35 Raquelĩ hawẽ epa beparãkĩ yuikĩ: —Epaã, earã, eki sinatayamawe, himi iki tsaua ẽ haska benitimakirã— aka haska wa benabaũkĩ Labãonẽ hawẽ kẽwãti dami habu tibi anua betxiamakẽ
mãkã dami beãshina camelo kabekãti merã arua Raquelĩ arui haki tsauaya hawẽ epa Labãonẽ hawẽ mabu dasibiri uĩkĩ mebaũkĩ ana hanuari betxiamakẽ
hanua Jacó sinatakĩ Labão txitekĩ yuikĩ: —Hawai e iskirã ea txibãshĩshũ ẽ mabu dasibi itimaska wakĩ mebaũkĩ hawa mabu mina mĩ ma betxiamẽ? Minabu inũ enabũ bebũ mãtxĩwẽ. Haratutũ nũ pewaimẽkaĩ? Mĩ miamẽkaĩ? Ẽ eamẽkainã? Nukunabũ hau nuku yuinũbunã.
Ha inũ, betsarã, matũ epa inũ matũ ewa duawakubaĩshãkãwẽ. Mã haska waibũ ha mai pakea anu iyushũ ẽ matu ibuwamashanai anushũ matu inũ matunabu pakubainaibu bari itxapa inãkĩ ẽ hatu duawakĩ pe hiwemapakeshanaii.
Bakebuũ, matu yununũ nĩkakãwẽ. Matũ ibubu nĩkatã hawẽ yunua ashũkubaĩkãwẽ. Haska wakĩ nukũ Shanẽ Ibu benimawakĩ mã kaneamaki.
Hamẽ habũ mã hatu dayashũmisbuũ, haska matũ shanẽ ibũ yunuai danãma nĩkatã ashũkubaĩkãwẽ, matũ shanẽ ibu duapa inũ matũ shanẽ ibu duapamari ashũkĩ uĩmakinã.
Eska wakĩ Sarã hawẽ bene Abraão shanẽ ibu wakĩ hawẽ hãtxa nĩkatã txibãpaunikiaki. Maturã, tsuara mã Sarã bai tanakatsis ikairã, hawẽ baba keskakinã, hawaki dateama pepa bestikĩ matũ bene uĩmakubaĩkãwẽ.
