2 Reis 23:13 - Kaxinawá Bíblia (BR)

¹³ Sidom nawabũ mekenika yushibu deus kayabima Astarote aĩbu dami kẽwãti hiwe inũ, Moabe nawabũ mekenika yushibu deus kayabima Quemos dami kẽwãti hiwe inũ, Amom nawabũ mekenika yushibu deus kayabima Milcom dami kẽwãti hiwe Judá enabũ habũ danãhairabiaibũ Jerusalém bari huaikiri Mati Masite sulkiri matxi buteauri anushũ hau hatu amanũbũ Israelĩ enabu shanẽ ibuhaira Salomãonẽ dayakapabu hatu yunua akea akenibu ha kẽwãti hiwe tibi hau yamawanũbũ Josiasĩ hatu yunua dera dera akĩ keyunibukiaki.

2 Reis 23:13 교차 참조

1 Reis 11:33

Salomão inũ hawẽ huni bakebũ ẽ hãtxa nĩkama danãkĩ ea henetã Sidom nawabu mekenika yushibu Astarote inũ Moabe nawabu mekenika yushibu Quemos inũ Amom nawa mekenika yushibu Milcom duawakĩ hatu kẽwãmisbuki. Haskakubainaibu uĩkĩ: Txakabukubaĩkanikiki, iwanã, ẽ hatukiri shinãmiski. Ha dikabi haska Davĩ ẽ hãtxa txibani keska wama ẽ yunuti hãtxa inũ ẽ nemati hãtxa txibãbumawẽ taeshũ ẽ hatu kupishanaii, 10 shukuabu mebĩkinã.

Isaías 44:19

Haska wabiakĩ hawa hawẽ shinãwẽ tapĩ pewama yuikĩ: “Ha hi sẽke namakis betsa tuash atã ẽ ketiã hi iki dekẽshũwẽ misi ẽ bawashuki. Ẽ nami shuishũ piriashuki. Hamẽ ha tuash betsa ẽ ha kuama bitã dami atimapa wakĩ kẽwãti yushĩ watã hi hamẽ ẽ kẽwaiĩ”, itirubuki.

Juízes 2:13

Senhor Deus ana shinãbuma yushibubu Baal inũ yunu itxapa inũ inabu bake itxapa bitiru mekenika yushĩ hawẽ kena Astarote kẽwaĩbuwẽ taea Israelĩ enabuki Senhor Deus sinatakĩ hatu dapi hiwea yumetsubu hatu yunukubainaya hatũ yunu inũ hatũ inabu hatu yumetsũkubainaibũ hatu haska wakĩ hatuki sinataibũ hatu itxakawaibu uĩbiakĩ hatu ana nemashunama Israelĩ enabũ haskatã hawawẽ hatu nematirubuma ikubainibukiaki.

1 Samuel 12:10

hakia txipu huĩti nishmashũ haska ma kaneshina Senhor Deus yuikĩ: “Mia danãkĩ mia henebaĩ yushibu Baal inũ Astarote kẽwãkubirani nũ txakabuhairaimaki. Nukuki sinataibu nuku nemashũwẽ, hau nuku ana yunuyamanũbunã. Mĩ nuku haska washuna mia besti duawakatsis ikĩ nũ mia yubaii”, akabu

1 Samuel 7:4

Samuelĩ hãtxa ikũwãkĩ nĩkatã hatũ yushibu Baal kẽwãti dami dasibi inũ yushibu betsa Astarote kẽwãti dami dasibi Israelĩ enabũ putakĩ keyutã hanushũ Senhor Deus besti kẽwãkĩ duawakubaĩkatsis ikĩ shinaĩbũ