Hechos 11:14 - Kaxinawá Bíblia (BR)

¹⁴ Ha huni hushũ kakape mĩ hawẽ pashashanai mia inũ minabuya mia yusĩshanikiki’, ea wa ẽ mia kenaxinaki”, ea waya

Kashinawa : Diosun Jesúswen taexun yuba bena yiniki

¹⁴ Ja juni juxun kakape min jawen paxaxanai mia inun minabuya mia yusinxanikiki’, ea wa en mia kenashinaki”, ea waya

Hechos 11:14 교차 참조

Gênesis 17:7

Mia inũ mĩ bakebu inũ mĩ bababu inũ dasibu minabus ipakeshanaibu ẽ hatukiri yubakariaii, niti ikamarã. Ikis ẽ mĩ mekenika Deuski. Mĩ ma mawakẽ txipu ẽ habũ Deus iriashanaii, hatu merabewakubainirã.

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

Provérbios 20:7

Huni txanitxakai parananaĩsma pe txibaĩ hiwekũkaĩmis hawẽ bakebũ hawẽ hiwea mawabaini benimakubaĩshãkanikiki.

Marcos 16:16

Habũ ea ikũwaĩ henewẽ mã hatu naximaya ẽ hatu mekeshanaii. Hakia habũ ea ikũwãkĩ xinã betsa wabuma ẽ hatu kupishanaii.

João 12:50

Eã ẽ Epã hãtxa ẽ unaĩnã, harã hiwea keyutima hayaki. Haskawẽ taeshũ ẽ matu yuiaii, haska ẽ Epã ea yunukĩ yuinirã— akĩ nuku shabakabi yuiniki.

João 4:53

habianuri: “Mĩ bake mawama ana hiweaki”, Jesusũ axiã habiaskari nakuxshunaibuwẽ taea hikituxitã hatu yuia hawenabubetãs Jesus ikũwãnibukiaki.

João 6:63

Shabakabi matu yusĩnũ nĩkakãwẽ. Ẽ yushinĩ hatu hiwemashanikiki. Hamẽ yurabũ hãtxawenã, hawa hatu hiwemakĩ kuxipa watirumahairaki. Ẽ hãtxa ẽ matu yuiairã, ẽ yushĩ keskaki. Mã ikũwãyã ẽ hãtxã matu hiwekuĩmaikiki— iwanã,

João 6:68

Simão Pedrõ yuikĩ: —Shanẽ Ibuũ, mia henebaĩ tsua mia keska nũ txibãtirumaki. Hiwekuĩmati hãtxa mĩ nuku yusĩmiski. Deusũ bake meribi peparã, habia mĩ mia nũ unaiĩ— aka

Hechos 10:2

ha huni pepa enayamistũ hawẽ hiwe anu hatube hiweabubetãs Deus kẽwãkubainikiaki, hanushũ judeubu nuitapaibuwẽ nuikĩ merabewanũ, iwanã, hatu pei inãshuni inũ Deusbe hãtxai heneismarã.

Hechos 10:22

habũ Pedro yuikĩ: —Nukũ shanẽ ibu capitão hawẽ kena Cornéliõ nuku yunuxina mia anu nũ hushuki. Huni duapa pepatũ Deus kẽwãriamiski. Haskawẽ taeshũ judeubu dasibibũ abukĩ hakiri pe xinãmisbuki. Hanushũ hau mĩ hãtxa nĩkashanũ Deusũ nai tsuma betsã yunua nĩkaxĩshũ hawẽ hiwe anu mĩ kanũ mia kenaikiki— akabu

Hechos 10:43

Haska inũ, uatiã habias Jesuskiri Deusũ hãtxa yuishunika dasibibũ bebũkiri hatu yusĩkĩ: “Deusũ Messias tsuabũra ikũwaĩbu hawẽ taeshũ habũ txakabu Deusũ hatu buashunũbarikiki”— akĩ

Hechos 10:6

Ha Simão betsã hatũ bitxi pewakĩ pukumistũ hiwe anu iãnẽwã kesha dapi Simão Pedro habe hiwea haki nukui bukanikiki— abaini

Hechos 11:13

hanushũ nawã nuku yuikĩ: “Ẽ hiwe anu ẽ hiwekẽ Deusũ nai tsuma betsa hushũ ea yuikĩ: ‘Ha mae Jope anu tsuara yunuwe, hau Simão Pedro mia ishũtanunã.

Hechos 16:15

hanushũ habubetã hawẽ hiwetãshũ ikũwaĩbuwẽ taeshũ unãtã nũ hatu naximakĩ keyua Lídiã nuku yuikĩ: —Txanima nukũ Shanẽ Ibu Jesus ẽ ikũwaĩ mã ea xinaĩnã, ẽ hiwe anu iyui bekãwẽ— akĩ nuku ea akĩ ana nuku ena wanũ ikaya —Peki— itã hari ka nũ habe hiweyuniki.

Hechos 18:8

hanu judeu itxamisbu hiwe hatũ mekea shanẽ ibu hawẽ kena Crispõ habube hiweabubetãs nukũ Shanẽ Ibu ikũwanibuki. Ha dikabi Corinto anushũ itxapabũri Paulõ hãtxa kakape yuiai nĩkatã Jesus ikũwãriaibũ hau hatu naximanũbũ ikũwaĩ betsabu Paulõ yunua hatu naximanibuki.

Hechos 2:39

Nukuna bestimaki. Haska Deus yubakani ma akikiki. Matu dasibibu inũ matũ bakebu inũ txaihaira manibaunabu nukũ Shanẽ Ibu Deus haska matukiri yubakairã, dasibi matukiri iniki. Haskawẽ taeshũ hatira hawenabu wakĩ katukĩ kenakatsis ikikiki— iwanã,

1 Coríntios 1:16

Hamẽ betsarã, ẽ hakimarã, Estéfanasbe hiweabu ẽ hatu naximarianiki. Yura betsa ẽ naximani ẽ ana xinãtirumaki.