1 Tesalonicenses 5:27 - Kaxinawá Bíblia (BR)

²⁷ Haskakẽ nukũ Shanẽ Ibũ ea kuxipa waniwẽ taeshũ matu yununũ ikũwaĩbu dasibibu itxati tibi anushũ na kene ẽ matu bumakĩ yunuai shabakabi hatu yuishũkubaĩkãwẽ.

Kashinawa : Diosun Jesúswen taexun yuba bena yiniki

²⁷ Jaskaken nukun Xanen Ibun ea kushipa waniwen taexun matu yununun ikunwainbu dasibibu ichati tibi anuxun na kene en matu bumakin yunuai xabakabi jatu yuixunkubainkanwen.

1 Tesalonicenses 5:27 교차 참조

1 Reis 22:16

hakia shanẽ ibuhaira Acabẽ kemakĩ yuikĩ: —Ẽ miki txanibia mĩ ea yui pewaismaki. Senhor Deusũ hãtxa hawara mia yuiai besti ea yuiwe, natiã Senhor Deusũ kena kushipawẽ txanima hãtxa besti ea yuikinã, ẽ nĩkakatsis ikairã— aka

Números 27:23

haska Senhor Deusũ Moisés yunua akĩ Josué bushkaki hawẽ mekẽ mamepishũ hawẽ kushipahaira inãkĩ Israelĩ enabu shanẽ ibuhaira wakĩ Moisĩ Josué hatu katushunikiaki.

Mateus 26:63

Jesus pes hawa yuiama nikẽ Deusbe nukunabu hãtxashunika shanẽ ibuhairatũ ana yuikĩ: —Deus hiweatũ mia nĩkaya hau mĩ txanitxakayamanũ ẽ mia yunuai, ikũ nuku yuiwe. Habia mĩ miamẽ ikairã, mĩ Deusũ bake nukũ mekenã Messias Cristorã?— aka

Marcos 5:7

Jesusũ yuikĩ: —Yushĩ txakabuũ, ha huni anua kaĩwẽ— atã yukakĩ: —Harakiri mĩ kena ikai?— aka yuikĩ: —Ẽ kenarã, “Itxapahaira Ẽ Hayaki”, ẽ yushĩ mirimayarã— iwanã, bis ikĩ hãtxa kuxipawẽ yuikĩ: —Jesusuũ, mĩ Deus kuxipahairatũ bakerã, ẽ unaiĩ. Deusũ nuku uĩayã nukurã, kupikĩ nuku nuitapawayamawe!— itã bis ikĩ

Hechos 1:15

Ha shaba tibi haskakubaĩkĩ shaba betsatiã 120 ikũwaĩbu hatube itxa maniabu Pedrõ hatu yuinũ ika benitã hatu yuikĩ:

Hechos 19:13

hanushũ judeubu betsabũ pei binũ ishũ bai namakishũ Deusũ hãtxa kenenibuwẽ yushĩ txakabu kaĩmakubaĩmisbu Paulõ akai keskari wanũ, iwanã, Shanẽ Ibu Jesusũ kena kuxipawẽ yushĩ txakabu yunukĩ: “Jesusũ kena kuxipawẽ Paulõ amis keskari wakĩ ẽ matu yunuai kaĩrikãwẽ!” hatu wakubainaibũ

Colosenses 4:16

Na kene ẽ matu bumai uĩkĩ yuikĩ keyutã hanushũ Laodicéia anu itxamisburi hatu yunushãkãwẽ. Hanua kene betsa Laodicéia anu ẽ haturi bumai uĩtã maturi bemaibu matuna uĩaĩbũ hatunari uĩshãkãwẽ.

1 Tesalonicenses 2:11

Nũ matu eska wani mã unãriaii. Bestibu tibi matu benimawakĩ nũ matu pewakubainirã, haska epabũ hatũ bakebũ txakabuwai nemamis keska wakĩ mã Deus hiweshũkĩ haska abuai keska maturi mã inũbũ nũ matu yunua matũ txakabu unãtã mã henekubainimaki. Haska Deusũ hawẽ mae kayabi pepa anu matu hiwemakatsi ikai ma bebũkiri matu kenani haskakiri nũ matu merabewakubainimaki.

