12 bestibu tibitũ hawẽ mestẽtiri putabu dami dunua maniabũ hakia Arãonẽ mestẽti dami dunuatũ hatũ mestẽti dami dunuabu ha Arãonenatũ hatu sheãkĩ keyuã
Faraó dateama hawẽ unanepabu inũ hawẽ mukayabu hatu kena beshũ hatũ yushĩ kushipawẽ habiaskari hatuna akĩ
haska Faraó ashũbiabu uĩbiatã hawa dateama huĩti kushitã haska Senhor Deusũ yuishina keska Moisés inũ Arão Faraóne hatu nĩkatã hawenabu heneshunama inikiaki.
hatunabube txami isĩ tenei nuitapakĩ Egito nawa mukayabũ Moisĩ ashu keska ana anũ ika kai tashniabumakẽ
Ha parananaĩbu unaĩsmapakĩ hãtxa kayabima hatu yusĩaĩbu dasibibũ unãtã itxapabu hatuki txiti ikama ishãkanikiki. Haska Moisés beshtenũ ika Janes inũ Jambres tatima ini keskai haburi haskashãkanikiki, beshtekeirã.
Ẽ bake keskabuũ, mã Deusunaburã, hawẽ Yushĩ Pepa kuxipa mã hayawẽ taeshũ Satanásã hatu merabewabiamiskẽ ha parananaĩbu mã hatu binu keyuaki. Satanás kuxipabiakẽ Deusũ Yushĩ Pepa kuxipahairatũ ma binuaki, matu merabewakinã.
