26 Ha dikabi eanã, mĩ ana hãtxatiruma wakĩ mĩ hãshakaki mĩ hana ẽ mia tsãpa waii, mĩ huyununã. Habũ ẽ hãtxa danãbiamisbũ hatu ha akĩ mĩ hatu pewatiruma ishanaii.
Senhor Deusuũ, ẽ hui ea bepẽwẽ. Mĩ ea haska waya kãtakĩ ẽ mia kẽwãkubaĩshanaii.
Nai inũ maiĩ, matũ Senhor Deusũ matu yuiai nĩkakãwẽ. “Matũ bakebu ẽ hatu yumewabia habu huni ewatã hakia habũ ea danaĩ eki sinatakanikiki.
Miarã, ibubis kushipawe, hawa dateamarã. Hatu anu kashũ ẽ hãtxa dasibi mia yuikĩ ẽ mia yunushu hatu yuikubaĩtãwẽ. Haska ẽ mia yunuai mĩ betsa waya hatu bebũshũ ẽ mia saki saki imatiruwẽ taea hatuwẽ dateyamashãwẽ.
Maturã, mã peirakãwã! Deusũ yunuti kushipa pepawẽ matu nemabiaibũ mã hatu danãmiski. Txanima hãtxa yuimisbu hatuki txikishkĩ mã hatu ana nĩkakatsis isbumariki.
