2 Tesalonicenses 2:15 - Kaxinawá Bíblia (BR)

¹⁵ Haskawẽ taea ẽ betsabu inũ ẽ puibuũ, matu haska wakĩ katunikẽ nukũ yusĩa beya bena hari matũ mae anu kashũ ibubis nũ matu yusĩtanima inũ nukũ kenewẽ nũ matu yusĩainã, hakimama txibãkubaĩkãwẽ.

Kashinawa : Diosun Jesúswen taexun yuba bena yiniki

¹⁵ Jaskawen taea en betsabu inun en puibuun, matu jaska wakin katuniken nukun yusian beya bena jadi matun mae anu kaxun ibubis nun matu yusintanima inun nukun kenewen nun matu yusiainan, jakimama chibankubainkanwen.

2 Tesalonicenses 2:15 교차 참조

Romanos 16:17

Ẽ betsabu inũ ẽ puibuũ, haskaibu mã uĩnũbũ ẽ matu yunuaii. Yusĩnã betsabũ habũ matu parãkĩ nũ haska matu yusĩmis betsa wakĩ matu xinã betsamakĩ matu pashkatirubuki. Uĩrakãwẽ. Haska nũ matu yusĩa mã nĩkamis keskamakẽ hatu danãkĩ hatũ yusĩa ana nĩkama ana hatube itxayamakubaĩkãwẽ.

1 Coríntios 11:2

Ẽ matu yusĩtani habi txibaĩ mã txĩtuãmawẽ taeshũ benimakĩ ẽ matu kẽwaiĩ.

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

1 Coríntios 16:13

Kuxipai hawaki teama Jesus txibaĩ txĩtuãma hamapai txakabu danaĩ mestẽnepakubaĩkãwẽ, niti ikamarã.

Filipenses 4:1

Ẽ betsabu inũ ẽ puibuũ, ẽ matu abutxakayamai inũ, ẽ matuwẽ nuiai inũ, ẽ matuwẽ benimaiwẽ inũ, matuwẽ taeshũ Deusũ ea manakua ẽ bishanaiwẽ taea xinaĩ ẽ matu ana uĩ kakatsis itxakayamaii. Ẽ matu haska xinãyã txĩtuãma nukũ Shanẽ Ibu txibãpakekãwẽ.

2 Tesalonicenses 2:2

eska tashnishanaikiri bebũkiri nũ matu ana shabakabi yusĩainã. Tsuãra Yushĩ Pepatũ yuia keska xinãkĩ: “Nukũ Shanẽ Ibu Jesus ma huaki”, ikĩ matu paraĩbu inũ, yusĩa betsa tapĩtã: “Jesus hune ma huimakiaki”, ikaibu inũ, nukuki parana ẽ kene keska bushũ matu yuikĩ: “Paulo eska txanikiki, Jesus ma huimakiaki”, ikĩ mã haska tapiãma ibiaimakẽ matu parãkĩ yuiakeakeaibu nĩkatã e iki huĩti metesheketã matũ xinã hawaira maewai hatuwẽ dateyamashãkãwẽ.

2 Tesalonicenses 3:14

Ha inũ, nukũ hãtxa nũ matu bumai hatiribũ nĩkakĩ tapĩkatsi ikama hatũ txakabu unaĩ hau dakenũbũ ana hatube mapuyamakubaĩkãwẽ.

2 Tesalonicenses 3:6

Ẽ betsabu inũ ẽ puibuũ, nukũ Shanẽ Ibu Jesus Cristõ nuku yunumiswẽ taeshũ nũ maturi yunuai, nĩkakãwẽ. “Nukubetã Jesus ikũwãkatsi ibiai tsuara nũ yusĩaĩ txibãma inũ beya bena nũ matu yusĩma danãkĩ akabumarã, ana hatukiri xinãyamakubaĩkãwẽ”, hatu dakewakinã.

Tito 1:9

Haskamisbuwẽ taeshũ ikũwaĩ betsaburi merabewakĩ hatu benimawakĩ yusĩa pepawẽ hatu ikũwãmakĩ habũ hamakiri xinã txakaibu hatu merabewatirubuki. Hatu haska wakĩ Jesus Cristokiri txanima hãtxa nũ hatu yusĩmis ikũwãkĩ betsa tibi xinãma nukũ yusĩa hau txibãriakubainũbũwẽ.

Judas 1:3

Ẽ betsabu inũ ẽ puibuũ, matuwẽ nuikĩ haska Jesus Cristõ matu inũ ea nuku pashawakatsi hãtxanikiri matu keneshũkatsi ibiakĩ ha akama eskaibukiri hatu uĩkĩ habukiri xinãkĩ Deusũ kakape nũ matu Deusunabuwakĩ yusĩni habũ betsa wakĩ matu bika tenemakĩ inũ yura betsabu hau hatu parãyamarianũbũ mã hatu nemakubainũ haskakiri keneshũ ẽ matu bumai uĩrakãwẽ.