3 Ha Israel enabunã, shabakabi eabi eki sinatakĩ ea danaĩ heneisbumaki. Hatũ bai nemakishũ yushĩ betsabu besti kẽwanũ ishũ hatũ inabu menushũmisbuki. Mai bawa txi tapu watã hakishũ hatũ inĩti kuashũmisbuki.
Matũ shenipabũ ea henetã yushibu betsa betsapabu kẽwãkĩ hatu bebũshũ sheni ininipa kuashũkĩ ea sinatamahairanibuki. Haskawẽ taea na maeki ẽ sinatahairani ibubis haskatã ẽ hawa daetirumahairaki.
Hakia hawara sharabu dasibi haya mebĩshãwẽ. Mĩ haska wa miki sinatakĩ habi yupukĩ mia berabĩwãshanikiki— aka
Hakia hawẽ yura mĩ itxakawaya txanima miabi yuputiruki, mia bebũshunã— aka
Mã habũ ha hi itamama namã inũ hua bana betxipaikĩ hanushũ yushibu betsa betsapa mã kẽwãkubaĩmisburã, haburã, mã dakehairashanaii.
