2 Timóteo 2:18 - Kaxinawá Bíblia (BR)

¹⁸ txanima hãtxa henetã ma hamakiri hatũ xinã benuabuki. Habũ hatu yusĩkĩ yuikinã: “Ikũwaĩbu mawarã, ana bestẽshanairã, nũ ma hayaki”, iki mapubaũkĩ hatu parãkĩ Jesus ikũwaĩ hatiri hatu txĩtũmakanikiki.

Kashinawa : Diosun Jesúswen taexun yuba bena yiniki

¹⁸ chanima jancha jenetan ma jamakidi jatun shinan benuabuki. Jabun jatu yusinkin yuikinan: “Ikunwainbu mawadan, ana bestenxanaidan, nun ma jayaki”, iki mapubaunkin jatu padankin Jesús ikunwain jatidi chintunmakanikiki.

2 Timóteo 2:18 교차 참조

Mateus 15:13

Jesusũ nukuri yuikĩ: —Tsuabũra ea inũ ẽ Epa ikũwãma nukũ hãtxa danaĩbu ẽ Epãri hatu danãriashanikiki, mibã tsuã banama hamebi hukuĩma tatxayabis betsea keska wakinã.

Mateus 22:29

Jesusũ hatu kemakĩ: —Matunã, Deusũ hãtxa kenenibu unãma hawẽ kuxipa mã unãmariki. Haska wakĩ mã kanemiski.

Lucas 8:13

Ha inũ, heshe betsa mixki ewapabu mania anu mai eskarabes bemãtximea anu niri akarã, tsuãra Deusũ hãtxa nĩkakĩ taewai benimabiaya xinã pewamawẽ taeshũ hawẽ hiwepanã Deusũ hãtxa danãmakĩ hatu bika wakĩ hawẽ hamapaiwẽ hatu itxakawabu tenei hawawẽ haskatima ha uĩtã ana hawẽri txĩtũbaĩmisbuki, hatũ tatxa itxapama keskawẽ taearã.

Hechos 5:39

Hakia Deusũ hatu yunua ikaiburã, mã hawa hatu nematirumaki. Txanima habũ Deusũ hãtxa kayabi yusĩaĩbu hatu nemakĩ mã binutirumaki. Deus nemanũ ika mã haskatirumaki. Haskakẽ xinãkĩ uĩrakãwẽ— hatu wa hawẽ yusĩa txibãkĩ pe nĩkatã:

1 Coríntios 11:19

Matũmebi pashkai mã unãtinãkeakeairã, haskatimaki.

1 Coríntios 15:12

Hamẽ betsarã, Cristo mawaxina Deusũ bestẽwanikiri nũ matu yusĩbiamiskẽ haskakĩ: “Mawabũ yura ana besteãma ishanikiki”, iwanã, hatiritũ xinãkĩ Corinto anushũ yuimisbumẽ? Mã haska xinaĩbu matu ana yusĩnũ nĩkairakãwẽ.

Colosenses 3:1

Cristo mawa bestẽwãtã Deusũ hawẽ yusiuri tsaumanishũ habe shanẽ ibu waiwẽ taeshũ matũ xinã betsa watã mã ma ikũwaĩbu mã ma habe besteni keskawẽ taea hawara naiuria Cristowẽ Deusũ pepa benakubaĩkãwẽ.

1 Timóteo 6:10

Pei inũ maburã, hatũ kemuti pae txakabũ hatu atxia hanu hayaki. Haska mabu inũ peiwẽ kemui Jesus Cristo ikũwaĩbu bestibu has besti dayanũ ika haska abuai hatũ xinã pe henetã ana Jesus Cristo ikũwaĩ xinãma ma hakimawẽ taea hanua hakiri hawẽ txakabu betsa betsapa tashnibirãkĩ hatu nuitapawamiski.

2 Timóteo 2:14

Ẽ mia yuiai keska xinãkĩ betsabu hatu yusĩkĩ tapĩmairakubaĩwẽ. Deusũ nĩka keyuaya yusĩa betsa betsapakiri yui hau kemanameyamanũbũ hatu nemakubaĩwẽ, tsua hatu merabewatirubumakirã. Haskaibu tsuãra hatu nĩkai e ishãkanikiki, Jesus Cristo ikũwãpairã.

Tito 1:11

Hatu yusĩ pewabumabia hatũ mabu biã xaranũ ika peiwẽ kemukĩ hiwe anua yura betsa hawenabuya hatu xinã betsa wamakĩ hatu parãbiabu hatu nĩkakanikiki. Haskawẽ taeshũ mekenikabũ mibetã yusĩkĩ hau hatu nemakubainũbũwẽ.

Hebreus 3:10

Ha yurabũ ea haska waibu hatuki sinatakĩ hatu yuikĩ: ‘Ẽ xinã abukĩ unãti wakatsi ikama danãkĩ hatũ huĩti pepariabumã hatũmebi benui mapuabuki’, iki

Santiago 5:19

Ẽ betsabu inũ ẽ puibuũ, tsuara matũmebi txakabui bai pepa henetã mã ma benukenã, hau ikũwaĩ betsã mia merabewakĩ hau ana matu txĩtũwãkubainũbũwẽ.

1 João 2:19

Habu tashnirã, nãtekea beama habia nuku anua iki taebaĩkanikiki. Nukube itxabiamisbu Jesus Cristo danaĩ ana nukube itxama haki sinatakanikiki. Hamẽ nukubetã ikũwaĩbunã, nuku pashkabainama itirubuki. Hakia nuku pashkabainaibu uĩkĩ ikũwã kayabiabuma mã shabakabi unãtirubuki.