Isaías 64:7 - Kaxinawá Bíblia (BR)

⁷ Tsuã mia shinaĩ mibe hãtxai ana tsua hayabumaki. Hau mĩ hatu merabewanũ hawẽ bika tenekĩ mĩ kushipa benakĩ mia yukabumaki. Nukũ txakabuwẽ taea nuku henei nukuki petxitã ana nuku merabewai hãtxama mĩ huneaki.

Isaías 64:7 교차 참조

Jó 8:4

Eã ẽ unanã, txanima mĩ bakebũ Deuskiri txakabuwaimabuwẽ taeshũ Deusũ haska betxipaiama hatu kupimaki.

Salmos 100:3

Senhor Deusrã, unãti wakãwẽ. Nukũ Deuski. Hatũ nuku dami wani nũ hawenabuki. Nukuburã, nũ hawẽ yurabuki, hanu basi pepa benemis anu hawẽ txashuwã mapua keskaburã.

Salmos 14:4

Habũ txakabuwakubainaiburã, hawa Deuskiri nĩkabumaki. Habiabũri enabu hatu pikĩ itsa wakanikiki, misi pia keska wakinã. Habũ Senhor Deus ikũwãbumã hatu haska wakanikiki.

Êxodo 32:12

Egito nawabũ mikiri shinã txakakĩ: “Senhor Deusũ harishũ hatu parãtã mati matipa anushũ tenanũ ishũ hatu iyuimashũ mai hirabi anua hatu yamawashinaki”, ikĩ mikiri yuitirubuki. Mikiri haska hãtxatirubukẽ haska hatuki sinatai henei beshtekeriwe, minabu mĩ hatu txakabuwatikiri mĩ shinãshurã.

Isaías 1:15

Matũ mekẽ meshãtã ebe hãtxakĩ mã ea yukabiaya ẽ matukiri uĩkatsi ikamahairaki. Mã ea yuka txakayamabiaya mã mekẽ himi haswẽ taeshũ ẽ matu hawa nĩkamaki.

Isaías 45:9

Mai mabu tibi haskas hatiubus hatũ ashiãbe ha itirubumaki. Ha inũ, mapupã ha dayai yuikĩ: “Mĩ ea haska wai?” ikasmai hatũ ha mabu washuri yuikĩ: ‘Mianã, daya mĩ unãmaki’, akĩ yuinametirubumaki.

Isaías 50:2

Ana matu merabewanũ ika hushũ ẽ hawa huni betsa betxiama iniki. Ẽ matu kenabia tsuã taska mã ea kemama inibuki. Ẽ matu haska wabia haskakĩ mã ea benakĩ shinaĩsmamẽ? Eanã, matu merabewakĩ ẽ matu piskumatiruma mã ekiri shinaĩ imismẽ? Habũ matu tsuma wabu anua ẽ matu tashnimatiruma dabanẽ mã shinaĩ imismẽ? Earã, ẽ kushipaki. Ianẽwã yunukĩ: ‘Hawaira hene netsui metuwe’, ẽ wa itiru inũ heneri betsa wakĩ metu wakĩ ẽ tsusĩ wãyã baka ũpash manui mawai pisimayatiruki, hene hayamakenã. Ha hene netsua anuri mairi hanu tsua hiweabuma ẽ watiruki.

Isaías 54:8

Hawaira matuki sinatakauã matuki dakei matu anua ẽ irubiaima hakia ẽ nui ikibi ini ha ẽ nuimis ẽ ana matu uĩmashanaii”, ikikiki, matũ mebikinanika Senhor Deus hãtxai txanirã.

Isaías 63:16

Miarã, mĩ nukũ epaki! Nukũ shenipabu Abraão ana nuku shinãma ma nuku hakimabiaya nũ Israelbubia haskatã nukunabube nũ ana hatuki dasi unãtinãtimaki. Nũ haskabiaya Senhor Deusuũ, miarã, habia mĩ nukũ epaki. Nuku mebikinaĩ taenishũ nuku heneama mĩ nuku akubainaii.

Malaquias 1:6

Senhor Deus kushipahaira dasibi binu keyuatũ habe hawenabu hãtxashunikabu hatu yuikĩ: “Huni bakebũ hatũ epa nĩkakĩ hatu duawakubaĩmisbuki. Hawẽ tsumabũ hawẽ shanẽ ibu nĩkai haki datekubaĩmisbuki. Hakia earã, ẽ matũ Epa kayabiki. Haskakĩ ẽ hãtxa nĩkakĩ mã ea duawaismamẽ? Ha inũ, ẽ matũ shanẽ ibubiakẽ haskai ea nĩkai mã eki datekũkaĩsmamẽ? ẽ ibiaya ea danãbiakubaini hãtxa txakabukĩ yuikĩ: ‘Hawa haska wakĩ nũ mia danãmismẽ?’ mã ikaya

Malaquias 2:10

Israelĩ enabu huni dasibibuũ, ẽ ea Malaquiasĩ matu yuinũ ea nĩkakãwẽ. Nuku dasibirã, nũ Epa bestitxai hayamamẽ, dasibi dami wanitũ nuku katunirã? Haskai nukubu nukumebi nũ parananãbukũmisbumẽ, haska Deus nukũ shenipabube yubakani danãkĩ txakabuwairã?