27 Ha TEQUEL hãtxarã, Deusũ hawẽ tanatiwẽ mĩ shãkama mia tanairã, mĩ hawa pemaki.
Ẽ pepahaira wamis ea unãti wakĩ Deusũ besti hawẽ balançawẽ tana keska wakĩ ea tanakĩ pewashanikiki. Haska ea tanatã ẽ pepakẽ ea unãshanikiki.
Hunibũ shinãkĩ ibubis bemakis aki: “Ẽ pewaii”, iwanã, shinãkubaĩmisbuki. Hakia Senhor Deusũ hatũ shinã uke merã parananaĩbu hatu unã keyumiski.
Hunibũ hawara watã shinãkĩ; “Dasibi ẽ pe washuki”, iwanã, yuibiakubainaibũ hakia hatũ shinã uke merã Senhor Deusũ uĩkĩ hatu unãti wamiski.
Senhor Deusuũ, mĩ ma hatu putawẽ taeshũ minabu hatu metukĩ yuikĩ: ‘Prata detsisya danãmisbu keskabuki’, akĩ hatu kenakubaĩshãkanikiki.”
Nai anua nukũ Shanẽ Ibuhaira Jesus hukirã haska hawẽ yusĩa txibaĩ nũ hiwemis nuku tibi shabakabi nuku unãti washanikiki. Hanu nuku unãti waitianã, nukũ hiwea inũ nũ hawẽ taea nũ dayamis txiwẽ nuku unãti washanikiki.
