32 hanushũ Esaú ana yuikĩ: —Ẽ iyuabia buni txakayamai ẽ mawa ha ẽ epã kushipa ẽ hayashanai ikis ea hawa merabewatirumaki. Peki. Ẽ mia hutxi waii— aka
Hanua habũ beya txibãkĩ hawẽ epa ma mawakẽ iyuatũ hawẽ kushipa bi shanẽ ibumis inũ hawena dasibi pashka itxapa inãkĩ mashku eskarabes inãmiskẽ Jacó shinãkĩ Esaú haskabiakẽ: “Eã mebinũ”, iwanã yuikĩ: —Mĩ ẽ hutxi kaĩbiani henetã miã ea hutxi wawe— aka
Jacó yuikĩ: —Haskabia Senhor Deusũ nuku uĩkĩ unãyã ha dukũ hawaira ea yubawe, mĩ ea yuba txipu ẽ mia pimairã— aka Esaú yukarãwã yuikĩ: —Senhor Deusũ nuku uiãyã ẽ mia yubaii, hutxi wakinã— aka
—Ẽ betsa haskawẽ taea pekiri kenanibuki, Jacórã, Mebinanã. Ẽ mĩ bake iyuabiakẽ ea dukũ ẽ shanẽ ibushanai ea mebiniki. Na habiatiã mĩ ea kushipa pepawatiru ana ea mebĩshuki, dabeki ea beshtekinã. Ea kushipa pepawati betsa mĩ ana hayamamẽ?— aka
Eska shinaĩ mã hãtxanamemisbuki: ‘Deus duawai nũ dayashũbiakũkainai nũ hamẽki, hawamarã. Haska nuku yunumis akubaini nukũ txakabuwẽ dakekĩ tari besha sawea Senhor Deus kushipahaira dasibi binu keyua bebũ nũ hiwekũkainairã, hawa nuku manakukĩ inã nũ bishanai?
