Habacuque 2:8 - Kaxinawá Bíblia (BR)

⁸ Matuki sinatabirani nawa betsaburi itxatã mã hatũ mabu inũ hatũ pei mã hatu mebini keska wariakĩ matunari dasibi matu mebĩkĩ keyushãkanikiki. Hatũ mai pakea anushũ hanu hiweabu inũ hatũ maewã tibi mã hatu txakabu wakubaini tibiwẽ taeshũ maturi kupikĩ manakushãkanikiki.

Habacuque 2:8 교차 참조

Isaías 33:1

Mã hatu txakabuwamis tsuã matu kupikĩ txakabuwariama, mã peirawa! Hawa banabimama huni betsa parãtã mã hatu atximis maturi tsuãra matu parãshanairã, mã peirawa! Matũ dukũ hatu txakabuwakĩ mã keyushĩkẽ maturi txakabuwakĩ yamawashãkanikiki. Hawa hatu banabimama mã hatu atximakĩ keyushĩkẽ maturi atxitã iyuriashãkanikiki.

Isaías 33:4

Hanua nawa betsaburi shini mirima keskabu bekĩ ha nawabuki hatuki sinatai niri ibirã hatu maematã hatũ mabu pepa hatu mebĩshãkanikiki.

Amós 3:10

Senhor Deusũ hawẽ hãtxa ana yuikĩ mestẽwãkĩ: “Enabu Samaria anu hiweaburã, hawa pepa unãkĩ akabumahairaki. Hatu detekĩ hatũ mabu bikĩ yumetsutãshũ hatũ shanẽ ibubũ hiwe hawẽrua betsa betsapa tibi anu arukubaĩmisbuki.”

Habacuque 2:10

Matũ mae mishki kenebaunibu inũ matũ hiwe hawẽ nabu nakishkũ tibi matuwẽ taea sai sai ibaũkĩ yura shukuabu mirimahaira mã hatu yamawakĩ beruniwẽ taeshũ maturi yamawariai beshãkanikiki. Mã hatu haska waniwẽ taea matunabu dakehairashãkanikiki.

Habacuque 2:17

Líbano mati matipa anushũ hatũ himi haba wakĩ mã hatu detekubainiwẽ taeshũ habiaskari wakĩ maturi detekĩ matũ himiri haba wariakubaĩshãkanikiki, matũ inabu tenã keyukĩ matu datehairakinã.

Apocalipse 6:10

habũ hãtxa kuxipawẽ yuikĩ: “Mĩ nukũ Shanẽ Ibu binu keyua meribi mĩ txanima kayabiki. Haskakẽ mai anushũ habũ nuku tenãniburã, hatiã mĩ hatu unãti watã hatu nuku kupishũshanai?” akabu