1 Tesalonicenses 5:12 - Kaxinawá Bíblia (BR)

^12-13 Ẽ betsabu inũ ẽ puibuũ, matu merabewanikabũ matu merabewakĩ nukũ Shanẽ Ibũ daya akĩ haska mã kaneaibu matu pewakĩ yusĩaĩbu hatukiri petxiama hatu xinãkĩ abukĩ duawariakubaĩkãwẽ, hatũ daya pepawẽ taeshunã. Ha inũ, matubetã ikũwaĩbube unãnuma hiwekubaĩkãwẽ.

Kashinawa : Diosun Jesúswen taexun yuba bena yiniki

^12-13 En betsabu inun en puibuun, matu medabewanikabun matu medabewakin nukun Xanen Ibun daya akin jaska man kaneaibu matu pewakin yusiainbu jatukidi pechiama jatu shinankin bechipaikin duawadiakubainkanwen, jatun daya pepawen taexunan. Ja inun, matubetan ikunwainbube unanuma jiwekubainkanwen.

1 Tesalonicenses 5:12 교차 참조

Lucas 10:7

Ha inũ, hanira mae anushũ matu beya waibu anu hanu hiweyushãkãwẽ. Dayakapabu pakamisbu keska wakĩ matu pimakĩ mabesh amakĩ hawara matu inãbu habianushũri piyushãkãwẽ, hiwe betsa tibi anua piti benabaunamarã.

João 4:38

Haska inũ, haniara dayakĩ Deusũ hãtxa banaimabu ikũwaĩbu mã itxawa bestinũbũ ẽ matu yunushanaii. Haska inũ, betsabu dayai taeimabũ natiãri matũri hawa bika teneama itxawa bestikĩ mã keyushanaii, hatube benimakinã— nuku waya

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Hechos 20:35

Haska inũ, nukũ Shanẽ Ibu Jesusũ nuku yusĩkĩ yuikĩ: “Tsuara nuitapakĩ hawara bi benimamisbuki. Hakia tsuãra nuitapaibu merabewakĩ inaĩ benimatxakayamamisbuki”, hatu wani xinaĩ: “Txikixama dayakĩ nuitapaibu merabewakubaĩshãkãwẽ”, akĩ ẽ matu yusĩkũbaĩmiski— iwanã,

Romanos 16:12

Ha inũ, ha aĩbu dabetã nukũ Shanẽ Ibu dayashũkubaĩmisbu Trifena inũ Trifosari ẽ hãtxari ea hatu yuishũshãkãwẽ. Ha inũ, aĩbu betsa nukũ haibuhaira Pérsidẽ nukũ Shanẽ Ibu dayashũkũkaĩmis ea yuishũriashãkãwẽ.

Romanos 16:6

Ha inũ, Mariã matu dayahairashũkũkainairi ẽ hãtxa ea yuishũriashãkãwẽ.

1 Coríntios 12:28

Haska tibi nũ hayanũbũ Deusũ haska abukĩ hawẽ daya tibi nuku yunukĩ ha dukũ Jesusũ kuxipayabu wakĩ ha katxu Deusũ hãtxa kakape yuishunikabu wakĩ ha katxu yusĩkĩ tapĩmanikabu wakĩ hanua ikũwaĩ betsabu habũ tsuã atiruma dami wanikabu inũ, habũ isĩ teneaibu shushawanikabu inũ, habũ merabewanikabu inũ, shanẽ ibu keska wakĩ yununikabu wakĩ hanushũ hãtxa betsa tapĩriamawẽ hãtxatirubu wakĩ haska tibi nuku yunuakeakeniki.

1 Coríntios 15:10

Earã, txanima ẽ hawẽ tsuma kuxipaya betsaki. Haska ea wakatsi Deusũ ea duawakĩ ea katunishũ hamẽ ea katuama hawẽ daya akĩ Jesusũ kuxipaya betsa dasibibu ẽ hatu binumakubainaii. Hakia emebi dayama Deusũ ea duawakĩ ea merabewaya ẽ dayashũkũkainaii.

