1 Tesalonicenses 4:13 - Kaxinawá Bíblia (BR)

¹³ Ẽ betsabu inũ ẽ puibuũ, Jesus ikũwaĩ betsa mawaya mã punu nukayamashanũbũ matu yusĩnũ ea nĩkakãwẽ. Jesus ikũwaĩ mawai habũ Jesus ikũwãma keskabumaki. Haskawẽ taea kashai bis itxakayamai: “Ana hiweamaki”, iwanã, xinãkĩ yuiyamakubaĩkãwẽ.

Kashinawa : Diosun Jesúswen taexun yuba bena yiniki

¹³ En betsabu inun en puibuun, Jesús ikunwain betsa mawaya man punu nukayamaxanunbun matu yusinun ea ninkakanwen. Jesús ikunwain mawai jabun Jesús ikunwanma keskabumaki. Jaskawen taea kaxai bis ichakayamai: “Ana jiweamaki”, iwanan, shinankin yuiyamakubainkanwen.

1 Tesalonicenses 4:13 교차 참조

Gênesis 37:35

hawẽ huni bakebu dasibi inũ hawẽ aĩbu bakebu dasibitũ nesewapaiabu hatu nĩkama yuikĩ: —Ea nemakĩ nesewayamakãwẽ. Ẽ bake Joséwẽ nui saĩ isi ẽ haki nukui mawariairã— ika kasha heneyuama inikiaki.

2 Samuel 18:33

hawẽ bake ma mawa unãtã huĩti meteshekei nishmahairatã mae hikiti shui mamaki dĩtu betsa manaũri anua kashanũ ika kai tapaitiwẽ inakaĩkĩ yuikĩ: —Ẽ bake Absalãonẽ! Ẽ bake Absalãonẽ! Mĩ shãtukũ ea ẽ mia mawashũpanã mĩ mia mawashuki. Ẽ bake Absalãonẽ! Ẽ bake Absalãonẽ!— ikũkaini dĩtu merã hikia kasha txakayamaya

1 Reis 1:21

Mĩ hawa katuama Adonias shanẽ ibukũkaĩkĩ mĩ mawakẽ mĩ bake Salomão inũ ea tenãtiruki— iki

1 Reis 2:10

Davi hatũ shenipabu anu itxai kai unanuma mawa Jerusalém anu hanu ha dukũ mishkiwẽ hatu kenemabaunibu anu hawẽ kena bena wakĩ: “Davĩ Maeki”, anibu anu hawẽ yura maiwanibukiaki.

Jó 1:21

yuikĩ: —Tariuma ẽ kaini inũ ẽ mawa tariuma ẽ kaĩkaĩshanaii. Dasibi Senhor Deusũ ha ea inãkubaĩshina Senhor Deusũ ana dasibi ea mebĩshuki. Hakia Senhor Deus kẽwãkĩ ẽ pepa wabestikubaĩshanaii— itã

Provérbios 14:32

Huni txakabu hatũ txakabuwẽ txakabuwai di imisbuki. Hakia huni pepabu duapakubaini hawẽ pepawẽ hawa dateama unanuma mawatirubuki.

Mateus 27:52

hanua hanu maiwati tãpe shabakabiaya habũ Deus ikũwaĩ mawanibu Deusũ hatu bestẽwã

João 11:24

hanushũ Martã yuikĩ: —Txanima habiaskaki. Bari hawẽ heneaitiã mawabu Deusũ yura dasibi bestẽwãshanaitiã ana hiweshanai ẽ unãnaiĩ— ikaya

Hechos 13:36

txanima Deusũ Davi yunua shanẽ ibukĩ hawenabu merabewakubaini atimas mawa maiwabu hawẽ shenipabuki nukutã hawẽ yura beniama txapuni natiã mã unaiĩ.

Hechos 7:60

hanua dãti ika dakashũ bis ikĩ hui kuxipawẽ ana yuikĩ: —Shanẽ Ibuũ, na ea txakabuwaibuwẽ taeshũ hatu kupiyamashãwẽ— atã di iki mawanikiaki.

Hechos 8:2

Hanua tsuabura huni duapabu Estêvãowẽ nui haya kashabetanã maiwanibukiaki.

Romanos 1:13

Ẽ betsabu inũ ẽ puibuũ, haska judeubuma mae betsa betsapa anu hiweabu ẽ hatu yusĩmis keska wakĩ matukiriri xinaĩ mã Roma anushũ Jesus ikũwaĩbu ana matu ikũhairawamakĩ inũ betsabũ ikũwãriabuma Jesus hatu ikũwãmanũ ika mã Roma anu hiweabu ẽ matu yusĩ kakatsis ikaii. Matu uĩnũ ika ẽ yubakabiakũkainaya hamapai betsa betsapatũ ea teawa matu anu ẽ kariamaki.

