1 Samuel 22:2 - Kaxinawá Bíblia (BR)

² ha dikabi habũ hatu itxakawamisbu bika teneaibu inũ tsuara diria hatu pakatirubuma inũ Saul shanẽ ibuai betxipaiabuma Davi anu bua dasiabu 400 hunibu hatu pewai Davi hatũ capitão ikũkaini

1 Samuel 22:2 교차 참조

2 Samuel 17:8

Mĩ epa inũ hawẽ detenamenikabu mẽtsisipa pubẽhairabuki. Ursa yushã pubẽ hawẽ bakebu biãbainabu pubẽhairakĩ benai keskai sinatai mĩ epa mesehaira dakaki. Mĩ unaiĩ. Ha dikabi mĩ epa ma detenamei beyawẽ taea hawenabube ushama hakia tari benãta hunea ushakũkainikiki.

2 Samuel 5:2

Txanima Saul nukũ shanẽ ibubiakẽ miã Israel detenamenikabu mĩ hatu yunu pewakubaĩkĩ Filisteu nawabube mĩ hatu detenamemakubainimaki. Ha inũ, shanẽ ibukĩ Israelĩ enabu dasibi mĩ yunukubaĩshanũ katukĩ Senhor Deusũ mia yubanikiaki. Haskawẽ taea nukũ shanẽ ibu iriakũkaĩshãwẽ”, akeakeabu,

Provérbios 31:6

Ha shia paepa inũ vinho aki mawai inũ nuitapaiburã, hau habũ besti anũbũ nemayamashãwẽ.

Mateus 11:12

Naximanika João huriama matũ itxati hiwe tibi anushũ Moisés yusĩa inũ Deusũ hãtxa yuishunikabũ yusĩpauni matu yusĩ bestikubainimabuki. Hakia João hushũ Deus shanẽ ibushanaikiri bebũkiri hawẽ kaka pepa yusĩkubainaya huni pubenẽ detekatsis ikĩ Deus shanẽ ibushanai ewamamakĩ beshtenũ ika ikanikiki.

Mateus 11:28

Tsuabũra shãkama ia inũ dayatxakayamai keskai mã punu nukaburã, ẽ matu huĩrukũmakĩ merabewanũ eanu bekãwẽ.

Hebreus 2:10

Deusũ dasibi damiwakinã, hawena aniki, hawẽ kuxipawenã. Haska abuai keska dasibi hawẽ bakebu hawẽ kuxipayari hau habe hiweshanũbũ haska xinãkĩ Deusũ hawẽ bake Jesus Cristo nuitapawakĩ dasibi menemakĩ nukũ mekenika nuku washuniki.

1 Samuel 1:10

Eli dapi hua nia nui huĩti nishma punu nukahaira kashai heneama Senhor Deus yubakĩ yuikĩ: “Senhor Deus kushipahairatũ, earã, ẽ bakeuma mĩ dayaru ẽ nuitapahairaii. Ekiri shinãkĩ huni bake mĩ ea inãtiruki. Mĩ ea bimaiwẽ taeshũ hiwekũkaĩkĩ hau mia dayashũkĩ mia duawakubaĩshanũ ha ẽ bake meribi mina ẽ mia wamakatsis ikaii. Ẽ huni bake mĩ ea bimaima hawẽ unãti watirã, tsuã hawẽ bu meshteama ishanikiki”, aki

1 Samuel 22:3

hanua Moabe nawabũ maiwã pakea mae betsa Mispa anu kashũ Davĩ Moabe nawa shanẽ ibu yuikĩ: —Deusũ ea haska wai ẽ unãriama ẽ epa inũ ẽ ewa hau matube hiweyukubaĩshanũbũ ẽ mia yukaii. Haska mĩ shinaĩ keska ea yuiwe— aka shanẽ ibũ kemakĩ: —Peki. Hatu iweshãwẽ— aka nĩkabaini

1 Samuel 9:16

“Meshukiri habia bariri huni betsa Benjamimnẽ enabũ maiwã pakeanua hanu mianu betsa ẽ yunushanaii. Israelĩ enabu ẽ hatu ena wani hau habũ shanẽ ibu ikũkaĩshanũ ha huni ea katushũkĩ ea meribi washũshãwẽ. Filisteu nawabũ hatu itxakawaibu bika tenekĩ Israelĩ enabũ ea yukaibu hatuwẽ nuikĩ ẽ nĩkaiwẽ taeshũ ẽ hatu merabewaya Filisteu nawabu ha hunĩ maemakĩ ea hatu putamashũshanikiki”, aka Samuelĩ nĩkashinawẽ taeshũ