12 Hakia kaniriama tsuã meshteamabia hene netsuaya hawaira shanamiski.
Hanira hene kesha anu ha basi betsa shatxiwã hukuĩ ewamiski.
Haska keskai huni txakabubũ Deuskiri ana shinãma ha basi betsa shatxiwã hene hayamakẽ shanamis keskai hatũ shinã benumisbuki.
Ha inũ, heshe betsa mixki ewapabu mania anu mai eskarabes bemãtximea anu niri akarã, tsuãra Deusũ hãtxa nĩkakĩ taewai benimabiaya
Haska Deusũ hãtxa betsa waismakiri hawẽ hãtxa keneshunika Isaíasĩ yuikĩ: “Yura dasibi ni mashu keskabuki. Ha inũ, hawẽ hawẽruai hawẽ pepamisburã, ni mashu hawẽ hua keskabuki. Bari betsatiã ni mashu txuxiaya hawẽ huari utsitã niri imiski.
