2 Tesalonicenses 2:16 - Kaxinawá Bíblia (BR)

^16-17 Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.

Kashinawa : Diosun Jesúswen taexun yuba bena yiniki

^16-17 Januxun nukun Xanen Ibu Jesucristo jamebi inun nukun Epa Dios nukuwen nuikin bechipaikin nuku duawakin nuku shinan chankanwan niti ikama nai anu nun jatube jiwexanai manakamakin nuku yubaniki. Janua mestenwantan matun juinti shinan chankanwankin matu kushipa wai jeneama jamapai yuikin man akai pepas jau matu amakubainunbunwen.

2 Tesalonicenses 2:16 교차 참조

Isaías 35:10

tsuabura Deusũ hawenawakĩ hatu binirã. Hawẽ maewã Sião anu hikibaini kãtai benibaĩshãkanikiki. Hari hikitã hiwea benimai heneama ipakeshãkanikiki. Haburã, benimai shinã txãkã bestishãkanikiki, haria ana kashai bika tenei eẽ ikama yamakaini pes dakashanikiki.

Isaías 61:7

Mã enabu habu matuki sinatakĩ itxakawakĩ matu dakewakubainibu nuitapakĩ bika mirima mã mekubainima keska natiã ha binumakĩ matũ mae anushũ mabu karu mirima inũ benimai shinã txãkaĩ henetima bi mã hawẽ hiwekũkaĩshanaii.

Lucas 16:25

Abraãonẽ yuikĩ: “Baa, eskaki xinãwẽ. Mĩ hiwearã, hawa bika teneama mabuhairaya mĩ hiwekũkainimaki. Mĩ haskaya Lázarorã, nuitapakĩ isĩ txakabu besti tenei hiwekũkainimaki. Hakia natiã Lázaro Deusũ duawakĩ mia kupiaiwẽ taea mĩ nuitapaii.

João 13:1

Páscoa nawai mexukiri ishanaitiã yurabu henebaini hawẽ Epa Deusbe ana dasi kashanai ma kemai Jesusũ unaĩ na mai anua habũ ikũwaĩbu abui hatuwẽ nuikũkaini haska bestiwẽma hakia nũ hawenabuwẽ taea nuiyabis mawakĩ nuku uĩmaniki.

João 15:9

Eãnã, ẽ matu abuaii, haska ẽ Epã ea abukĩ akai keska wakinã. Haskawẽ taea ea putapakeyamashãkãwẽ, ẽ nui mã hayawẽ taearã.

João 16:22

Habiaskariai ikis mã punu nukaki. Hakia ẽ ana huaya mã benimahairaya matũ benima pae tsuã matu mebĩtirubumaki.

João 3:16

Jesusũ ana Nicodemos xinãmakĩ yuikĩ: —Yura betsa betsapa dasibi hiwebaunabuwẽ nuihairakĩ Deusũ eska xinãtã ea hawẽ bake bestitxai yunukĩ tashnimaniwẽ taeshũ tsuabũra ea ikũwãkĩ hawẽ hiwea kayabi benutima bitã mawa kayabiama Deusbe hiwekuĩshãkanikiki, ikibi ikirã.

João 4:14

—Hakia tsuabũra ũpash ẽ inaĩ atanã, ana tetsusini manuama ishãkanikiki. Habu tibi merã txatxa ũpash netsuisma keskatũ hatu hiwekuĩmashanikiki, ikibi imakinã— aka

Hechos 15:11

Natiã nuku inũ habukiri xinãnanãkãwẽ. Nukubũ nũ ikũwaĩ mekea hayarã, hawama hamẽhaira nũ ikanaii. Haska keskari wakĩ habu judeubumari habias nũ ikai keskari wakĩ nukũ Shanẽ Ibu Jesusũ habu duawaikiki, hawẽ pepawenã— hatu wa

Hechos 18:27

hanua mai pakea betsa Acaia anu hawẽ mae ewapa Corinto anu Apolo kanũ ika pukekatsis ikaya habianushũri ikũwaĩbũ hau Apolo hatu anu hikiai i pewatã hau Apolo merabewashanũbũ Efeso anushũ ikũwaĩbũ keneshũ haya yunuabu niwe shashu ewapawẽ pukekaini Corinto anu hikixina hanushũ habũ Jesus ikũwaĩbu hatu merabehairawanikiaki, Deusũ hatu duawaiwẽ taeshunã.

