Êxodo 24:7 - Kaxinawá Bíblia (BR)

⁷ haska watã Deusũ yubati hãtxa una bishũ hawẽ hãtxa dasibi hatu yuishuna nĩkatã hanus hãtxakĩ yuikĩ: —Nukuburã, ana nukũ shinanẽ nũ itirubumaki. Haska Senhor Deusũ hawẽ yunuti nuku pewashunai besti nĩkatã nũ ashũkubaĩshanaii— akabu

Êxodo 24:7 교차 참조

Êxodo 19:8

habiatiãri Israelĩ enabu dasibitũ nĩkatã kemakĩ: —Senhor Deusũ hãtxa mĩ ma nuku yunushu nĩkatã txibãkĩ nũ akubaĩshanaii— akabu yurabu hãtxakãshu Moisĩ bui ana mapeketã Senhor Deuski txanikĩ banabima

Malaquias 2:10

Israelĩ enabu huni dasibibuũ, ẽ ea Malaquiasĩ matu yuinũ ea nĩkakãwẽ. Nuku dasibirã, nũ Epa bestitxai hayamamẽ, dasibi dami wanitũ nuku katunirã? Haskai nukubu nukumebi nũ parananãbukũmisbumẽ, haska Deus nukũ shenipabube yubakani danãkĩ txakabuwairã?

Hechos 13:15

hanushũ Moisés keneni inũ Deusũ hãtxa yuishunikabũ kenenibu una anua yusĩkĩ hatu yui menetã habũ yusĩmisbu shanẽ ibubũ Paulo inũ Barnabé yuikĩ: —Ẽ betsabuũ, mã hawa nuku yusĩtanũ ika huxiãmẽkaĩ? Nukunabube benimawakĩ ikis nuku yuirikãwẽ— hatu wa

Colosenses 4:16

Na kene ẽ matu bumai uĩkĩ yuikĩ keyutã hanushũ Laodicéia anu itxamisburi hatu yunushãkãwẽ. Hanua kene betsa Laodicéia anu ẽ haturi bumai uĩtã maturi bemaibu matuna uĩaĩbũ hatunari uĩshãkãwẽ.

1 Tesalonicenses 5:27

Haskakẽ nukũ Shanẽ Ibũ ea kuxipa waniwẽ taeshũ matu yununũ ikũwaĩbu dasibibu itxati tibi anushũ na kene ẽ matu bumakĩ yunuai shabakabi hatu yuishũkubaĩkãwẽ.

Josué 24:24

dasibibũ ana yuikĩ: —Hawẽ hãtxa dasibi nĩkakĩ hawara nukũ mekenika Senhor Deusũ nuku yunua besti nukũ huĩti hirabiwẽ duawakĩ nũ txibãpakeshanaii, hawa parãmarã— akabu