19 Shaba dabe inũ besti kaya mĩ hayamakẽ hanu ẽ epã mia benahairashanikiki, pepawẽ kasmai, txakabu shinãkinã. Haskakẽ ha mishki tũku mania dapi uatiã mĩ hanu huneimanu ana habianuri hunetã ea manatãshãwẽ.
Hau Davi tenanũbũ hawẽ bake Jônatas inũ hawẽ shanẽ ibu beshmasbu Saulũ hatu yunua hakia Jônatasã Davi betxipaihairaiwẽ taea
Davi anu kashũ hawẽ epã hãtxa banabimakĩ yuikĩ: —Ẽ epã mia tenãkatsis ikikiki. Haskakẽ meshukiri penama bai anu hune ka hari iruyutãshãwẽ.
Jônatasã Davi ana yuikĩ: —Meshukiri ushe benakẽ nũ besiaya hanu mĩ tsaumis anu mĩ hayamakẽ mikiri yuka ishãkanikiki.
Hari kashũ ha mishki tũku mania anuri mĩ hunea anu hanu tsua hayama keska anu 3 pia ẽ bishku bishku ashanaii.
ushashini penaya habiatiãri Davi yubashina keskai hawẽ tsuma berunãbe Jônatas bai anu kashũ
Davĩ kemakĩ yuikĩ: —Eska ẽ shinaiĩ. Meshukiri ushe bena tashniaitiã besikĩ mĩ epa shanẽ ibuhairabe tsaushũ ẽ pimiski. Hanu habetã nũ piaitiã ẽ hawẽ dateaii. Ua meshukiri bari kariama bai anu ẽ huneyukatsis ikai ea nemayamawe.