1 Coríntios 16:16

Habu keska nĩkakĩ ikũwaĩbu betsabũ nukũ Shanẽ Ibu Jesuskiri kakape dayamisbu hatu nĩkariakĩ dasibi hatu merabewakubaĩkãwẽ.

1 Coríntios 16:18

Habũ mã ea ashũtiru keska wakĩ ea anu bexĩshũ ẽ huĩti xinã txãkãwãkĩ ea benimawakanikiki. Ikũwaĩ betsabu haska keskabu duawariakubaĩshãkãwẽ.

2 Coríntios 11:23

Ha inũ, habũ yuikĩ: “Nũ Cristõ tsumabuki”, iki Cristo dayashunaiburã, ẽ iriakũkainaii, Cristo dayashũkĩ hatũ daya binumahairairã. Mã eki hãtxai mã ea tatimawabianũ eã ẽ hatu binumiski. Ha inũ, Deusũ kakape ẽ yusĩayã itxapaki ea bitximisbuwẽ eã ẽ hatu binuhairaki. Ha inũ, hatikira ea kuxanibu tsuabũra tanatirubumawẽ taeshũ ẽ hatu binuhairaki. Ha inũ, ẽ mawakeãkũkainiwẽ ẽ hatu binuhairariaki. Ẽ haska tibi memis ẽ matuki txaniairã, earã, ẽ tatimamẽ? Ẽ tatimamaki.

2 Coríntios 5:9

Ha inũ, dasibi nukuburã, nũ hamakiri kama nukũ Shanẽ Ibuhaira Cristo hanu tsaushũ unãti wamis anu haki nukutã nuku tibibũ habis nũ beisshãkanaii. Nuku tibi unãkĩ Cristõ nuku manakuakeakeshanikiki, na yurawẽ hiweshũ nũ pepa amis inũ nũ txakabu amis unãtã nuku tibi kupikinã. Haskakẽ na mai anu nũ habe hiweriama kasmai nũ habe hiwei kashanairã, nukũ yurawẽ nukũ Shanẽ Ibu nũ benimawakatsi ikaii.

2 Coríntios 6:1

Ha dikabi yura tibi Deusũ yuikĩ: “Ẽ tsuara nĩkakatsis ikaya mĩ ea kenaya mĩ hãtxa nĩkatã ha shaba ikaitiã ẽ mia mekekĩ merabewashanaii”, ikaya nĩkatã Isaíasĩ keneniki. Haska shabakabi ẽ matu xinãmai nĩkakãwẽ. Natianã, Deusũ matu nĩkakatsis ikikiki. Ha inũ, natiã matu mekekatsis iriaikiki. Haskakẽ mã Deusbe dayakĩ ashũmis matu yununũ nĩkakãwẽ. Hamẽmẽs Deusbe haibunamei beparameama ikũ kayabi Deusũ hawẽ pepa ma matu uĩmaki. Danãyamakãwẽ. Haskawẽ taea nukurã, nũ Deusũ daya ashũkĩ merabewai dayashunikabuki.

Gálatas 4:11

Mã haskawẽ taea hamẽ dayakĩ ẽ matu merabewama ikimamẽkaĩ? ika ẽ dateaii.

Filipenses 2:16

matubunã, Deusũ kakape hiweakiri hãtxa hatu unãmakubaĩkãwẽ. Mã haskaya ea ẽ matu anu hamẽ dayai kama iniwẽ taea ea matuwẽ keĩ ẽ tse iki ẽ benimashanaii, hanu Cristo ana huaitianã.

Filipenses 2:19

Nukũ Shanẽ Ibũ haska xinãyã matu anu Timóteo yunukatsi haska ẽ xinaiĩ, hau matu nĩkatãkĩ matũ kaka beshũ ea benimawayushanunã.

