Deuteronômio 34:9 - Kaxinawá Bíblia (BR)

⁹ Hanushũ bebũkiri Josué katukĩ hawẽ mekẽ dabewẽ Moisĩ mamepishũ hawẽ unanepati kushipa Moisĩ Josué yunuimawẽ taeshũ haska Senhor Deusũ Moisés yunumaima keska wakĩ Josué hãtxa Israelĩ enabũ hari nĩkakĩ taewabainibukiaki.

Deuteronômio 34:9 교차 참조

1 Reis 3:12

haska mĩ ea yukai ẽ mia ashũkubaĩshanaii. Hawẽ unanepati inũ shinã shabakabiti mĩ bushka merã ẽ mia unãmakubaĩshanaii. Mĩ iriamakẽ tsua haska hayama inibu inũ unuri tsuã mia binũbaũ txipu haska hayama inũbarikanikiki.

1 Reis 3:9

Minabu mekekĩ ẽ hatu yunukubaĩshanũ hawẽ hatu pe yunukubaĩti kushipa ea inãwẽ, pepa inũ txakabu unãti sharawakinã. Mĩ ea haska wamakẽ ha yurã kaiã mirima tsuã hatu pe mekekĩ yunutirumaki”,

2 Reis 2:15

kesha betsauri Deusũ hãtxa yuishunikabu Jericó anu hiweabu haska hene tuash atã pukebirani Eliseu huai uĩkĩ yuikĩ: “Uĩkãwẽ! Eliasĩ yushĩ Eliseu mamaki ma butuaki”, iake iaketã haki nukunũ ika bui Eliseu bebũ maĩ di iki beutã

2 Reis 2:9

kesha betsauri kapukeshũ Eliasĩ Eliseu yuikĩ: —Ẽ mia henebaĩriama haska mĩ betxipaiai ẽ mia ashũtiru ea yukawe— aka Eliseũ kemakĩ: —Senhor Deusũ mia merabewakĩ hawẽ yushĩ kushipa mia atximakubaĩmis keska habias kushipa dabeki hau ea inãkubaĩshanũ haska ẽ mia ea akaii— aka

Êxodo 12:28

hanushũ haska hau hawara anũbũ Senhor Deusũ Moisés inũ Arão yuishu tapĩkĩ unãtã akaibũ

Isaías 11:2

Deusũ Yushĩ kushipa habe ketashametã putama eska wamakubaĩshanikiki. Ha huni Deusũ Yushinĩ merabewa haratu bai pepa inũ haratu bai txakabu unãmatiru wakĩ inũ, hawẽ unanepati inãkĩ inũ, hawẽ shinã bebũkiri pewanika inãkĩ inũ, kushipa inãkĩ inũ, Senhor Deuski mesetirubu unãmanika ishanikiki.

Daniel 6:3

unanepahairaiwẽ taeshũ dayakĩ ha shanẽ ibu dabe betsa inũ yununikabu beshmasbu dasibi hatu binuaiwẽ taeshũ shanẽ ibuhaira Dariõ shinãkĩ: “Ea katxu Daniel shanẽ ibuhaira ẽ watirumẽkaĩ”, ikaya

Números 11:17

Uiaĩbu bututã ẽ mibe hãtxai kaii. Hau habuã mia merabewakĩ ha yubabu mibetã hau mekekubaĩshanũbũ ẽ yushĩ mĩ hayarã, pashkashũ hatu tibi ẽ inãbaũshanaii, mawaira ana mimesti bika teneama hatube mĩ merabenãshanunã, minabu hatu merabewakĩ iyuirã.

João 3:34

Hanushũ hawẽ bake yunukĩ hawẽ Yushĩ Pepa keyuisma inãkubaĩmiswẽ taeshũ Deusũ bake ha yununitũ hawẽ hãtxa yuimiski.

Hechos 6:6

Jesusũ kuxipayabu anu hatu iyuabu hanushũ hatu unãti wakĩ mamepishũ Deus hatu yukashũkĩ hatũ merabewanikabu hatu wanibukiaki.

Deuteronômio 34:8

Ma debua unãtã Moabe nawabũ maiwã pãpa anu Israelĩ enabũ Moisés manui shinaĩ kashai 30 dia kashakubaini nesenibukiaki.

Colosenses 2:3

Eskaki, matu yuinũ xinaĩrakãwẽ. Hawẽ unãnepati pepa inũ hawẽ tapĩti dasibirã, Cristo anu hayaki, haska Deusũ hakiri hunenirã.

1 Timóteo 4:14

Ha inũ, mĩ mae anushũ Jesus Cristonabu mekenikabũ mia mamepishũ Deus mia yukashunabu hawẽ Yushĩ Pepa mia yunua mia kuxipa wanirã, unãnumas hamakiri hãtxama haska Deusũ mia merabewani hakiri besti hãtxai dayakũkaĩwẽ, kaneamarã.

1 Timóteo 5:22

Ha dikabi hau tsuãra Deusũ daya ashunũ katukatsis ikinã, hĩ hĩ, iwanã, uĩriama mamepishũ hawaira Deus yukashũyamawe. Hakia hawẽ txakabu unãriama kanekĩ mĩ hawaira katukẽ: “Hawẽ txakaburã, unãma ikimẽkaĩ?”, iwanã, mikiri xinãtirubuki. Haska huni betsã txakabu mĩ pewashũtirumarã, mimebi mekekĩ uĩrakubaĩwẽ.