Isaías 42:17 - Kaxinawá Bíblia (BR)

¹⁷ Ẽ hatu haska wabainaya dami yushĩ inũ hawẽ kẽwãti tibi tsuabũra hatu yuikĩ: ‘Maturã, mã nukũ deusbuki’, hatu amisburã, haburã, hatũ damiki dakekĩ henebaĩshãkanikiki”, itã

Isaías 42:17 교차 참조

Êxodo 32:4

Arãonẽ bitã ouro pau dasibi mishki kuahairatã haki payukĩ txakã txakã akĩ ina awa baketiu wakĩ hawẽ shũpĩ wãti inũ hawẽ mastatiwẽ Arãonẽ datsa datsa akĩ shũpĩ wãkĩ ina awa bake dami wakẽ dasibibũ uĩkĩ hatu yuikĩ: —Israelĩ enabuũ, uĩkãwẽ. Narã, nukũ mekenika yushĩ deuski, hatũ Egito anua nuku tashnimabiranimarã— hatu abaunaibũ

Êxodo 32:8

Haskai pe hiwebaĩtirubu ẽ hãtxa dama ẽ hatu yuibiashina hawaira ea henei pashkatã ourowẽ ina awa bake dami washũ inãkuĩ inãkĩ yuinaka menu keyukĩ yuikĩ: “Israelĩ enabuũ, nĩkakãwẽ. Egito anua nukũ mekenika yushinẽ nuku iweimatũ dami itsaki”, akĩ ma yuibaũkanikiki, minabunã—

Isaías 1:29

Mã habũ ha hi itamama namã inũ hua bana betxipaikĩ hanushũ yushibu betsa betsapa mã kẽwãkubaĩmisburã, haburã, mã dakehairashanaii.

Isaías 44:11

Ha dasibi habuã ha dami kẽwãmisburã, habu hatuki kasheti besti ishãkanikiki. Ha habũ yushĩ dami wamisburã, hunibu bestiki. Hanu Deusũ hatu unãti waitiã dasibi ha bebũ mapushãkanikiki. Hatu haska wa babui date paepashãkanikiki.

Isaías 44:17

Hanua ha hi tuash betsa teshea dami wakĩ hawẽ kẽwãti deus watã ha namã beti itã kẽwãkĩ yuikĩ: “Hawara bika ẽ teneai ea nemashũkĩ ea piskumawe. Mĩ ẽ deuski”, akĩ yuimisbuki.

Isaías 44:9

Tsuabũra habũ yushĩ dami wamisburã, haburã, hamẽki. Ha inũ, habũ yushĩ dami watã betxipaibiamisbu, hamẽriki. Tsuabũra ha dami hamẽbiakẽ kẽwaĩburã, haburã, bekũ inũ shinaũmabuki. Haskaburã, hatu usaĩ hatuki kasheti sharaki.