Hebreus 11:3 - Kaxinawá Bíblia (BR)

³ Hamẽ hawara nũ uĩaĩ inũ nũ uĩtiruma dasibi mai inũ nai anu damiwakinã, hawẽ hãtxa kuxipawẽ besti Deusũ damiwanirã, ikũwãkĩ nũ unãkubainaii.

Kashinawa : Diosun Jesúswen taexun yuba bena yiniki

³ Jamen jawada nun uiain inun nun uintiduma dasibi mai inun nai anu damiwakinan, jawen jancha kushipawen besti Diosun damiwanidan, ikunwankin nun unankubainaii.

Hebreus 11:3 교차 참조

Gênesis 1:1

Deusũ nai inũ mai dami wakĩ eska wakĩ taewanikiaki.

Salmos 33:6

Senhor Deusũ hawẽ hãtxa bestiwẽ yunukĩ nai damiwaniki. Habias hawẽ hãtxawẽri shũ akĩ bari inũ ushe inũ bishi damiwaniki.

Salmos 33:9

Hawẽ hãtxawẽ Deusũ yunua dasibi dami kaĩ keyuniki. Damiwakĩ hanakĩ yunuakeakea nĩkatã hanu ikibi iki mestenibuki.

Isaías 40:26

Bewenikitã naiuri matũ beruwẽ uĩkãwẽ. Ha dasibirã, tsuã dami wanimẽ? Haska bishi tibi txasha kaiãkeakeai hatũ kenawẽ ẽ hatu kenamiski. Haskawẽ taea Deusũ hawẽ kushipa tibiwẽ hatu mekea hatũ txasha hawa benutirubumaki.

Hechos 14:15

—Hunibuũ, hawakĩ mã nuku haska wai? Nuku haska wayamakãwẽ. Nukurã, matu keskari nũ habias huniki. Ha yushĩ dabe mã kẽwãmistũ matu hawa washũtirumaki. Haskawẽ taeshũ mã kẽwãmis henetã Deus hiweatũ nai inũ, mai hirabi inũ, iãnẽwã dasibi inũ, hanu hiweabu dasibi damiwani matũ xinã betsa watã mã kẽwãkubaĩshanũbũ hakiri hawẽ bakekiri kakape matu yusĩtanũ ika nũ huxiãki.

Hechos 17:24

Yavé Deusunã, mai hirabi inũ dasibi nũ hanu hiweabu Deusũ damiwanirã, dasibi hawenaski. Ha nai anua inũ mai anua dasibi mekei shanẽ ibuaya hunibũ haska wakĩ duawanũ, iwanã, hatũ xinãnẽ templo hawẽ kẽwãti hiwe washunabu anu besti hiweamakiaki.

Romanos 4:17

Haska inũ, ha Abraãonẽ ikũwãkubainai Deusũ yurabu mawa bestẽwãtiru inũ hawẽ xinãnẽ hawara xarabu dami hayariama damiwamistũ Abraão yuikĩ: “Yurabu betsa betsapabũ hatũ shenipabu ẽ mia waii”, inikẽ Moisés hakiri keneniki.

1 Coríntios 2:7

Haska mai damiwariama Deusũ hawẽ unãnepati hawẽ xinã huneyunishũ nuku matu yusĩmairã, eskaki, nĩkakãwẽ. Txanima Deusũ hawẽ bakewẽ taeshũ nuku hawenabu wakatsi nukuki tana yubakaniki. Haskawẽ taea nukuburi hatuki dasitã nũ hatu keskari ipakeshanaii, hawẽrua kuxipa txashakapa buirã.

1 Timóteo 4:5

Haska piti tibi Deusũ hawẽ hãtxawẽ yuikĩ pewani xinãkĩ habe hãtxashũ nũ piarã, ma dasibi nuku pewashũkubaĩmiski.

Hebreus 1:2

Haska wabiakubaĩkĩ hawẽ bake kuxipa watã mai hirabi dasibi damiwamanishũ dasibi ibu wamanishũ natiã hawẽ henekĩ hawẽ huni bake hãtxamakĩ Epa Deusũ hawẽ hãtxa nuku unãmaniki. Haskakiri matu ana yusĩnũ nĩkakãwẽ.

2 Pedro 3:5

Bebũkirihaira iki taenitiã Deusũ nai inũ mai hawẽ hãtxawẽ damiwakĩ tashnima ha dabe henesbiakẽ nai inũ mai pashkakĩ hene anua mai tashnimatã mekebianikẽ ha yurabũ Deuskiri hawa xinãkatsi isbumaki.

Apocalipse 4:11

“Dasibi damiwakĩ mĩ xinãwẽ hamapai dasibi mĩ damiwani mĩ nukũ Shanẽ Ibu inũ mĩ nukũ mekenika yushĩ Deuski. Haskawẽ taeshũ mia besti kẽwãkĩ nũ mia duawakubainaii”, akaibu uĩkĩ ẽ matu keneshunaii.