Colosenses 1:29

Na haska matukiri dayairã, Cristõ hawẽ kuxipa ea inãni ẽ hawẽ dayatxakayamashũmiski.

1 Tesalonicenses 2:9

Ẽ betsabu inũ ẽ puibuũ, Deusũ kakape matu yusĩ kashũ matũ piti pikĩ matu bika wakĩ nũ matu txikix wakatsi ikama bariri inũ mexu merã dayahairai yumãkĩ nukũ dayawẽ taeshũ nukũ piti nũ bikubainima mã unaiĩ.

1 Tesalonicenses 4:1

Ẽ betsabu inũ ẽ puibuũ, Jesusũ nuku yununi hawẽ yusĩa nũ matu yusĩtanima mã unaĩwẽ taeshũ kenewẽri nũ ana matu keneshunai uĩrakãwẽ. Haska bari tibi Deus mã benimawatiru nũ matu yusĩkubainima mã akai keska wakĩ ana habiasri heneama akubaĩshãkãwẽ, iwanã, nũ matu ana yunuaii.

1 Tesalonicenses 5:14

Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.

1 Timóteo 5:1

Kaneaibu pewakĩ hatu ha ayamakubaĩwẽ. Hakia anibũ kaneaya mĩ epa keska wakĩ hatu merabewakĩ hãtxa kuxipawẽ hatu bekũyã akama hatu pewẽ xinãmakubaĩwẽ. Berunã inũ huni ewã kaneaya mĩ betsabu keska wakĩ merabewakĩ hatu pewakubaĩwẽ.

1 Timóteo 5:20

Hanushũ txakabu wakubainaibu pewanũ itã Deuski hatu datemakĩ dasibiburi hau daterianũbũ itxashũ nĩkaibũ pewakĩ hatu mesewakĩ shabakabi nemakubaĩwẽ.

2 Timóteo 2:6

Ha inũ, huni betsã yunu banaima hawẽ dayashunikã mekeshũmiswẽ taeshũ hanu tsekatitiã bai ibuã tsekakĩ hawena dukũ biama ha dayashũmis pashkashũkĩ hawena dukũ inãtiki.

Tito 1:3

Natiã hanu ma menekĩ hanu ati wani anu hawẽ bakekiri kakape nũ unãshanũbũ nukũ Epa Deus mekenãtũ nuku unãmani haska wanishũ eki txiti ikaya hawẽ yunuawẽ hawẽ hãtxa ẽ hatu tapĩmakubainaii.

Tito 1:5

Natukã Creta anua nũ dayai taeima anushũ hatu merabewakĩ pewakĩ mae tibi anushũ ikũwaĩbu mekenikabu wakĩ mĩ hatu katunũ haska xinãkĩ mia yunutã ẽ mia henebiranimaki.

Tito 2:15

Hatu yusĩkinã, kuxipai mestenepatã na hãtxa ẽ mia yusĩaĩwẽ hatu benimawakĩ nemakĩ hatu pewakubaĩwẽ, hau tsuã mia danãkĩ itxakawayamanunã.

Hebreus 13:17

Ha inũ, matu yusĩkĩ mekekubainaibu hatũ yusĩa nĩkatã hatuki txiti ikĩ txibãkubaĩkãwẽ. Haska matu putama hawa huĩrukuãma mekekubaĩmisbu habiaskari Deusũ unãkĩ hatu manakumiski. Ha inũ, hatũ daya itimaska wama nĩkahairakĩ mã hatu benimawakubaĩtirubuki. Hakia nĩkama mã hatu itimaska wakĩ mã hawa tapĩkĩ pewai kaĩtirubumaki.

Hebreus 13:7

Haska inũ, Deusũ hãtxa Cristokiri habũ matu yusĩkĩ matu pe mekekubaĩkĩ matu xinã betsa wamanibuki. Haskawẽ taeshũ habũ Deus ikũwãkĩ txibãkubainibu haska hatũ hiwea pepa akĩ henebainibu xinãkĩ matũri ikũwãriai habiaskariai hiweriakubaĩkãwẽ.

