Ezequiel 18:19 - Kaxinawá Bíblia (BR)

¹⁹ Hakia matubu yuka iki: ‘Haskakĩ hawẽ huni bake nũ kupiamamẽ, hawẽ epã txakabuwẽ taeshunã?’ mã ikaya eskaki. Matu yuinũ nĩkakãwẽ. Hawẽ huni bakẽ ẽ yunuti hãtxa inũ ẽ nemati hãtxa shinãkĩ ẽ yusĩti hãtxa txibãkubaini hatu paraĩsma inũ txanitxakaismawẽ taea txanima hiweshanikiki, ẽ merabewakubainarã.

Ezequiel 18:19 교차 참조

2 Reis 23:26

Josias haskabiakũkainaya hawẽ hutxi shanẽ ibuhaira Manassésĩ txakabuhaira wakubainiwẽ taea Judá enabuki Senhor Deus sinatãkũkaini Judá enabuki sinatani heneama hawa daeama ikũkainaiwẽ taeshũ

Êxodo 20:5

Ha yushĩ betsa betsapa dami tibi anurã, ha bebũ dãti ishũ duawakĩ kẽwãyamakubaĩshãkãwẽ. Matũ mekenika Senhor Deusrã, ẽ eaki, tsuabura enabu washũ hatu mekei ẽ hatu yaushimisrã. Habũ ea danãkĩ dami betsa kẽwaĩbu hatũ ibubũ txakabuwamisbuwẽ taeshũ hatũ bakebu inũ, hatũ bababu inũ, hatũ bababũ bakebu ẽ hatu kupikubaĩshanaii.

Ezequiel 18:18

Ha inũ, betsarã, hatũ epã hawenabu itxakawakĩ hatu yumetsukĩ kanekĩ txakabu betsa betsapa wakubainaya hawẽ txakabuwẽ taeshũ kupikĩ hau tenãshanũbũwẽ.

Ezequiel 18:2

“Israelĩ enabũ hatũ beya txakabu atiani habias txibãkĩ heneama yuikĩ: ‘Uva bimi bũkash pia keska wakĩ hatũ epabũ txakabuwakubainaibu hatũ sheta masheshai keskai hatũ bakebu nuitapai bika tenekubaĩmisbuki’, haska hãtxai haskakĩ Israelĩ enabũ haska yui beshtekeriabumamẽ?

Ezequiel 18:9

Ha huni peparã, ẽ yunuti hãtxa inũ ẽ nemati hãtxa shinãkĩ ẽ yusĩti hãtxa dasibi txanima txibãkĩ tsua hatu paraĩsma ha huni pepa kayabibuwẽ taea pe hiwekubaĩshãkanikiki, ẽ hawa hatu kupiamarã. Ea Senhor Deusũ txanima ẽ hãtxa ẽ mestẽwaiĩ.