Romanos 4:16

Hawara Deusũ abuai Abraãonẽ ikũwãkĩ ani keska wakĩ Deusũ hawẽ hãtxa mã ikũwaĩnã, hawẽ hãtxa benutima wakĩ nuku mestẽwãshuniki, hawa pakama hawẽ inãkuĩ ikũwãkĩ nũ bishanũbunã. Ha Deusũ Abraão yubani xinãkĩ tsuabũra hawẽ yunuti inũ hawẽ nemati nũ txibãkĩ Jesus nũ ikũwaĩbu inũ, tsuabũra Moisés hãtxa txibãma Abraãonẽ ikũwãni keskakĩ mã ikũwaĩbu mai hirabi nuku yunushanairã, Deusũ Abraãowẽ nuku dasibi yubashuniki, dasibi ikũwaĩbũ shenipabu wakinã.

Romanos 4:4

Haska inũ, tsuabũra yura betsa dayashunabu hatũ daya pei inãkuĩ keska hamẽ inãma hakia hatu dayamatã deveshũ pakakĩ inãmisbuki.

Romanos 5:8

Haska keska binumakĩ Deus dasibibuwẽ nuikĩ nuku abuai nuku unãmanirã, dasibibu nũ txakabu husia hiwebiakẽ ha xinãma Deusũ Cristo yunua tashnitã nukũ kupiti nuku bishuĩ ha besti nuku mawashuniki.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

Efésios 5:25

Aĩyãbuũ, maturi yununũ nĩkakãwẽ. Cristo habũ ikũwãshanaibuwẽ nuikĩ abui hawẽ hiwea hatu inãni keskai maturi matũ aĩwẽ nuikĩ parãma hatu abuhairakubaĩkãwẽ.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

Colosenses 1:5

Mã haskairã, Jesus Cristokiri kakape txanima nĩkatã benimakĩ matũ hiwea nai anu Deus anu mã haya mã manakaibu nũ matu unaiĩ.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

1 Tesalonicenses 3:11

Haskakẽ nukũ Epa Deus inũ nukũ Shanẽ Ibu Jesusũ nuku merabewakĩ hau matu anu nuku nitxĩkĩ nuku yunushanũbũwẽ, nũ matu uĩ kanunã.

2 Tesalonicenses 2:13

Ẽ betsabu inũ ẽ puibuũ, Deus matuwẽ nuikĩ matu abukĩ bebũkirihaira matu katuniwẽ taeshũ txanima hawẽ pashati mã bishanai hawẽ Yushĩ Pepatũ matu merabewai kai ma matukiri pewanikẽ txanima mã ikũwãyã haskawẽ taeshũ matu meribi waniki. Mã haskakẽ Deus nũ matukiri pe kẽwãshũkubainaii.

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Hebreus 7:19

Deusũ Moisés yunua hawẽ hãtxa keneni txibãbiai hatũ nuku pepawatirumakẽ hawẽ shãtukũ betsa yunukĩ nuku hawẽ yuba bena pehaira wakĩ ha txibaĩ haki dasitã Deusũ enabu kayabibu nũ hiweshanũbũ nuku ashuniki.

1 João 3:16

Nũ nui kayabi haya nũ tapĩtirurã, haska Jesus Cristo nukuwẽ dabanã hawẽ hiwea nuku inãni nũ xinãtirubuki. Haskawẽ taea nukubũri nukũ betsabu nũ hatu abukayabiai nũ hatu uĩmatirubuki.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 22:5

Hari hiweabu anu ana yame hayama inũ hanu hiweshũ nukũ Shanẽ Ibu Deus hatu hiwemakĩ hatu shabawashũkẽ habu habe shanẽ ibui heneama ipapakeshãkanikiki. Haskawẽ taea ana barĩ txasha inũ bĩmã txasha hayama ishãkanikiki.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.