Apocalipse 1:20

Ha hawara hunea mĩ uĩshu shabakabi mia yusĩnũ nĩkawe. Ha sete bixi ẽ mekẽ yusiuri ẽ tsuma mĩ uĩshurã, ha sete mae itxamisbu tibitũ merabenã Deus yuishunikaki. Ha dikabi haki bĩ tsaũti sete ouro mane txãka daka mĩ uĩshurã, ha sete mae ikũwaĩbu itxamisbuki”, iwanã,

Apocalipse 2:12

Ana Jesusũ ẽ João ea yuikĩ: “Hatũ Deusũ hãtxa yuinika Pérgamo anu itxamisbu mekea na hãtxa ẽ mia yuiai keneshũriwe: ‘Ẽ mane nupe txaipahaira kenu dabeya hayatũ ẽ matu yuiai nĩkakãwẽ.

Apocalipse 2:18

Ana Jesusũ ea yuikĩ: “Hatũ Deusũ hãtxa yuinika Tiatira anu itxamisbu mekea na hãtxa ẽ mia yuiai keneshũriwe: ‘Ẽ Deusũ bakẽ, na ẽ beru txi here txasha keska inũ na ẽ tae mane taxipa betsa hawẽ kena latão reluzente dẽke dẽke aka txashahaira keskayatũ ẽ matu yuiai nĩkakãwẽ.

Apocalipse 2:3

ẽ hãtxa heneama ea duawanũ ika ewẽ taea nuitapabiai punu nukai txĩtuãma mã txibãkubainai ẽ matu unaiĩ.

Apocalipse 2:8

Ana Jesusũ ea yuikĩ: “Ha hatũ Deusũ hãtxa yuinika Esmirna anu itxamisbu mekea anu na hãtxa ẽ mia yuiai keneshũriwe: ‘Earã, ea dukũ ẽ hiweni inũ ẽ hawẽ henea debesekeaki. Mawabiatã ẽ ana bestẽni ẽ hiweatũ ẽ matu yuiai nĩkakãwẽ.

Apocalipse 3:1

Ana Jesusũ ea yuikĩ: “Hatũ Deusũ hãtxa yuinika Sardes anu itxamisbu mekea na hãtxa ẽ mia yuiai keneshũriwe: ‘Ha sete Deusũ Yushĩ ẽ haya inũ ha sete bixi ẽ tsumashũ ẽ mekeatũ ẽ matu yuiai nĩkakãwẽ. Haska mã hiweshũ hatu kaka hawẽrua nĩkamabiai uke merã mã mawa keskabu ẽ matu unaiĩ.

Apocalipse 3:14

Ana Jesusũ ẽ João ea yuikĩ: “Hatũ Deusũ hãtxa dayashunika Laodicéia anu itxamisbu mekea na hãtxa ẽ mia yuiai keneshũriwe. ‘Dasibi Deusũ hakiri yuiai ẽ Habiaskaki, imistũ mai hirabi inũ nai hirabi damiwakĩ ewẽ Deusũ ani txanima hãtxa besti txani ẽ kaneismatũ ẽ matu yuiai nĩkakãwẽ.

Apocalipse 3:7

Ana Jesusũ ea yuikĩ: “Hatũ Deusũ hãtxa yuinika Filadélfia anu itxamisbu mekea na hãtxa ẽ mia yuiai keneshũriwe: ‘Ea ẽ meribi inũ ẽ txanimahaira Davi kuxipa ini keska binua hawẽ bepẽti chave ẽ hayaki. Tsuãra ha mae bepeã tsuã beputiruma inũ ha mae bepua tsuã bepẽtirumaki. Haska mekeatũ ẽ matu yuiaii.