2 Tesalonicenses 3:14

Ha inũ, nukũ hãtxa nũ matu bumai hatiribũ nĩkakĩ tapĩkatsi ikama hatũ txakabu unaĩ hau dakenũbũ ana hatube mapuyamakubaĩkãwẽ.

1 Timóteo 1:18

Timóteoõ, ebetã Jesus Cristo dayashuni mĩ ẽ bake keskaki. Ea nĩkawe. Jesus Cristo ikũwaĩ haki dakeama txakabu nemakĩ txanima hãtxa mĩ hatu yusĩpakẽnũ Deusũ hatu yunua Jesus Cristo ikũwaĩbu yusĩnã mekenikabũ mia katunibuki. Habiaskari xinãkĩ eãri ẽ mia yunuaii, mĩ kaneama ishanai unaĩnã. Hakia yura betsabu hatiritũ Jesus Cristo ikũwãkĩ taewabianishũ txakabu metã ma txĩtuãbuki, hanushũ kupishanai anu buirã.

1 Timóteo 1:3

Macedônia mai pakea anu kakĩ Éfeso anushũ mĩ hatu pewakĩ mĩ hatu merabewayunũ ẽ mia baxibiranima keska habias ẽ mia ana yunuaii. Tsuabũra ha hatũ yusĩnãbũ hatũ xinã meribis hau hatu yusĩtxakayamanũbũ hatu nemakĩ pewawe.

1 Timóteo 5:21

Natianã, Deus inũ nukũ Shanẽ Ibu Jesus Cristo inũ hawẽ nai tsuma katuabũ habũ ea nĩkaibũ ẽ mia yunu kayabiai ea nĩkawe. Mĩ haibuaibu kasmai yura betsabu tsuãra hamapai mekĩ txakabu waxinamẽkaĩ, txakabu wamamẽkaĩ, bebũkiri txakabu xinãma dasibibu habias ma miki txaniaibũ besti unãti watã hatu pe wakubaĩwẽ.

1 Timóteo 5:7

Haskakẽ hau ikũwãbumã hatukiri txakabu yuiyamanũbũ ikũwaĩbu yusĩkĩ hau hatunabu merabewakubainũbũ hatu yunukubaĩwẽ, hatu xinãmakinã.

1 Timóteo 6:13

Deusũ dasibi damiwakĩ hiwea hatu inãkĩ keyumis inũ nukũ Shanẽ Ibu Jesus Cristõ haska shabakabi huni dateama Romano shanẽ ibu Pôncio Pilatoski txanikĩ ma yuinitũ natiã nuku uĩaĩbũ mia merabewakĩ ẽ mia yunuaii.

1 Timóteo 6:17

Tsuãra ikũwaĩ hawẽ pei inũ hawẽ mabu itxapa hayabũ xinaĩ: “Natiã ẽ mabu ẽ hayawẽ ẽ hawẽ hiwei peaki”, ikĩ hau ana haskakiri xinaĩ hawẽ kẽyamanũbũ hatu yuiwe. Ha haskakiri xinãmisburã, hatũ mabu txapumiswẽ hatu mestẽwãtã hiwematirumaki. Haskakẽ uatiã imisbu haska xinãma hakia natianã, Deusũ nuku benimawakĩ hatũ hamapai betsa betsapa yauxiama nuku inãkubaĩmis haska besti bi hau hiwekubainũbũwẽ.

2 Timóteo 4:1

Epa Deus inũ Jesus Cristo ha shanẽ ibuhairai hawẽ kuxipawẽ hushũ mawabu inũ hiweabu unãti washanaitũ nuku shabakabi uĩaĩbũ ẽ mia yunutxakayamai ea nĩkairawe.

Hebreus 3:1

Nuku haska wakubainaiwẽ taea ẽ betsabu inũ ẽ puibuũ, nũ ikũwãshanũbũ Deusũ nuku kenakĩ katuniwẽ taea nũ hawenabuki. Haskakẽ Deusũ hawẽ bake hawẽ kuxipaya yununika wakĩ ha Deusbe nuku hãtxashunika Shanẽ Ibu Jesus Cristo dasibi betsabu hatu binunirã, ha besti xinãkubaĩkãwẽ.