Habacuque 3:2 - Kaxinawá Bíblia (BR)

² “Senhor Deusuũ, dasibi mĩ akubaĩmiskiri nĩkakĩ uĩ mia betxipaibiai e iki miwẽ ẽ datekũkainaii. Nũ hiweyua nuku unãmakĩ mĩ kushipawẽ haska mĩ akubirani keska wakĩ mĩ kushipa ana nuku uĩmawe. Nũ Israelbuki mĩ nukuki sinatabiai mĩ nukuwẽ nuiai nuku uĩmawe”, iwanã,

Habacuque 3:2 교차 참조

Jó 42:5

Uatiã mikiri yusiaĩbu nĩka bestikĩ haska bestiwẽ ẽ mia unãkubaĩshinaki. Hakia natiã ibubis miki nukutã ẽ beruwẽ ẽ mia uiaiĩ.

Isaías 53:1

haska nũ nĩkairã, tsuã ikũwãtirumẽ? Senhor Deusũ hawẽ kushiparã, tsua shabakabi ma uĩmaimamẽ?

Isaías 54:8

Hawaira matuki sinatakauã matuki dakei matu anua ẽ irubiaima hakia ẽ nui ikibi ini ha ẽ nuimis ẽ ana matu uĩmashanaii”, ikikiki, matũ mebikinanika Senhor Deus hãtxai txanirã.

Isaías 63:15

“Senhor Deusuũ, hanu mĩ ika naiuri mĩ mae meribi pepa anu hari hiweshunã, nukukiri shinãwẽ. Hania? mĩ nuikipa pepahaira inũ mĩ kushiparã. Hania? mĩ hawẽ nuku shinãmisrã. Mĩ nukuwẽ dabanã imisrã, mĩ ma nuku hatsãmẽ?

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Jeremias 29:10

Senhor Deusũ hawenabukiri shinãkĩ Jeremias eska yuimakĩ: “Babilônia anu mã hiwei kani 70 ano mã ma hiwekẽ haska yubakai ẽ matuki tanani ha mae anu ana hari matu imama Jerusalém anu ẽ ana matu txĩtũmai kaii.

Habacuque 3:1

Deusũ hãtxa yuishunika Habacuque Senhor Deusbe hãtxakĩ yuiniki:

Habacuque 3:16

Mĩ haska washanai nĩkatã ẽ datehairaii. Ẽ kesha tari tari iki ẽ yura hirabi ẽ kushipa benui babui ẽ kishi mestẽtiruma ikimaki. Haskabiashanaya nukuki sinataibu tsakanamenikabu ha shabatiã Deusũ hatu bika tenemabiashanaya haskabiaya eã unanuma ẽ manakubaĩshanaii.

João 10:10

Huni itxakanikairã, yumetsukĩ detekĩ yamawai parananaĩ bemisbuki. Hakia hatu hiwekuĩmai ikibi imairã, ẽ ea huniki, unãnuma itxapa hatu inãkĩ yauxiama hatu kuxipa wairã.

Romanos 10:16

Haskabianikẽ Isaíasĩ yuikĩ: “Shanẽ Ibu Yavé Hiweatuũ, mirimabu mikiri nũ hatu yusĩa nukũ hãtxa nĩkatã danãkanikiki”, itã keneni keskai nukũri mirimabu Deusũ kakape Cristokiri nũ hatu yusĩa nĩkabiakĩ ikũwãbumariki.

Filipenses 1:6

Eã ẽ matukiri xinãnã, haska Deusũ hawẽ daya matu anushũ taewanishũ haska abuai keska mã ikũwaĩ Jesusũ matu hiwemakubaĩkĩ niti akama matu pepa wakubaĩshanikiki, hanu Jesus Cristo txĩtũkiranaitianã.

Hebreus 11:7

Ha inũ, nukũ shenipabu Noẽ Deus ikũwãyã Deusũ bebũkiri haska washanai iriama uĩyamabia huni pepakĩ Deusũ yunuti txibãkĩ hawẽ hawenabu pashawakatsi nunuti ewapa wanikiaki. Haska Deus ikũwaĩwẽ taeshũ Deusũ mekekĩ hawẽ pewẽ manakukĩ pashawanikiaki. Habias hãtxa ikũwãkĩ txibaĩwẽ pashakĩ yurabu mai hirabi anuabu Noẽ hatu kupinikiaki.

Hebreus 12:21

Deusũ hawẽ kuxipa tashnima mesehaira uĩaĩbũ habiaskariai Moisés hatu yuikĩ: “Eari datei ẽ saki saki ikaii”, inikiaki.

Apocalipse 15:4

Mia besti meribi hiwea mĩ kaneisma unãkĩ yurabu betsa betsapa dasibibũ mia yui mesewai datebetanã duawakĩ mia kẽwãshãkanikiki, mĩ pepawẽ kaneama mĩ akubaĩmiswẽ taeshunã”, akaibũ