Ezequiel 18:30 - Kaxinawá Bíblia (BR)

³⁰ Mã Israelburã, matu tibi haska mã hiwemiswẽ taea eã ẽ matu unãti watirumamẽ? Ea Senhor Deusũ ẽ hãtxa txanima ẽ mestẽwaiĩ. Ibubis mã ea sinatamabiamis hawẽ taeshũ ẽ matu kupiyamashanũ matũ txakabu dasibi hawaira hene keyurikãwẽ, hamẽ matũ hiwea mã benuyamashanunã.

Ezequiel 18:30 교차 참조

Jeremias 7:3

eska Israelĩ enabũ mekenika Senhor Deus kushipahaira dasibi binuatũ hãtxa nĩkakãwẽ: ‘Haska mã hiwekũkainai inũ haska mã akubainai pewakubaĩshãkãwẽ. Mã haska waya na mai pakea anu ẽ matu hiwemakubaĩshanaii, hawa mai pakea betsa anu matu yunuamarã.

Ezequiel 18:21

“Hunibũ txakabuwabiakubaini hatũ txakabu hene keyutã ẽ yunuti hãtxa inũ ẽ nemati hãtxa shinãkubaĩkĩ ana kaneama pepas akubaini hiwekubaĩshãkanikiki, ẽ kupitiwẽ hawa mawamarã.

Ezequiel 18:29

Ẽ Senhor Deus mã Israelĩ enabũ ekiri yuikĩ: ‘Senhor Deusũ pepawẽ nuku mekeismaki’, mã ikaya haskakĩ ẽ yunutiwẽ ẽ matu pe hiwemaismamẽ? Hakia mã matumamẽ, pepa aki mã hiweismarã?

Ezequiel 36:19

ha hiwe txakakubainaibuwẽ taeshũ mai pakea betsa betsapa anu nawabu habũ unãbuma anu eã hatu itxakawayukĩ ẽ hatu sa akĩ keyuniki, hatũ txakabuwẽ hatu kupikinã.

Malaquias 3:18

Haskakẽ habũ mã ea ikũwaĩbu duawakĩ hanua habũ ea nĩkaisbuma yupukĩ ẽ matu haska waitiã mã betsahaira uĩshanaii, hanu ekiri shabakabi unãkinã. Hakia natiã ẽ matu haska washanai mã tapĩriabumaki”, itã,

Mateus 16:27

Hamẽ ẽ matũ Hutxi Kayabi Iuwarã, ẽ Epã kuxipaya Shanẽ Ibui hawẽ nai tsumabube ana hushũ tsuabũra ea txibaĩ hiwei pemisbu inũ txakabumisbu habu tibi ẽ hatu manakushanaii, pepa inũ txakabuwenã— iwanã

Mateus 25:32

ẽ nai tsumabũ ea hatu itxawashũkĩ keyushũshãkanikiki. Hanushũ haska txashuwã mekenikã hawẽ txashuwã pashkamis keska wakĩ dasibi enabu txashuwã kayabi keskabu ẽ yusiuri hatu itxawatã ha enabuma txashuwã kayabi keskabuma ẽ yusmauri ẽ hatu itxawariashanaii.

Lucas 13:3

Haskamaki. Hamẽ matũri matũ xinã mã betsa wama mã habiaskariai mawashanaii, Deusũ matu kupiaitianã.

Lucas 13:5

Haskamariki. Hamẽ matũri matũ xinã mã betsa wama mã habiaskariashanaii, niti ikama nuitapakũkainirã— iwanã,

Hechos 26:20

Harishũ Damasco anushũ dukũ kakape hatu yusĩ taewatã txipu Jerusalém anushũ yusĩriatã Judéia mai pakea hirabi anuabu judeubu inũ judeubuma ẽ hatu yusĩkĩ: “Xinã betsa wakãwẽ”, ẽ hatu wa tsuãra xinã betsa watã Deusũ bake ikũwãkĩ hatũmebi hatũ hiwea bena hayakĩ uĩkubainimabuki, ẽ hatu unãmakubainarã.

Romanos 2:5

Haska inũ, mã hatiritũ txakabu betsa betsapa akĩ henekatsi ikama Deus xinãma txakabu ibubis matsãkeakebaĩkĩ Deus sinatamamisbuwẽ taeshũ yurabu dasibi unãti washanaitiã ana manama Deusũ matu kupishanikiki.

Santiago 1:15

Na txakaburã, eskaki. Matu yuinũ nĩkakãwẽ. Tsuabũra habũ huĩti merã hawara txakabu xinãkĩ me taewatã: “Hawamaki”, ikĩ txakabu betsa betsapa mekĩ mata wakubaini Deusbe ana haibunameama hawẽ hãtxa ana txibãkatsi ikama ikubainaibuwẽ taea niti ikama Deusbe hiweama mawai benushãkanikiki.

1 Pedro 1:17

Habiaskari wakĩ yurabu betsa betsapa dasibi uĩkĩ hatũ xinã tibi inũ haska wamisbu tibi kaneama Deusũ unãti washanaiwẽ taeshũ Deus dayuikĩ: “Epaã, ea mekewe”, aki bari tibi matũ hiweawẽ duawakĩ kẽwaĩ haki mesekubaĩkãwẽ.

Apocalipse 2:16

Mã hatiri haskabia Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Tsuara haskabumakẽ samama hatu anu kashũ habũ txakabuwaibu kupikĩ na ẽ nupe txaipa ẽ hashpanu ẽ tukuãwẽ ẽ hatube detenamei kashanaii.

Apocalipse 2:5

Haskawẽ taeshũ haska mã ea duawakĩ taewani keska hani mã benukaĩnimamẽ, ana xinãhairatã matũ huĩti pewakĩ xinã betsa watã ana Deus anu txĩtũtã ea txibãkubaĩkãwẽ. Hamẽ mã haska betsa wamakẽ matu anu ana kashũ matu danãkĩ matũ ouro mane txãkã daka matu anua mebĩkĩ ẽ tsekashanaii.

Apocalipse 20:12

hanua dasibi shanẽ ibubu inũ shanẽ ibubuma mawanibu ana bestẽtã Shanẽ Ibũ besuuri mapuabũ hawara betsa betsapa akubainibu Deusũ haki kenemis una itxapa bepẽtã hanua una betsa tsuabũra Deus txibãkĩ Jesus ikũwaĩ niti ikama Deusbe hiwekuĩshanaibu habũ kena Deusũ haki keneriakubaĩmis una betsa hawẽ hiwemati kene bepẽriashũ ha habu hiweshũ haska wamisbu hatukiri ha unaki kenekubaĩmisshũ dasibi mawanibu ana bestẽa mapuabu habis hatu yuikĩ hatu unãti wakeakeaya

Apocalipse 22:12

Jesusũ ana ea yuikĩ: “Uĩa. Ẽ samama ana kashanaii. Kakinã, hatũ manakuti tibi ẽ hatu bushũshanaii, haska tibi hiwemisbu keska hatu inaĩ kairã.