Isaías 1:3 - Kaxinawá Bíblia (BR)

³ Awa bene ana pubẽmawakĩ hawẽ hubu meshteabu ana pubẽma hatũ ibu unãti wamamisbuki. Ha inũ, jumentõ ha hiwe anu hanu ibuã ushãmis unãriamiski. Hakia Israel enabu wakĩ ẽ hatu katubiani ea unãbuma inũ ekiri daki shinã hayabumaki.”

Isaías 1:3 교차 참조

Provérbios 6:6

Txikishbuũ, ea nĩkakãwẽ. Unanẽ hawẽ piti arumis bushũ uĩtãkãwẽ. Haska wamisbu uĩkĩ shinãkĩ habũ dayakiri tapĩkãwẽ.

Isaías 42:20

Ẽ betsa betsapa matũ berubi ẽ ashuaĩ uĩbiakubirani ha shinãkĩ mã uĩkatsi ikabumaki. Nĩkabiakĩ mã hawa nĩka pewabumaki.

Isaías 44:18

Ha huniburã, hawa unãma inũ hawa tapiãbumaki. Beruyabia uĩkĩ pewama beshush hairabuki. Hatũ shinã hatu bepuhaira hawa nĩka pewatirubumariki.

Mateus 13:19

Heshekiri yuiarã, Deus shanẽ ibuaikiri yusĩti hãtxaki. Ha heshe hanu kati bai anu niri akarã, yurabũ Deuskiri hãtxa nĩkakĩ xinãbiaibũ hamakiria Satanás hushũ hawẽ hãtxa pepa hatũ huĩti anua mebĩmiski.

Romanos 1:28

Habũ Deuskiri xinã txanima kayabi ana xinãkatsi ikama ikubainaibuwẽ taeshũ hatũ huĩtinĩ xinã txakaibu haska abui hiweaibu Deusũ habu ana nemamaki.

2 Pedro 3:5

Bebũkirihaira iki taenitiã Deusũ nai inũ mai hawẽ hãtxawẽ damiwakĩ tashnima ha dabe henesbiakẽ nai inũ mai pashkakĩ hene anua mai tashnimatã mekebianikẽ ha yurabũ Deuskiri hawa xinãkatsi isbumaki.