2 Reis 2:19 - Kaxinawá Bíblia (BR)

¹⁹ Jericó anu hiweabũ Eliseu yuikĩ: —Haska na mae anu nũ hiwea mĩ uiainã, hiwea peki. Haskabia nukũ ũpash txatxa habai txakabuki. Ũpash txakabuwẽ taea nukũ yunu benebiai hawẽ bimi mawaira ismaki, mai txakabuwẽ taearã. Haska watã mĩ nuku merabewatirumẽ?— akabu,

2 Reis 2:19 교차 참조

1 Reis 16:34

Acabe shanẽ ibuaitiã huni betsa Betel anua kaini hawẽ kena Hielĩ maewã sheni Jericó ana benawanikiaki. Hielĩ mae kenebaunũ, iwanã, hatu mai pukĩmaya hawẽ huni bake iyua dukũ Abirão mawai taenikiaki. Txipu hawẽ mishki benibaũkĩ keyutã hawẽ henekĩ hawẽ hikiti shui beputi hatu netãmanũ, iwanã, Hielĩ hatu yunuaya habiatiãri hawẽ bake mashkuri Segube mawanikiaki, haska Numnẽ bake Josué Senhor Deusũ bebũkiri yupumakĩ yuimakĩ tsuãra Jericó bena waitianã, hatũ huni bake dabe mawashanikiki, ani txanima haskanikiaki. Hawẽ bakebu haskabiaya atimas Jericó bena wakĩ Hielĩ hatu keyumanikiaki.

1 Reis 18:13

Hamẽ betsarã, Senhor Deusũ hãtxa yuishunikabu hau hatu tenanũbũ hawẽ aĩ Jezabelĩ hatu yunukĩ taewaya 100 Senhor Deusũ hãtxa yuishunikabu hatu itxawashũ shuku dabe 50 tibi washũ hatu hunekĩ mai shui ewapa dabe anu hatu mistuimashũ misi inũ ũpash ẽ hatu pimakubaĩmis mĩ ekiri nĩkariamamẽ?

1 Reis 18:7

ma bai betsawẽ pashkabaini buaibũ Eliasri tashniriakirani Obadiaski nukuai Elias unãtã ha bebũ di itã beti ishũ yuikĩ: —Mĩ ẽ shanẽ ibu Eliasrã, habia mĩ miamẽ?— aka

2 Reis 2:18

Jericó anu Eliseu bashikushina anu txĩtũbirani haki nukuabu Eliseũ hatu yuikĩ: —Eanã, bebũkiri ẽ matu yuiama ishiãmẽ? mã buyamanũbunã— hatu wanikiaki.

2 Reis 2:20

Eliseũ hatu kemakĩ yuikĩ: —Kẽtxa benaki sal mata ea beshũkãwẽ— hatu wa, beshũ inãbu

Êxodo 15:23

atimas txatxa betsa Mara anu nukushũ ha txatxa ũpash meabu mukahairakẽ danãkĩ: “Haska nũ atirumaki”, ikaibũ

Êxodo 7:19

hawẽ betsã haska washanai Moisés besti Senhor Deusũ yuikĩ: —Arãonã, eska wamashãwẽ. Hawẽ mestẽti bitã Egito mai pakea hirabi hene anu hau himi daminũbũ hawẽ mestẽti tsumatã hene dasibi bemaki sanãbaũwẽ. Hatũ henewã inũ, hatũ iã dasibi inũ, hene beshuru ikai anu inũ, ũpash hanua biti mai pukĩkĩ kini wanibu inũ, hatũ ũpash haki manemisbu dasibi anu inũ, hanira Egito nawabu hiwebaunabu anu himi wamashãwẽ, hatũ hi kẽtxa inũ hatũ mishki shumu anurirã, akĩ Arão amashãwẽ— aka

Números 12:11

datehairakĩ Moisés yuikĩ: “Ẽ Shanẽ Ibuũ, ẽ nuitapai mia ea apa? Unaĩsmapai patapai nũ txakabushuwẽ taeshũ nuku kupiyamawe. Bakeishta kaĩriama ma debua txapui taei kaiã keska nukũ pui Miriã haska kupitã heneyamawe”, aka

1 Timóteo 5:17

Mekenikabukiri ana mia yuinũ nĩkawe. Moisés Deusũ hãtxa kenekĩ: “Mĩ hemaĩtĩ anushũ mĩ ina awã hawẽ taewẽ mĩ shekiwã pema pema akĩ mia shemeshunaya dispiwẽ sheneshyamakãwẽ, hau dabukũ pinunã”, iwanã, yununiki. Haska yuikinã: “Dayakapabu hau hatu pakakubainũbũwẽ”, ani keska wakĩ mekenikabu tibi habũ matu yusĩaĩburã, haratura bestitũ Deusũ hãtxa matu yusĩ henekatsi ikama matu yusĩkĩ matu merabewakubainaibuwẽ taeshũ matũri ha matũ mekenika duawakĩ peiwẽ kasmai hawarawẽ merabewakĩ hawẽ hawara inãkubaĩkãwẽ.

Josué 6:17

Ha mae meribiki. Ha inũ, ha merã mabu Senhor Deusunaki. Huni dabe nũ yunua merabewakĩ ha aĩbu hininipa dasibibũ memis Raabẽ hatu arukĩ huneshinawẽ taea Raabe inũ hawẽ hiwe meranuabu ha besti tenãma hiwemakãwẽ. Hanushũ betsabu dasibi tenãkãwẽ. Hakia hatũ mabu dasibi meribiki, Deusunarã. Mekĩ biãyamakãwẽ. Ha mabu meribiwẽ kemukĩ bikĩ mã ibu wakẽ Senhor Deus mã nukuki sinatamatiruki. Uĩrakãwẽ. Nukuki sinatakĩ nuku kupikĩ yuputiruki. Hakia hatũ prata inũ, hatũ ouro inũ, hatũ bronze mane mabu inũ, hatũ ferro mane mabu meribiki, dasibi Senhor Deusunarã. Itxawatã Senhor Deus nũ arushũshanaii”, hatu wa

Josué 6:26

Jericó hatu kuamakĩ keyutã yupu hãtxawẽ Josué hatu yuikĩ: “Uĩrakãwẽ. Na maewã Jericó haratura shanẽ ibũ ana mae bena wakĩ beniai Senhor Deusũ yupushanikiki. Mishki kenebaũkĩ taewaya kupikĩ hawẽ huni bake iyua tenãshanikiki. Hanu hikiti shui bebuti waya hawẽ huni bake hawẽ henea tenãriashanikiki”, akĩ nemakĩ hatu unãmanikiaki.