Isaías 63:14 - Kaxinawá Bíblia (BR)

¹⁴ Habu mekesushũ iyukubaĩkinã, ina awa napãpa anu butumis keska wakĩ Senhor Deusũ hawẽ Yushĩ kushipawẽ hatu nimakubainiki. Haska wakĩ hawenabu mekesushũ hatu iyukubaĩkĩ hawẽ kena pepa kushipa dasibibu unãmaniki.

Isaías 63:14 교차 참조

2 Samuel 7:23

Israel minabu wakĩ mĩ hatu katuni habu hiwepakeshãkanikiki. Hiweabũ, miarã, Senhor Deusuũ, mĩ hatũ Deus ipakeshanaii. Yurabu shukua betsa betsapa hiweabu keska Israel minabu hatu keska hiweama iriashãkanikiki. Deusuũ, hau minabu ikubaĩshanũbũ hatu tsumawanibu mĩ hatu mebikinãkirãkĩ mina mĩ hatu waniki. Ha dikabi mĩ kushipawẽ dasibi hatu datekĩ hatũ kena ewapa wakĩ habuwẽ ‘Habaa!’ imati wakĩ dasibi hiwebaunabu bebũshũ Egito nawabu anua hatu tashnimabirãkĩ nawa shukua tibibũ hatũ yushibu hatu sa amakĩ mĩ kushipa mĩ hatu uĩmakubiraniki.

Isaías 55:13

Hanu ana musha beneama hawẽ shãtukũ hi pepa beneshanikiki. Ana nishi mushaya beneama nishi hua pepaya benei mai beweshekeshanikiki. Haska tibi kaĩ beneai ea Senhor Deusũ unãmati uĩkĩ ẽ kena kushipa hawa tsuã yamawatiruma ikibi ika uĩshãkanikiki”, iniki.

Isaías 63:12

Hatũ hawẽ kushipa pehairawẽ Moisés mekekubainirã, hanimẽ? Hawẽ taea hawẽ kena pepa hakimatimawakĩ Ianẽwã Tashipa nukunabu pashkashunirã, hanimẽ?’ ikaibũ

Números 14:21

Hakia ẽ hiwea inũ ẽ kushipa mae hirabi anushũ uĩmisbuwẽ taea haska ẽ mia yuiai txanima kayabiki.

Números 9:23

haska Senhor Deusũ hatu yunua besti txibãkubaĩkĩ hatũ tari hiwe pũtekubaini habiatũs hatu yunua hatũ tari hiwe peka keyutã ana bukubaĩpaunibukiaki. Hanua haskabiakubaĩkĩ haska Senhor Deusũ Moisés yunuima keska txibãkĩ Senhor Deus kẽwãkĩ ashuĩ hiwekubaĩpaunibukiaki, benimawairã.

Lucas 2:14

“Mai anushũ tsuabũra habũ Deus txibãkĩ duawamisbu Deus kuxipahairatũ hau hatu unãnuma hiwemanũwẽ. Haskakẽ dasibibũ Deus kuxipa nai anua hau kẽwãrianũbũwẽ”, hatu watã

Efésios 1:12

Deusũ nuku dukũ katukinã, ha dukũ nukũ xinãwẽ Cristo nũ manashanũbũ nukukiri xinãmati waniki, haskawẽ taeshũ dasibibũ hawẽ kuxipa pepa nũ kẽwãkubaĩshanũbunã.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Josué 23:1

Bari itxapa Senhor Deusũ hatu detenamemakĩ merabewakĩ keyukẽ nawa betsa betsapa hiwebaunabube Israelĩ enabu ana datenameabumakẽ Josué anibui mestebuhairatã