Moisés ana yuikĩ: —Neri eanu ana mapekewe. Hanushũ ea manakawe. Hawẽ yunuti inũ hawẽ nemati hãtxa uĩmakĩ mĩ hatu yusĩkubaĩshanũ mĩ huai mishki ture sapa dabeki ẽ ma kenea ẽ mia inãshanaii— aka

Mateus 27:8

Haska wanibu na habiatiãri kenakĩ: “Himi Baiki”, nũ wamiski.

Mateus 28:15

hanushũ soldadobũ pei bitã haska hatu yuishukiri habu txaniakeakenibu na habiatiãri judeubũ habiaskari hatu yuikubaĩmisbuki.

Deuteronômio 34:6

Moabe nawabũ maiwã pakea anu Bete-Peor besusi napaku anu hawẽ yura Senhor Deusũ maiwanikiaki. Mawa hanira hawẽ yura Senhor Deusũ maiwanirã, na habiatiã tsuã unãmakiaki.

Josué 24:26

habias hãtxa yunushu Deusũ hãtxa yusĩti una merã hatu keneshũtã hawẽ hatube yubakani hiwe dapi hi ewapa kushipa namã mishki ewapa hatu benimatã

Josué 4:10

Haska Moisĩ Josué yunuima ikis hau anũ Senhor Deusũ Josué yunua hawenabu imakĩ Josué keyuriama Hene Jordão namakis anu Deusbe hatu hãtxashunikabũ hawẽ hatube yubakani hãtxa aruni bau ia manayuaibũ Israelĩ enabu hawaira habu dukũ pukebainaibũ

1 Samuel 7:12

mishki kerã ewapa katutã unuri Mispa inũ unuri Sem namakis bushũ hakimatima shinãmati wakĩ hatu nitxĩmashũ yuikĩ: “Natiã Senhor Deusũ nuku merabewakĩ heneama nũ unaĩwẽ taea hawẽ kena Ebenézerki”, Samuelĩ hatu wanikiaki.