2 Reis 19:8 - Kaxinawá Bíblia (BR)

⁸ Laquis mae anua Assíria nawa shanẽ ibuhaira ma kaĩkaĩshina hawẽ shanẽ ibu beshmasbũ bana nĩkatã Jerusalém anua Assíria detenamenika shanẽ ibu Rabsaqué haki nukui kai maewã betsa Libna atxinũ ika hawẽ detenamenika betsabube Assíria nawa shanẽ ibuhairatũ hatu yunukubainaiki nukuabu

2 Reis 19:8 교차 참조

2 Reis 18:14

haskaibuwẽ taeshũ Jerusalém anushũ Judá enabu shanẽ ibuhaira Ezequiasĩ hawẽ hãtxa keneshũ bumakĩ: “Ẽ kaneniki. Hawara mĩ ea yukai ẽ mia pakashanaii, ẽ mai anua mia inũ mĩ detenamenikabu mã kanunã”, atã keneshũtã huni betsa bumakĩ yunua mae betsa Laquis anu Assíria nawa shanẽ ibuhaira anu hawẽ kene bushũ inã bishũ uĩtã kemakĩ hati hau pakanũ 300 talento prata mane, ha 10.000 quilo pratara, inũ 30 talento ouro mane, ha 1.000 quilorã, Assíria nawa shanẽ ibuhairatũ Ezequias hãtxa kushipawẽ yunua

2 Reis 19:9

Assíria detenamenikabu maemanũ ika Egito nawabu merabewai Etiópia nawa shanẽ ibuhaira Tiraca hawẽ detenamenikabu itxapabube beaibukiri Libna anushũ Assíria nawa shanẽ ibuhairatũ nĩkatã hatu nemai kariama Judá enabu shanẽ ibuhaira Ezequias anu hau hawẽ hãtxa bushũtanũbũ hawẽ hãtxa yuishunikabu yunukatsi

Miquéias 1:13

Laquis anu hiweabuũ, maturã, Israelĩ enabu Samaria anu hiwenibu keskakĩ Senhor Deusũ hãtxa danãkĩ yushibu dami hau kẽwanũbũ Sião anu hiweabu mã hatu txakabuwakĩ taewaniwẽ taeshũ pashanũ, iwanã, cavalo hawaira kaĩti hawẽ tarãbaĩti itxapaki neshakĩ keyushãkãwẽ.