5 Isa pishtabe mĩ beyusmis keskai ha tsatsakapetãwãbe mĩ beyus shanai? Mĩ aĩbu bakebube hau habe beyusnũbũ mĩ hatu neshashũshanai? Mĩ haska watirumahairaki!
Ha ina awa mĩ dayamakatsis ikai hi tekishkũshũ nĩkamas mĩ bai berẽ amakĩ hẽ iyamabiaya mĩ pewamabaĩtirumẽ? Kayãbis kakĩ dayakaĩkĩ mia katxũ kaya mia pukĩ pukĩ akĩ pewashũbaĩtirumẽ?
Hawẽ hiwea dasibi mĩ dayaru escravo hau ikũkaĩshanũ mĩ habe yubakatiru mĩ shinaĩ? Haskatimahairaki!
Piti inananaĩ biananãmisbu hiwe anu tsatsakapetãwã iyua hati hawẽ karuwẽ taea binũ ika ibube ha itirubumẽ? Hatu inãkĩ hawẽ yura mĩ meshte meshte atirumẽ? Pubẽhairakẽ mĩ haska watirumahairaki!
