1 Reis 9:7 - Kaxinawá Bíblia (BR)

⁷ na mai pakea matũ shenipabu ẽ ibu wamani anua Israelĩ enabu betsekĩ akawatã ẽ hatu putashanaii. Ha dikabi na kẽwãti hiwe ẽ pepa washina ẽ ana shinãkĩ mekeama ishanaii. Ha dikabi tsuabura hiwebaunabũ Israelĩ enabukiri shinaĩ kashekubaĩshãkanikiki.

1 Reis 9:7 교차 참조

1 Reis 9:3

ana habe hãtxakĩ yuikĩ: “Mĩ ebe hãtxakĩ ea kẽwaĩ inũ mĩ ea ea akai mĩ hãtxa ẽ nĩkayamaki. Ha kẽwãti hiwe mĩ ma akima anu ẽ kena ikũkaĩshanaiwẽ taeshũ meribi ena wakĩ ẽ ma pepa washinaki. Mekekĩ uĩ ẽ hanu ikũkaĩshanaii.

2 Reis 25:9

Senhor Deus kẽwãti hiwe inũ, shanẽ ibuhairatũ hiwe hawẽrua inũ, dasibi yununikabũ hiwe ewapa hawẽrua tibi txiwẽ kuakĩ keyutã

Salmos 69:11

Haya kashati tari sawea ẽ nikaunai dasibibũ ea uĩkĩ ea usã keyumisbuki.

Jeremias 26:18

“Judá enabu anua Ezequias shanẽ ibuhairakĩ hatu yunukubainaitiã mae betsa Moresete anua yumeni Deusũ hãtxa yuishunika Miquéiasĩ Judá enabu Senhor Deus hãtxashũkĩ: Eska Senhor Deus kushipahaira dasibi binuatũ matu yuikiki. Nĩkakãwẽ: ‘Mati Sião betsairã, hanu dayati bai besti ishanikiki. Jerusalém tekei keyui di ika hanus hawẽ mishki mania ikũkaĩshanikiki. Templo mati anurã, txaka besti benei besheshanikiki’, hatu waya,

Jeremias 26:6

haska Siló anushũ ẽ tari hiwe meribibiakẽ txakabuwakĩ ẽ yamawani keska wakĩ na Templo hiweri ẽ habiaskari washanaii. Mai hirabi anu nawa betsa betsapa shukuabu tibitũ hau ha uĩkĩ shinãpakeshanũbũ na maewã Jerusalémri txakabuwakĩ ẽ atimapa washanaii. Haska ẽ hãtxa ea hatu yuishũtãwẽ’, ea wa”,

Jeremias 52:13

Senhor Deus kẽwãti hiwe inũ, shanẽ ibuhairatũ hiwe hawẽrua inũ, dasibi yununikabũ hiwe ewapa hawẽrua tibi inũ, dasibi mae anu hawẽ hiwemisbu tibi txiwẽ kuakĩ keyukĩ

Joel 2:17

Senhor Deusũ kẽwãti hiwe Templo hemaĩtĩ anu itxabu bebũ nikaĩ Deusbe nukunabu hãtxashunikabu Senhor Deus dayashũmisburã, ha meribi dĩtu beputi anu hawẽ kẽwãti txi tapu namakis nia kashakĩ eska hãtxa Senhor Deus hau yuinũbũwẽ: “Senhor Deusuũ, minabũ txakabu tere atã ana shinãyamawe, hau ana tsuabura minabuki kashekubaĩyamanũbunã. Minabu nawa betsabũ hatuna wakĩ ibuwatã hau ana hatu yunuyamashanũbũwẽ. Habũ ikũwãbumã mikiri hatu yukakĩ: ‘Hania, matũ Mekenika Deusrã? ikĩ hau ana haska hatu yuiyamakubainũbũwẽ’ ”, ikaibũ

Miquéias 3:12

Matubũ mã kanekubainaiwẽ taeshũ Mati Sião anu maewã Jerusalém berãkĩ keyuaibu betsai mishki besti hanus mania bai wanishũ ana akatsi heneyuimabu keska anu mananã hanu Deuski nukuti hiwe wanibu anu txaka besti benea hawama dakashanikiki.”

Mateus 23:38

Uĩkãwẽ. Matũ mae matũ mesti mã mekẽnũ Deusũ matu heneshanikiki, ana Jerusalém mekeamarã.

Mateus 24:2

nuku yuikĩ: —Ikũki. Na mixki hiwe ewapa hawẽrua wanibu mã uĩaĩnã, hawẽruabia habianu mixki betsa ana matsama dasibi ha mixki hiwe tekekĩ purekĩ keyushãkanikiki— nuku wabaini

Lucas 21:24

Ha inũ, detenamekĩ nupe txaipawẽ betsabu detekĩ hatiri tenãtã betsabu atxishũ tsuma washũ mai pakea betsa betsapa anu hatu iyuaibũ Deusũ nawa kuxipabu hatu nemakĩ yamawariama habũ Jerusalém anuabu itxakawashãkanikiki— iwanã,

Deuteronômio 4:26

Eskawẽ shinãti shabakabi ẽ matu waii. Nai inũ mai habu txanitirubu keska wakĩ ẽ matu unãti wamaii. Na ẽ matu hãtxa wai danãkĩ mã txakabuwakĩ Senhor Deus sinatamai hauri mã kashanai anua mã debui keyushanaii. Hari mã hiwei txaipama itiruki, yamai keyuirã.

1 Samuel 15:11

—Pe dabanẽ Saul ẽ shanẽ ibu wani ẽ yunua ea akĩ pewashunama natiã ma ea heneawẽ taeshũ ẽ ma heneaki— aka haskakiri Samuel shinãma bika tenekĩ hau putayamanũ meshu txai tanakĩ Samuelĩ Senhor Deus Saulkiri yukashũshini