Jó 11:15 - Kaxinawá Bíblia (BR)

^15-16 Haska puta keyutã ana hawa txakabu hayama mĩ besu shũpĩ shabakabi nia ana dakeama hiwei mĩ dateama ishanaii. Hanua haska ikis mĩ teneai dasibi hakimatã ana haska shinãma unanuma mĩ ikũkaĩshanaii, ana hawa hawẽ nuiamarã.

Jó 11:15 교차 참조

Gênesis 4:7

yuikĩ: —Ẽ mia yusiã nĩkai mĩ benimashanaii— atã ana yuikĩ: —Ẽ yusiã danaĩ mĩ pepamakẽ txakabu miki hikia sinata paẽ mia atxitã kanemakatsis ikikiki, inu pubeĩ keskairã. Hakia mĩ txakabũ mia maemapaya mĩ txakaburã, nemashãwẽ— aka

Salmos 27:1

Senhor Deus ẽ shaba keska hatũ ea mekemiswẽ taea ana hamapai betsaki ẽ dateamaki. Ẽ hiwea Deusũ ea keshekubaĩmiswẽ taea ana tsuki ẽ dateamaki.

Salmos 27:3

Detenamenikabu itxatã ea keshebiabaunabũ huĩti bene bene iki ẽ hawa hatuwẽ dateamaki. Ea detenũ itã ekiri detenamenikabu benibiabiranaibũ ẽ shanẽ ibuki txiti ika babuama ẽ unanuma hiwekũkainaii.

Salmos 46:1

Hawara bikahaira nũ teneai nukũ Deusũ nuku merabewamiski. Nuku keshekĩ nuku arua tsuã nuku metiruma Deus nukũ kushipahairaki.

Salmos 46:2

Patxa sakukĩ mai txurũwãkĩ ha mati tibi tsekebaĩ ianẽwã nuahaira merã pukui keyubiaya nũ hawẽ taea nũ hawa dateama ishanaii.

Provérbios 14:26

Tsuãra Senhor Deus ikũwãkĩ duawai hawa dateama hiwekubaĩmisbuki. Haska hawẽ ibu hiwea uĩkubaini hawẽ bakebu hawa datetirubumariki.

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.

1 Timóteo 2:8

Haska inũ, betsarã, hanishũra ikũwaĩbũ Deus kẽwãnũ ika itxa hunibu hau mexãtã Deusbe hãtxakubainũbũwẽ. Haskai Deusbe hãtxai haska bestiama haska Deusũ abuai benimawai besti hiwei hawa tsuki sinatama tsua ha akama hau pe besti meribi hiwekĩ hatu uĩmakubainũbũwẽ.

1 João 2:28

Ẽ bake keskabuũ, natiã Jesus Cristoki dasitã heneyamakãwẽ, haki txiti ikirã, hanu ana nukuki nukui huaitiã damapai nũ haki datei daketirubumakirã, ha bebunuarã.