1 Coríntios 10:1

Ẽ betsabu inũ ẽ puibuũ, judeubũ shenipabukiri haska Deusũ hatu wani mã hakimayamashanũbũ matu xinãmanũ nĩkakãwẽ. Egito anua kaĩbainaibũ Deusũ ẽ shenipabu iyukĩ txi kuĩ puei maya kai anu butukaini hatube kai Iãnewã Taxipa nuahairabiakẽ hawẽ kuxipawẽ hene pashkakĩ bai watã dasibi hatu pukemanikiaki.

1 Coríntios 12:1

Ẽ betsabu inũ ẽ puibuũ, haska Deusũ Yushĩ Pepatũ matu tibiki hikitã hawẽ aka kuxipa tibi matu amamiskiri hau mã tapĩ pewanũbũ matu yuinũ nĩkakãwẽ.

1 Coríntios 15:6

Hanuari hawẽ betsa Tiago hakiri nukutã Jesusũ kuxipaya betsaburi habukiri nukutã hatu uĩmaxĩkẽ hanua habũ txibãkĩ ikũwãmisbu mirimahaira 500 binuabutikiri Jesus hatuki nukutã uĩmarianikiaki. Hatiri ma debua inũ itxapa hiweriayuabuki.

2 Coríntios 1:8

Ẽ betsabu inũ ẽ puibuũ, eska Ásia mae pakea namakis anushũ nũ hatu yusĩaĩwẽ taeshũ haska bikahaira nuku hiwemaibu nũ tenekubaĩyama matuki ana txaninũ nĩkakãwẽ. Hawara bika nukũmebi haska nũ tenetiruma inũ nũ binutiruma hamapai txakabu tibi tenei nukũ hiwea ma benua keska

Efésios 2:12

Uatiã matu hiwearã, Cristouma inũ, Israelbube danãnanaĩ inũ, hawa Deusũ hatu yubakĩ matu yubama iniki. Haska mã hiwea iyuniki, xinãkãwẽ. Haskawẽ taea Deus unãma inũ hawa manakati pepa hayama na mai anu mã hiwepauniki.

Efésios 2:3

Haskawẽ taea uatiã nukubu nũ hiwea habiaskasri nũ iyunibuki, nukũ xinãnẽ txakabu abukĩ txibaĩ hiwea kemu pae tibi nukũ yurã yunuai xinaĩ ha ashũkĩ meneirã. Haskawẽ taea hawẽ nuiti nukukiri nũ hayamakẽ txanima Deusũ nuku kupitiru nũ inibuki, betsabũ ikũwãma ikaibu keskairã.

1 Tesalonicenses 4:14

Hakia nukurã, nũ ana haskakiri xinãmaki. Jesus mawa Deusũ ana bestẽwani nũ ikũwaiĩ. Haska wani ikũwaĩ nukuri nũ mawa Jesus bestẽwani keska watã ha huaitiãri Deusũ nukuri bestẽwãtã Jesusbe nuku iyushanai nũ unaiĩ.

1 Tesalonicenses 4:15

Na eska matu yuikĩ haska nukũ Shanẽ Ibũ nuku yusĩni matu yusĩnũ nĩkakãwẽ. Jesus ana huaya haki nukui nũ ikũwaĩ hiweabu nuku dukũ nũ bebuama ishanaii.

1 Tesalonicenses 5:6

Nũ haskawẽ taearã, yura betsabu hawa unãma ushamisbu keskama txikixyamakubainãkãwẽ. Hakia ibubis mekekĩ pe besti xinãkĩ haska Jesusũ mia abuai keskai txibãkĩ manakubaĩkãwẽ.

2 Pedro 3:4

yuka ikĩ: “Cristo yubakai: ‘Ẽ ana hushanaii’, ikainirã, hania? haska mã txanimisrã. Nukũ ibubũ nĩkabaini ma mawanibuki. Haskabia Deusũ mai bawani anu nũ hiwea habiaskas kaikiki”, ikĩ matu yukakubaĩshãkanikiki.

2 Pedro 3:8

Ẽ betsabu inũ ẽ puibuũ, eskakiriri ẽ matuwẽ nuiai xinãkubaĩkãwẽ. Shaba tanakĩ ano tanariai mã hawẽ dabanã ikũkaĩmiski. Hakia Jesus Cristõ haska xinaĩsmaki. Shaba bestitxai hawaira keyumis inũ 1.000 ano kabiaya nukũ Shanẽ Ibu hawẽ nuismaki. Ana hakimayamashãkãwẽ.