Isaías 65:24 - Kaxinawá Bíblia (BR)

²⁴ Habũ ea kenakĩ ea ea ariabuma eã dukũ hatu kemakĩ: ‘Hawamẽ?’ ẽ hatu wakubaĩshanaii. Ebe hãtxakĩ hawarakiri ea yuka keyuriabuma ẽ hawaira hatu nĩka keyukubaĩshanaii.

Isaías 65:24 교차 참조

Gênesis 24:15

hãtxa meneriamakẽ Betuelĩ aĩbu bake Rebeca hui hawẽ shanu Milca inũ hawẽ hutxi Naor Abraão betsarã, txipash hawẽruahaira hunĩ mekĩ pesariama shumu ia hui ũpash bana kini anu butukaĩ hawẽ shumuki ũpash matawatã mapekeaya

2 Reis 19:20

hanushũ Amozĩ bake Isaíasĩ haska Senhor Deusũ yuishu hau Ezequias yuitanũbũ Isaíasĩ hatu yunukĩ: “ ‘Assíria nawa shanẽ ibuhaira Senaqueribe ikaikiri mĩ ea yukakĩ yuishu ẽ nĩkashuki’, akĩ Israelĩ enabu mekenika Senhor Deusũ mia yuikiki”, akĩ ẽ mia yuiaii.

Salmos 32:5

Hakia haska tenekubaĩkĩ ẽ txakabu ana hunekatsi ikama shinã pewatã dasibi ẽ txakabu betsa ẽ miki txani keyuniki. Haska nĩkatã Senhor Deusuũ, mianã, mĩ ea bua keyushuniki.

Salmos 91:15

Hatũ ea kenaya ẽ kemashanaii. Ea kayabis ẽ habes ishanaii. Hawara bika teneai binumatã betxipaihairakĩ duawakĩ yurabu ẽ kẽwãmashanaii.

Isaías 41:17

Enabu nuitapai hawa pei hayabumã ũpash benabiai ibubis betxiabumaki. Ũpash manui hatũ hana tashkai tetsusĩbiaibũ hakia ea Senhor Deusũ ẽ hatu amashanaii. Israelĩ mekenika Deus eanã, henekĩ ẽ hawa hatu putabainama ishanaii.

Isaías 55:6

Isaíasĩ hatu yuikĩ: “Mã Senhor Deuski nukukatsis ikairã, menã kenarikãwẽ, na habia txaima matu dapi nia mã haki nukutirukirã.

Isaías 58:9

Hanushũ ebe hãtxakĩ mã ea kenaya nĩkatã ẽ matu kemashanaii. Hawara mei datei bis ikĩ mã ea hawaira yukaya eã matu kemakĩ: ‘Ẽ nenuki’, ẽ matu ashanaii. Hawara atimapã matu tsuma mã yamawakĩ keyuai inũ, huni betsa mã ana hatu itxama inũ, metukĩ mã ana hatu yuãma inũ,

Marcos 11:24

Haskati ẽ matu yuiaii. Deusbe hãtxakĩ: “Ẽ haska bikatsis ikaii”, ikĩ yuikubaĩkãwẽ. Mã xinã dabeyamakẽ haska Deusũ matu yunuaya mã bishanaii.

Hechos 4:31

Deusbe hãtxai meneaibũ habiatiãri hanu itxabu anu patxa sakuaya Deusũ Yushĩ Pepatũ hatu dasibi atxikĩ kuxipa wakĩ keyua hanushũ ana dateama Deusũ kakape hawenabu hatu shabakabi yuikubainibukiaki.