35 Matũ mekenika yushĩ pepa txanima kayabi Senhor Deuski. Tsuã Deus binua ha keska betsa hayama matu unãmaniki, haska matu shinãmakinã.
Haska nuku dasibibũ nũ nĩkamis inũ nũ uĩmisrã, hawa mekenika Deus betsa mia binua betsa hayamaki, mia keskarã. Haskawẽ taea ẽ mekenika Senhor Deusuũ, miarã, mĩ pepahairaki, tsuã haska watiruma mĩ nuku ashũmisrã.
Senhor Deusuũ, mia besti mĩ mekenika Deuski”, iwanã, “Mai hirabi anu yurabu shukua betsa betsapabũ hau mia unãkĩ tapĩkubaĩshanũbũ Senhor Deusuũ, mĩ nukũ mekenika Deuswẽ taeshũ ikis Assíria nawabu kushipabu nuku nemashũkĩ nuku mekekubaĩshãwẽ”, ikaya
Senhor Deusrã, unãti wakãwẽ. Nukũ Deuski. Hatũ nuku dami wani nũ hawenabuki. Nukuburã, nũ hawẽ yurabuki, hanu basi pepa benemis anu hawẽ txashuwã mapua keskaburã.
Ẽ Shanẽ Ibu Senhor Deusuũ, mekenika yushĩ betsa mia keska tsua hayamahairaki. Meribi pepahairakĩ dasibi mĩ binu keyuaki. Hamapai sharabu wakĩ: ‘Habaa!’ imakĩ mĩ hatu datemamiski. Haskabia hau mia kẽwãshanũbũ mĩ pepa ikũkainaii.
Faraónẽ kemakĩ: —Habia meshukiri ea ashũwẽ— hatu wa Moisĩ yuikĩ: —Peki. Ẽ mia ashuĩ kaii. Nukũ mekenika Senhor Deus tsua keska hayama mĩ uĩshanaii.
Senhor Deusũ hãtxa Moisĩ Arão ma yuikẽ hatũ hene dasibi bemaki hawẽ mestẽti Arãonẽ tsumashũ sanãbaunaya hene dasibi anua heu mirimahaira kaĩbirani bekĩ Egito nawabu hiwebaunabu anu matai keyuaibũ
Mĩ ana hatu bashiaya na habiatiãri dasibi hawẽ kupiti mia anu inũ, mĩ merabewanika shanẽ ibubu anu inũ, minabu dasibi anu ẽ yunuaiwẽ taeshũ mai hirabi anu yushĩ kushipahaira tsua ea keska betsa hayama mĩ unãshanaii.
Senhor Deusũ hawẽ hãtxa kaneama mestẽwãkĩ: “Habia mã matubuki, ẽ txaninikaburã, mã ẽ tsumabu inũ eã ẽ matu katunirã. Ea unãtã ea ikũwaĩ eki txiti ikĩ ẽ Senhor Deus dasibi binua mã ea unanũbũ ẽ matu katuniki. Ẽ iriamakẽ tsua deus betsa hayama iniki. Ha inũ, uatiã ea katxu betsa hayatirumahairaki.
Senhor Deus Israelĩ shanẽ ibu inũ hatũ merabenanika dasibi binuatũ yuikĩ: “Earã, ea dukũ ẽ hiweni inũ ẽ hawẽ henea debesekeaki. Tsuã ea binua Deus kayabi betsa hayamaki.
Ẽ haskakẽ benimai dateyamakãwẽ! Nenumahairatiã yui ea ẽ txaninirã, matubunã, mã unaiĩ. Mã haska ekiri txanitirubuki. Deus kayabi betsa hayamẽ, mã unanã? Hayamahairaki. Hanu pashati betsa ẽ uĩsma ẽ hawa unãmaki.”
Nai dami wanika Senhor Deusũnã, mai dami wakĩ tashnimaniki. Haska watã mestẽwaniki. Hatũ mai dami watanã, hau shaka bestiyamanũ yurabu dami wariatã hiwemakĩ yuikĩ: “Ea besti ẽ Senhor Deuski, betsa hayamarã.
Mai kesua anu hiwebaunabuũ, ea anu bekãwẽ, matu mekekĩ ẽ matu piskumashanairã. Earã, ẽ Deuski, ea keska betsa hayamarã.
Earã, ẽ habia Senhor Deuski, betsa hayamarã. Ea keska betsa Deus kayabi hayamahairaki. Mai pakea tibibe mĩ hatube detenameshanũ ẽ mia kushipa wakĩ pewaniki, mĩ ea unãmabiakenã,
Jesusũ yuikĩ: —Na eska yununi betsa betsapa tibi dasibi binuhairarã, eskaki. Nĩkakãwẽ: “Israelbuũ, nukũ Shanẽ Ibu Deus ha besti ikibi ini hiwepakeikiki.
Deusũ hãtxa kenenibu yusĩnanãmistũ Jesus yuikĩ: —Yusĩnaã, mĩ yusĩanã, peki. Txanima mĩ yui kayabiaii. Nũ abuhairaii. Txanima Epa Deus bestitũ nuku mekekubaĩtiruki, betsã nuku mekeamarã.
Yushĩ dami kẽwãti betsa kẽwãkĩ hawẽ kẽwãti nami inãnãnaĩbu bitã mã piaiburã, haskarã nũ unãriaii. Hawẽ kẽwãti yushĩ dami hiwea hayama inũ hawa kuxipa hayamahairaki. Hakia nukũ mekenika Deus bestitxai hiwea nũ unaiĩ.
Hamẽ nukubũ ikũwãkinã, nukũ Epa Deus bestitũ dasibi bawani inũ nuku hatũ damiwani nũ hawẽ hiweaki. Ha inũ, Shanẽ Ibu bestitxai nũ hayaki, Jesus Cristorã. Hawẽ taeshũri Jesusũ hawẽ Epa Deusbetã dasibi damiwakĩ keyuniwẽ nũ hiweriaki, nukuburã.
Haskawẽ taeshũ matũ shinãwẽ tsuma pewatã hakimayamakãwẽ, mistu pewakinã. Matũ mekenika Senhor Deusrã, nai inũ mai hirabi hawenaski. Mekenika ha keska Yushĩ Pepa betsã binuã tsua hayamahairaki.
Txipu Moisĩ ana hatu yusĩkubaĩkĩ yuikĩ: “Israelĩ enabuũ, matu yuinũ ea nĩkakãwẽ. Nukũ mekenika Senhor Deusrã, bestitxaiki, hatũ kẽwãti dami betsa betsapa keskamarã.
Senhor Deusuũ, tsua meribi mia keska hayamaki. Nukũ mekenika Deusuũ, mĩ nuku mekemis keska tsua hayamaki. Tsuã mia binua ana betsa hayamahairaki.
