Isaías 43:2 - Kaxinawá Bíblia (BR)

² Mã hene pukebainaya ẽ matubetã pukekubaĩshanaii. Hene besusi pukebaini mã hasama ishanaii. Matumebi mã txi anu napukubia mã menuama ishanaii, ha herepã matu dawakara akamarã.

Isaías 43:2 교차 참조

Jó 5:19

Hawẽ yusĩti hãtxa mĩ nĩkakĩ txibãkubainaya mia mese mese wakĩ mia bika tenemaibu Deusũ hatu mia nemashũshanikiki. Hawa txakabu hau miki nukuyamanũ haska wakĩ Deusũ mia ashũkubaĩshanikiki.

Salmos 23:4

Hawara bika tenei napãpa meshuhaira keska merã ẽ nibiakainaya mĩ ebe kaiwẽ taea hawa mesei ẽ dateismaki. Mĩ ẽ mekenã ebe kakĩ mĩ mestẽti inũ mĩ txashuwã hawẽ atxikĩ betãti tsumabaĩkĩ ea benimawakĩ mĩ ea shinã txakawãmiski.

Salmos 32:6

Haskawẽ taeshũ tsuãra mia ikũwaĩ txĩtuãma bika tenekĩ mia yukabu mĩ nĩkamiski. Mia yukakĩ haska wamisbuwẽ taea bika teneti itamama hatu anu hubiai ana hatuki kemama ishanikiki.

Salmos 91:15

Hatũ ea kenaya ẽ kemashanaii. Ea kayabis ẽ habes ishanaii. Hawara bika teneai binumatã betxipaihairakĩ duawakĩ yurabu ẽ kẽwãmashanaii.

Êxodo 14:29

hakia bebũkiri mai tsusĩ anu bui yusiuri inũ yusmauri hene pashka dabea namakis Israelĩ enabu pukebainaibũ

Êxodo 3:12

Senhor Deusũ ana kemakĩ: —Ibubis mĩ hawaumabiakẽ mia merabewakĩ mia putama ẽ mibe ikũkaĩshanaii. Egito anua enabu iwei nenu na mati meribi anu mĩ ana hushũ minabubetã mĩ ea kẽwãyã parãma ẽ mia yunuima mĩ uĩshanaii— aka

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 41:14

Senhor Deusũ hawẽ hãtxa mestẽwãkĩ yuikĩ: “Jacó enabu Israelbuũ, ha mã tesheishtani mã babubiarã, hawa dateyamakãwẽ, ẽ matu merabewairã. Earã, Israelĩ Deus meribirã, ẽ matũ piskumanikaki.

Isaías 43:5

Dateyamakãwẽ, ẽ matube niakirã. Matunabu ana itxawakĩ nenuma bari huaikiria inũ bari kaikiria hatu iwekĩ ẽ txĩtũwãshanaii.

Daniel 3:23

hakia mai kini anu Sadraque inũ, Mesaque inũ, Abede-Nego neashũ putabu kauani txi dekẽhaira anu tĩ ikaibũ

Malaquias 4:1

Senhor Deus kushipahaira dasibi binu keyuatũ matu ana yuikĩ: “Bai anua hamapai mibã tsekashũ hawẽ shaka itxawakĩ hanus mãtxĩshũ kuamisbu keska wakĩ ibubis kẽmisbu dasibi inũ txakabubu dasibi kupikĩ txi hi ikai anu ẽ hatu menukĩ keyushanai ha shaba txi kushipaya ma tashni kemaikiki. Ha shabatiã hukirã hawa betsa teshewama ẽ hatu menu keyushanaii.

2 Timóteo 4:17

Ẽ haibuaibũ ea henebiabainabũ hawẽ binuti Jesus Cristokiri hawẽ kaka pepa hawẽ pashatikiri ẽ hatu yui keyuaya judeubuma dasibibũ hau nĩkanũbũ nukũ Shanẽ Ibũ ea heneama ea kuxipa washũ hatu daewakĩ mese anua ea piskumaimaki, ea haska nukũ Shanẽ Ibũ hatu binumakĩ inu keneya pĩtsi keshea keska anua ea binumakinã.

2 Timóteo 4:22

Nukũ Shanẽ Ibu Jesus Cristo mibe nishũ hau mia merabewakubainũwẽ. Ha inũ, Éfeso anushũ ikũwaĩbu dasibi Deusũ hau matu duawakubainũwẽ. Hatiski, ẽ hãtxarã. Paulo

Hebreus 11:29

Ha inũ, Israelbu Egito anua pashai bui Iãnẽwã Taxipa namakis pashkatã Deusũ hatu bai wakĩ metu washuna Deusũ meketi kuxipa ikũwaĩ Israelbu pukei keyuaibũ hakia Egitonawabu habias baiwẽ hatu txibãbaini pukeriai hasai keyunibukiaki.

Josué 1:5

Mĩ hiweyua hatube detenameaya tsuãra mia binutirubumahairaki. Ẽ Moisés merabewakubirani keska wakĩ habiaskari ẽ mia merabewakubaĩshanaii, putakĩ hawa henebainamarã.

Josué 1:9

Hanira mĩ kai anurã, earã, mĩ merabenã Senhor Deus ẽ mibe kaya huĩti nishmai hawa dateama kushipai mẽtsisipakũkaĩshãwẽ, eã ẽ mia yunukĩ nitxiaĩwẽ taearã”, aka