Ezequiel 18:9 - Kaxinawá Bíblia (BR)

⁹ Ha huni peparã, ẽ yunuti hãtxa inũ ẽ nemati hãtxa shinãkĩ ẽ yusĩti hãtxa dasibi txanima txibãkĩ tsua hatu paraĩsma ha huni pepa kayabibuwẽ taea pe hiwekubaĩshãkanikiki, ẽ hawa hatu kupiamarã. Ea Senhor Deusũ txanima ẽ hãtxa ẽ mestẽwaiĩ.

Ezequiel 18:9 교차 참조

1 Reis 9:4

Hakia eskatiã haska mĩ epa Davĩ txakabuwakatsi ikama pe hiwekũkaini keskai ea bebunua miari pe hiwekũkaĩkĩ ẽ hatu yusini txibãkĩ inũ ẽ yunuti hãtxa inũ ẽ nemati hãtxa miãri nĩkai shanẽ ibui mĩ hawẽ hiwekũkainaya

Provérbios 12:28

Yunuti pepa kushipa ha baiwẽ kairã, hawẽ hiweti hayaki. Hakia unaĩsmapabu hiwei peisbuma hatũ hiwea benui mawa bestimisbuki.

Ezequiel 18:10

Hamẽ ha huni pepabiakẽ hawẽ huni bake betsã hawẽ epã shinã txibãkĩ akama na haska tibi mei txakabukũkaini haska hawẽ bake ẽ uĩtiruki. Hawaira sinatai detenamei inũ, yura betsa tenainã, ha inũ, mati meribi anushũ hawenabũ yushibubu dami kẽwaĩbubetã pikubaĩmis inũ, ha dapi hiweabũ aĩ txutamis inũ,

Ezequiel 18:17

hawa tsua itxakawakĩ txakabuwaisma inũ, pei inãyutã ana hawena bikĩ shekakĩ yukaismarã, ha hunĩ haska wakinã, ẽ yunuti hãtxa inũ ẽ nemati hãtxa shinãkubaĩkĩ ẽ yusĩti hãtxa txibaĩ hatũ ibubũ txakabuwẽ taea hawa mawama ishãkanikiki, ẽ hatu hiwemakubainarã.

Ezequiel 18:19

Hakia matubu yuka iki: ‘Haskakĩ hawẽ huni bake nũ kupiamamẽ, hawẽ epã txakabuwẽ taeshunã?’ mã ikaya eskaki. Matu yuinũ nĩkakãwẽ. Hawẽ huni bakẽ ẽ yunuti hãtxa inũ ẽ nemati hãtxa shinãkĩ ẽ yusĩti hãtxa txibãkubaini hatu paraĩsma inũ txanitxakaismawẽ taea txanima hiweshanikiki, ẽ merabewakubainarã.

Ezequiel 36:27

Matu merã ẽ yushĩ mistushũ ẽ yunuti hãtxa inũ, ẽ nemati hãtxa inũ, ẽ yusĩti hãtxa mã hawẽ hiwekĩ mã ea uinũbũ ẽ matu txibãmakubaĩshanaii.

Amós 5:14

Txakabu ana benama pepai hiwekũkainũ ika pepa besti benakubaĩkãwẽ. Mã haskakĩ txanima yuikubainaiburã: “Mekenika Deus kushipahaira dasibi binu keyua Senhor Deusũ nuku merabewamiski”, iwanã, mã shinãmisrã, txanima matu merabewashanikiki.

Amós 5:24

Matu anua ẽ yunuti pepa kaiaĩ ẽ matu uĩkatsis ikaii, hene habai heneisma keskarã. Huni pepakĩ mã ana hatu parãbuma ẽ matu uĩkatsis iriaii, matũ pepa txatxa ũpash hawa netsuisma keskarã.

Amós 5:4

Senhor Deusũ Israelĩ enabu ana yuikĩ: “Betelrã, txakabuwakĩ yamawakĩ di ashiãbu manishanikiki. Gilgal anu hiweabu tsuã hatu merabewama txaihaira hatu iyushãkanikiki. Haskawẽ taea Betel anu matũ yushibu kẽwaĩ buama inũ Gilgal anu ana hari buamari inũ, Berseba anu ana hari mapuyamashãkãwẽ. Hakia ea benakĩ ẽ hãtxa nĩkai eki dasitã haskai ebe hiwekubaĩshãkanikiki”, akĩ ea yuishinaki.

Habacuque 2:4

Eska hatukiri kenewe. Huni txakabuburã, keĩ hiwemisbuki. Hakia huni pepabu hiweirã, Deusũ hãtxa ikũwaĩ txĩtuãma unanuma hiwekubaĩmisbuki.

João 14:21

Haskakẽ tsuabũra ẽ yusĩa nĩkakĩ txibãkubaĩkĩ ea unãmai txanima ea abukubaĩshãkanikiki. Haska inũ, tsuabũra ea abuaibũ ẽ Epa Deusũri hatu aburiashanikiki. Haskaibu shabakabi ẽ hatu unãmashanaii, habũ txanima ea abuaiburã— nuku waya

Hechos 24:16

Haskawẽ taeshũ Deuski inũ hunibuki ẽ xinã txakaismaki, haskai hiwei pepanũ ishunã.

Romanos 1:17

Haska inũ, hawẽ hãtxa yuishunikatũ Deusũ kakapekiri kenekĩ yuikĩ: “Tsuabũra Deusũ hãtxa ikũwãkĩ txibaĩwẽ taea pepai hiweshãkanikiki”, aniki. Haskawẽ taeshũ hawẽ bakekiri kakape Deusũ hawẽ hatu mekekĩ hatũ txakabu buanishũ ha besti ikũwaĩbu hatu pashawashanikiki.

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

Deuteronômio 4:1

Txipu Moisĩ hatu ana yuikĩ: —Matũ shenipabũ mekenika Senhor Deusũ mai pepa matu ibuwamashanai anu hari hikikĩ ibuwatã mã hanu hiweshũ txibãkĩ hawẽ yunuti inũ hawẽ nemati yusini natiã ẽ matu ana yusiaĩ nĩkatã hakimama aki hawẽ hiwekubaĩshãkãwẽ, txĩtuãmarã.

1 João 2:29

Txanima Jesus Cristõnã, hawa kaneama ini mã unaiĩ. Haskawẽ taea tsuabũra hawara Deusũ abuai akubainaiburã, pepabu Deusũ bakebu mã unãtirubuki.

1 João 3:7

Ẽ bake keskabuũ, hau tsuã matu parãyamanũ ẽ matu yuiai nĩkakãwẽ. Jesus Cristo pepa ikũkaini keskakĩ tsuãra txibãkĩ pepa akubainairã, ha hunirã, hawẽ xinã pepariki.