Isaías 40:7 - Kaxinawá Bíblia (BR)

⁷ Shanẽ Ibu Senhor Deusũ hatu mamakishũ shũ akaya basi txushi inũ hua utsi shanamiski. Yuraburã, txanimahaira basi keskabu bestiki.

Isaías 40:7 교차 참조

Jó 4:9

Ha yurabu haskaburã, Deus hatuki sinatahairakĩ hatu shũ akĩ Deusũ hatu yamahairawamiski.

Jó 41:21

Hawẽ hashpa anua txi here shũ akĩ tsiste keti wamiski.

Isaías 11:4

Hakia nuitapai babubu hatu merabewakinã, yunuti pepa kushipawẽ hatu unãti wakĩ haska betsabũ hatu itxakawaibu hatu nemashũkĩ ha nuitapaibu hatũ mai pakea anua hatu pewashũshanikiki. Hawẽ hãtxa mestẽti kushipa keskawẽ mai anushũ habũ hatu detenamemaibu hatu kupishanikiki. Hawẽ hãtxa kushipawẽ huni txakabubu hatu tenãshanikiki.

Isaías 40:24

Haburã, mibã betsa dama banabu hatũ tatxa mai anu hawẽ tapũ hayariama mestẽriama keskabuki. Deusũ hatu mamaki shũ aka txushimis keskabuki. Uiyabi niwewã bekĩ hawẽ pei shana nuyamabaĩmis keskabuki.

Santiago 1:10

Mã ikũwaĩ mabuyabuũ, matũ mabu bestiwẽ hawẽ keĩ mã xinãyamanũbũ Deusũ matu ma yusĩmawẽ taea maturi benimarikãwẽ, matũ mabu mã hayabiarã, harã, ni mashu hawẽ huayabis debumis keska mã unaĩnã.

Santiago 1:11

Mabuya hiwebiani eskashãkanikiki. Hakiri matu yuinũ nĩkakãwẽ. Ni hua tuea hawẽruabiakẽ bari tashni kuhairakirãkĩ hua hawẽrua pepabia benukĩ barĩ utsi wakĩ niri amis keskai haska keskariai huni mabuwãyã hiwea mawai hawẽ mabu hawẽruayabia hawẽ mabu inãnanãmis habu benui yamanũbarikanikiki.