Daniel 2:34 - Kaxinawá Bíblia (BR)

³⁴ Mĩ shanẽ ibũ haska uiãyã mati keyatapa anua mishki ewapa bestitxai tsuã hawa mekĩ shutuamabia hamebi tsekei mati anua taramekirãkĩ hawẽ tae tu akĩ txakãtushia ha dami tĩ iki tureke tureke ikaya

Daniel 2:34 교차 참조

Isaías 28:16

haskaibuwẽ taeshũ Senhor Deusũ hatu yuikĩ: “Mishki karuhaira ẽ katuni ha mishki uĩbaĩ hakimatima haki tsamabaũkĩ mestẽwãti Sião anu ẽ tashnimashanaii. Tsuãra ha mishki betxipaikĩ katutã hawẽ datetirubumaki, ma haki txiti ikarã.

Isaías 60:12

Mai pakea betsã habũ matu betxipaisma habu yamai ana hayama ishanikiki”, iwanã,

Isaías 8:9

Nawa shukua tibibuũ, matunabube itxatã hatu deteshãkãwẽ. Mai pakea txai tibi anu hiweabuũ, mã eskashanai nĩkakãwẽ. Detenamenũ ishũ matũ pia mã bibiabauna txanima mã datehairashanaii.

Daniel 2:33

Hawẽ bikeranã, mane ferro due keska kushipaki. Hawẽ taerã, mane ferro kushipa inũ mapu bawa kushipa husiaki.

Mateus 16:18

Eã mia kenakinã, mia Pedro wakĩ mixki kuxipa keska ẽ mia waii. Mĩ haska hãtxakĩ yuishuwẽ taeshũ yurabu mĩwẽri itxapa ẽ hatu ikũwãmashanaii. Yura mema mawatirubiakẽ Satanásã datemakĩ ea ikũwaĩbu maematirumaki, hatu nemakinã.

João 1:13

Haska inũ, Deusũ hawẽ bakebu hatu pepa wakinã, txutakĩ akama inũ yurabũ xinãwẽ akama hakia Deusũ hawẽ kuxipawẽ besti hawẽ bakebu wakĩ hatu hiwekuĩmakĩ taewaniki.

Hechos 4:11

Jesus Deusũ haska keska waimakiri matu shabakabi wanũ ea nĩkakãwẽ. Mã hiwe wanikabũ mixki danãbiaibũ habias mixki keska Deusũ bishũ deshũ makeresh wakĩ kene hawẽ mestẽwãkĩ akawaimaki, ha habias Jesusrã.

2 Coríntios 5:1

Haska inũ, na mai anu nukũ yurawẽ nũ hiwea peã shubuwẽ nũ hiweyua keskabukiaki, hatiara hawaira nũ debushanairã. Hakia nai anu nukũ hiwe nũ hanu hiwei kashanairã, Deusũ ma nuku akibi ashuniki, yurabũ hiwe wamis keskamarã.

Hebreus 9:24

Hanua hanu Deuski nukuti tari hiwe hunibũ na mai anushũ anibu anu Jesus Cristo hikiama, hakia nai anu hanu Deuski nukuti kayabi anu hikinishũ Deus bebunua natiã nuku hãtxashũkĩ Jesus Cristõ nuku ea ashuĩkiki.

1 Pedro 2:7

Na haska keneni keska tsuabũra ma ha mixki kuxipa ikũwaĩbu maturã, mã ha abuhairaii. Hamẽ tsuabũra ha mixki kuxipa ha ikũwãma danãkubaĩkanikiki, ha keneni keska wakinã: “Mixki hiwe wanikabũ ha mixki danãbiaibũ hawẽ hiwe mestẽwãti kayabi mixki pehairaki, kuxiparã”, aniki.

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ

Apocalipse 17:14

txashuwã bakebe detenameshãkanikiki. Hakia txashuwã bake Jesus Cristo dasibi shanẽ ibubu inũ dasibi yununikabu binukĩ keyumiswẽ taeshũ habu Deusũ katushũ hatu kenani txĩtuĩsbumabetã ha dez shanẽ ibubu maemashãkanikiki, nukũ Shanẽ Ibu Jesus Cristobetanã”, ea watã