2 Reis 24:2 - Kaxinawá Bíblia (BR)

² haskashanaibukiri Deusũ tsumabu hawẽ hãtxa yuishunikabu hatu hãtxamakĩ haska washanai Senhor Deusũ bebũkiri hatu banabimaniwẽ taeshũ Judá enabũ mai pakea itxakawakĩ txakabuwakubainũbũ Caldéiau nawa yumetsubu inũ, Síria nawa yumetsubu inũ, Moabe nawa yumetsubu inũ, Amom nawa yumetsubu shanẽ ibuhaira Jeoaquim anu Senhor Deusũ hatu yunukubainaya

2 Reis 24:2 교차 참조

2 Reis 23:27

Senhor Deusũ yuikĩ: “Haska Samaria anushũ hatu yunuaibu Israelĩ enabũ nĩkakĩ ea txibãkubainabuma ẽ henebaini keska wakĩ Judá enaburi putakĩ ẽ hatu danãshanaii, ana hawa hatu nemashunamarã. Ha maewã Jerusalém ẽ katubiani ẽ danãshanaii, ana mekeamarã. Hawẽ kẽwãti hiwekiri: ‘Ẽ kena hayakũkaĩshanikiki’, akĩ ẽ yuibiani ha dikabi ẽ mebĩshanaii”, iwanã, yuinikiaki.

2 Reis 6:23

piti pepa inũ mabesh pepa itxapa aĩbuaibũ bawabu hatu inãkubaunabu, pikĩ mabesh akĩ keyuabu, Israelĩ enabu shanẽ ibuhairatũ unanuma hatu nitxiã, hatũ mae Síria nawa shanẽ ibuhaira anu txĩtũbainaibũ haska wakĩ Israelĩ enabu Síria nawabũ hatu date date atã hatũ mai pakea ibuwakubaĩmisbu hatu heneyubainibukiaki.

Jó 1:17

hawẽ hãtxa meneriama huni betsari hushũ Jó yuiriakĩ: —Caldéia nawabu shukua dabe inũ besti hawaira beshũ nuku detekĩ tenã keyukĩ mĩ camelo dasibi yumetsubaĩkãshuki. Ea besti hunei pashakirã ẽ mia yuiaii— aki

Isaías 7:17

Senhor Deusũ mia anu txakabuhaira hatiãra yunushanikiki, mĩ mae anu hiweabu inũ minabu mĩ hiwe hawẽrua anu hiweabu anu kaĩmakinã. Efraim inũ Judá mã pashkanitiã haska mã hiweisma txakabuhaira matu anu tashniai mã uĩshanaii. Na haska txanirã, Assíria shanẽ ibuhairatũ hatu ashanaikiri yuinikiaki.

Jeremias 26:20

Hamẽ betsarã maewã betsa Quiriate-Jearim anua yumeni Semaíasĩ huni bake Deusũ hãtxa yuishunika Urias Senhor Deusũ kena kushipawẽ na maewã inũ nukũ mai pakeakiri txakabu hatu yuiniki, haska Jeremiasĩ nuku yuiai keskarã.

Jeremias 26:6

haska Siló anushũ ẽ tari hiwe meribibiakẽ txakabuwakĩ ẽ yamawani keska wakĩ na Templo hiweri ẽ habiaskari washanaii. Mai hirabi anu nawa betsa betsapa shukuabu tibitũ hau ha uĩkĩ shinãpakeshanũbũ na maewã Jerusalémri txakabuwakĩ ẽ atimapa washanaii. Haska ẽ hãtxa ea hatu yuishũtãwẽ’, ea wa”,

Jeremias 52:28

Babilônia anu Nabucodonosor shanẽ ibuhairakũkaini ma 7 ano kaĩkĩ ha yurabu Judá enabu hatũ mai pakea anua hatu iyukĩ tananiburã, 3.023 yurabu inibukiaki.

Miquéias 3:12

Matubũ mã kanekubainaiwẽ taeshũ Mati Sião anu maewã Jerusalém berãkĩ keyuaibu betsai mishki besti hanus mania bai wanishũ ana akatsi heneyuimabu keska anu mananã hanu Deuski nukuti hiwe wanibu anu txaka besti benea hawama dakashanikiki.”

Habacuque 1:6

Ha Caldéia nawabu pubẽ tsakanamenikaburã, ẽ hatu beruwaii. Haburã, mai hirabi hatunamabia bukubaũkĩ hatu mebĩtã ibuwamisbuki.