Gênesis 29:27 - Kaxinawá Bíblia (BR)

²⁷ Haskakẽ iyua dukũ aĩwãyuwe, 7 dia beyawai mĩ ma ha bestibe hiwekẽ Raquel dikabi nũ mia inãriashanairã. Haska mĩ ea yubanirã, ana 7 ano mĩ ea dayashũshanaii, ẽ mia inainã— aka

Gênesis 29:27 교차 참조

Gênesis 29:20

Jacó Raquel betxipaihairaiwẽ taeshũ aĩwãkatsi ikĩ Labão dayashũkĩ: “7 ano hawẽ ibu ẽ dayashunairã, Raquel ẽ bishanairã, hatishuĩra barimaki”, ishũ Jacó shinãkubainikiaki.

Gênesis 29:26

Labão kemakĩ: —Iyua beneyawariama mashku dukũ beneyawarã, haska nukũ beyamaki.

Gênesis 29:28

haska wa nĩkatã Jacó Léia besti aĩwã 7 dia habe hiwekẽ hawẽ bake mashkuri Labão Jacó bimaria aĩwãrianikiaki.

Gênesis 31:41

Haska tenekubaini mia dayashuni 20 ano mĩ mae anu ẽ hiweshinaki. Hanua 14 ano mĩ aĩbu bake dabe binũ ika hamẽ ea ẽ dayama ikũkainiki. Hanua ana 6 ano mĩ inabu bi ẽ mia dayashũkũkaĩshinaki. Ẽ mia dayashunaya betsa tibi mĩ ea maewashũkubaĩmiski, ea hawẽ pakakinã.

Malaquias 2:15

Na habias Deusunã, nukũ yura inũ nukũ yushĩ nuku inaĩsmamẽ? Deusũnã, eska betxipaimiski. Tsuabura hawenabus meribi pepabu watã hatu hiwemakatsis imiski. Haskawẽ taeshũ berunãtũ aĩbu mã aĩwaĩ habe yubakani hawa kaneama habe hiwekĩ matũ yushĩ ibubis pe mekekubaĩkãwẽ.

1 Timóteo 6:10

Pei inũ maburã, hatũ kemuti pae txakabũ hatu atxia hanu hayaki. Haska mabu inũ peiwẽ kemui Jesus Cristo ikũwaĩbu bestibu has besti dayanũ ika haska abuai hatũ xinã pe henetã ana Jesus Cristo ikũwaĩ xinãma ma hakimawẽ taea hanua hakiri hawẽ txakabu betsa betsapa tashnibirãkĩ hatu nuitapawamiski.

Juízes 14:10

hanua txipashã hiwetã Sansãonẽ epa hãtxai kakẽ Filisteu nawabũ beyawẽ taea hatu beyusmakĩ hatube berenãbu itxawashũ hatu benimawakĩ taewaya

Juízes 14:12

ha 30 berunãbu Sansãonẽ hatu yuikĩ: —Hunea unãmati hãtxa ẽ matu yuai hawamẽkaĩ ea yuishãkãwẽ. 7 dia nũ beyusi keyuriama hawamẽkaĩ shabakabi mã ea yuia tari mãyunepa hushupa dasibi sawetiya inũ haya beyusti tari dasibi matu tibi ẽ matu inãshanaii.