Ezequiel 36:30 - Kaxinawá Bíblia (BR)

³⁰ Ha dikabi hau yurabu hiwebaũshũ matu uĩkubainũbũ buni paewẽ mã ana dakeyamashanũbũ matũ mibã hi inũ matũ bai anu mibã tibi bimihaira ẽ matu washũkubaĩshanaii.

Ezequiel 36:30 교차 참조

Jeremias 31:12

Mati Sião anu bei benimai Israelĩ enabu kãtakubirãshãkanikiki. Senhor Deusũ hatu merabewa shekiwã trigo itxapa inũ, uva vinho inũ, piti sheni itxapa inũ, txashuwã nami itxapa inũ, ina awa nami itxapa hayawẽ taea benimahairakubirãshãkanikiki. Bai mibã bana uiã txa amis keska Israelĩ enabu hatũ kushipa hawa ana benuama ikubaĩshãkanikiki.

Joel 2:17

Senhor Deusũ kẽwãti hiwe Templo hemaĩtĩ anu itxabu bebũ nikaĩ Deusbe nukunabu hãtxashunikabu Senhor Deus dayashũmisburã, ha meribi dĩtu beputi anu hawẽ kẽwãti txi tapu namakis nia kashakĩ eska hãtxa Senhor Deus hau yuinũbũwẽ: “Senhor Deusuũ, minabũ txakabu tere atã ana shinãyamawe, hau ana tsuabura minabuki kashekubaĩyamanũbunã. Minabu nawa betsabũ hatuna wakĩ ibuwatã hau ana hatu yunuyamashanũbũwẽ. Habũ ikũwãbumã mikiri hatu yukakĩ: ‘Hania, matũ Mekenika Deusrã? ikĩ hau ana haska hatu yuiyamakubainũbũwẽ’ ”, ikaibũ

Joel 2:19

Senhor Deusũ hatu itxakawama hatu yuikĩ: “Matũ piti hau keyuyamanũ shekiwã trigo inũ, uva vinho inũ, piti sheni ẽ matu yunukubaĩshanaii, ha pi mã benimai pe pekubaĩshanũbunã. Ha dikabi ikũwãbuma hau matuki ana kasheyamanũbũ ẽ hatu matu nemashũkubaĩshanaii.

Joel 2:26

Matubũ pikĩ yaniwakubaĩkinã, ea matũ Mekenika Senhor Deus mã ea kẽwãkubaĩshanaii. Ẽ kushipa ẽ matu unãmashinawẽ taea mã enaburã, ana matũ dake pae teneama mã ishanaii.